TITUS
Lancelot und Ginover I: Prosalancelot
Part No. 47
Previous part

Book: Kindh. 
LANCELOTS KINDHEIT


Page: (102) 
Sentence: 598    Da die jungfrauw Lanceloten dru jare hett gehalten in dem lack, da ensah yn nymant, er wönd, er were druͦ mal alter als er was, und darzu das er jungk was, was er wise und verstendig, hubsch und resch zu allen dingen, me dann er zu recht solt von sym alter.
Sentence: 599    Die frauw gab im einen meyster, der sin pflegen solt und hübscheit leren, als man zu recht sol thun eynes koniges kint.
Sentence: 600    Nochdann enwúst nymant von yrm gesinde wer er was, dann die jungfrauw alleyne und ein ir jungfrauw.
Sentence: 601    Das saget uns die hystory das yn das gesinde und das gemeyn volck hieß der schön jungling, und die jungfrauw nant yn kóniges kint und by wilen der rich weise.
Sentence: 602    Da er die macht gewan, da macht im syn meister eynen bogen nach syner sterck und gelich geschuße, und lert yn zum allerersten zu eim ziel schießen und darnach zu cleynen vögelin in dem walde.
Sentence: 603    Da er größer ward, da macht er im synen bogen und sin geschucz merer.
Sentence: 604    Darnach schoß er zu hasen und zu den cleynen tyern und zu großen vogeln, wo er darzu qwarn.
Sentence: 605    Da er ryten mocht, da gab im die jungfrauw ein schön pfert schnel und starck und wol zu harnasche von zaum und von sattel und von sporn und von schwert.
Sentence: 606    Er reit all tag umb den lack und ein knapp mit im da er ryten begund.
Sentence: 607    Da er großer wart und starcker, da reyt er alle tag mit großer gesellschafft von junckherren und von fryen luten.
Sentence: 608    Er kunde auch als wol gebaren, das alle die wonen die yn gesahen das er were der edelste junckherre den sie ye gesahen.
Sentence: 609    Er lernet schachzabel und wurffzabel und allerhand spiel das man spielen mocht mit den handen, das er alle die meystert die er fant, mit allerhande spielen.
Sentence: 610    Das saget uns die hystoria das er der schonst jungeling was den man gesehen hatt, beide von wolgethone und von libe; synes anczliczes wollen wir auch nit vergessen als uns die hystoria gebütet.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.