TITUS
Beatrijs
Part No. 17
Previous part

Chapter: (17) 
Verse: 667    Daer si lach in dit ghebede,
Verse: 668    Qua[m] een vaec in al h[aer] lede

Verse: 669    Ende si w[er]t in slape sochte.
Verse: 670    Jn enen vysioen haer dochte,

Verse: 671    Hoe een stemme aen haer riep,
Verse: 672    Daer si lach ende sliep:

Verse: 673    'Mensche, du heues soe langhe gecar[m]t,
Verse: 674    Dat maria dijns ontfarmt,

Verse: 675    Want si heeft v verbeden.
Verse: 676    Gaet inden cloest[er] m[et] haestecheden.

Verse: 677    Ghi vint die doren open wide,
Verse: 678    D[aer] ghi vut ginges (= ginct) ten selue[n] tide

Verse: 679    Met uwen lieue, den ionghelinc,
Verse: 680    Die v inder noet af ghinc.

Verse: 681    Al dijn abijt vinstu weder
Verse: 682    Ligghen opten outaer neder.

Verse: 683    Wile, couele ende scoen
Verse: 684    Moeghedi coenlijc ane doen.

Verse: 685    Des danct hoeghelike marien.
Verse: 686    Die slotele vander sacristien,

Verse: 687    Die ghi voer tbeelde hinct,
Verse: 688    Snachs, doen ghi vut ghinct,

Verse: 689    Die heeft si soe doen bewaren,
Verse: 690    Datmen binnen .xiiij. iaren

Verse: 691    Vwes nye en ghemiste,
Verse: 692    Soe dat yemen d[aer] af wiste.

Verse: 693    Maria es soe wel v vrient,
Verse: 694    Si heeft altoes voer v ghedient

Verse: 695    Min no meer na dijn ghelike.
Verse: 696    Dat heeft de v[ro]uwe van hemelrike,

Verse: 697    Sonderse, doer v ghedaen.
Verse: 698    Si heet v inden cloester gaen.

Verse: 699    Ghi en vint nyema[n] op v bedde
Verse: 700    Hets van gode dat ic v quedde.'


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.