TITUS
Author: Hartmann 
Hartmann von Aue
Book: Iwein 
Iwein


On the basis of the seventh edition by
G. F. Benecke, K. Lachmann und L. Wolff,
Berlin 1986
entered by Thorsten Parchent
and edited by Ralf Schlechtweg-Jahn,
Bayreuth 1999;
TITUS version by Ralf Schlechtweg-Jahn and Jost Gippert,
Bayreuth, 16.6.1999 / Frankfurt, 6.10.1999 / 1.6.2000 / 2.3.2003


[For easy reference, the text was subdivided into paragraphs of 100 verses each. J.G.]




Verse group: (1) 
Verse: 1    Swer an rehte güete
Verse: 2    wendet sîn gemüete,

Verse: 3    dem volget sælde und êre.
Verse: 4    des gît gewisse lêre

Verse: 5    künec Artûs der guote,
Verse: 6    der mit riters muote

Verse: 7    nâch lobe kunde strîten.
Verse: 8    er hât bî sînen zîten

Verse: 9    gelebet also schône
Verse: 10    daz er der êren krône

Verse: 11    dô truoc und noch sîn name treit.
Verse: 12    des habent die wârheit

Verse: 13    sîne lantliute:
Verse: 14    sî jehent er lebe noch hiute:

Verse: 15    er hat den lop erworben,
Verse: 16    ist im der lîp erstorben,

Verse: 17    so lebet doch iemer sin name.
Verse: 18    er ist lasterlîcher schame

Verse: 19    iemer vil gar erwert,
Verse: 20    der noch nâch sînem site vert.

Verse: 21    Ein rîter, der gelêret was
Verse: 22    unde ez an den buochen las

Verse: 23    swenner sîne stunde
Verse: 24    niht baz bewenden kunde,

Verse: 25    daz er ouch tihtennes pflac
Verse: 26    (daz man gerne hœren mac,

Verse: 27    dâ kêrt er sînen vlîz an:
Verse: 28    er was genant Hartman

Verse: 29    und was ein Ouwære),
Verse: 30    der tihte diz mære

Verse: 31    Ez hete der künec Artûs
Verse: 32    ze Karidôl in sîn hûs

Verse: 33    zeinen pfingesten geleit
Verse: 34    nâch rîcher gewonheit

Verse: 35    ein alsô schœne hôchzît
Verse: 36    daz er vordes noch sît

Verse: 37    deheine schœner nie gewan.
Verse: 38    deiswâr dâ was ein bœser man

Verse: 39    in vil swachem werde:
Verse: 40    wan sich gesament ûf der erde

Verse: 41    bî niemens zîten anderswâ
Verse: 42    sô manec guot ritter alsô dâ.

Verse: 43    ouch wart in dâ ze hove gegeben
Verse: 44    in allen wîs ein wunschleben:

Verse: 45    in liebte hof und den lîp
Verse: 46    manec maget unde wîp,

Verse: 47    die schœnsten von den rîchen.
Verse: 48    mich jâmert wærlîchen,

Verse: 49    und hulfez iht, ich woldez clagen,
Verse: 50    daz nû bî unseren tagen

Verse: 51    selch vreude niemer werden mac
Verse: 52    der man ze den zîten pflac.

Verse: 53    doch müezen wir ouch nû genesen.
Verse: 54    ichn wolde dô niht sîn gewesen,

Verse: 55    daz ich nû niht enwære,
Verse: 56    dâ uns noch mit ir mære

Verse: 57    sô rehte wol wesen sol:
Verse: 58    dâ tâten in diu werc vil wol.

Verse: 59    Artûs und diu künegin,
Verse: 60    ir ietwederz under in

Verse: 61    sich uf ir aller willen vleiz.
Verse: 62    dô man des pfingestages enbeiz,

Verse: 63    männeclîch im die vreude nam
Verse: 64    der in dô aller beste gezam.

Verse: 65    dise sprâchen wider diu wîp,
Verse: 66    dise banecten den lîp,

Verse: 67    dise tanzten, dise sungen,
Verse: 68    dise liefen, dise sprungen,

Verse: 69    dise hôrten seitspil,
Verse: 70    dise schuzzen zuo dem zil,

Verse: 71    dise redten von seneder arbeit,
Verse: 72    dise von grôzer manheit.

Verse: 73    Gâwein ahte umb wâfen:
Verse: 74    Keiî leite sich slâfen

Verse: 75    ûf den sal under in:
Verse: 76    ze gemache ân êre stuont sîn sin.

Verse: 77    Der künec und diu künegin
Verse: 78    die heten sich ouch under in

Verse: 79    ze handen gevangen
Verse: 80    und wâren ensament gegangen

Verse: 81    in eine kemenâten dâ
Verse: 82    und heten sich slâfen sâ

Verse: 83    mê durch geselleschaft geleit
Verse: 84    dan durch deheine trakheit.

Verse: 85    sî entsliefen beidiu schiere.
Verse: 86    dô gesâzen ritter viere,

Verse: 87    Dodines und Gâwein,
Verse: 88    Segremors und Îwein,

Verse: 89    (ouch was gelegen dâ bî
Verse: 90    der zuhtlôse Keii)

Verse: 91    ûzerhalp bî der want:
Verse: 92    daz sehste was Kâlogrenant.

Verse: 93    der begunde in sagen ein mære,
Verse: 94    von grôzer sîner swære

Verse: 95    und von deheiner sîner vrümekheit.
Verse: 96    dô er noch lützel hete geseit,

Verse: 97    dô erwachte diu künegin
Verse: 98    unde horte sîn sagen hin in.

Verse: 99    sî lie ligen den künec ir man
Verse: 100    unde stal sich von im dan,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.