TITUS
Alexanderroman (Wernigeroder Handschrift)
Part No. 24
Previous part

Chapter: 35  
Serapis erscheint Alexander


Verse: 771    Allexander der ritterlich
Verse: 772    Zoch da gewalticlich

Verse: 773    In daz land auf ain grün:
Verse: 774    Da legt sich nider der kün.

Verse: 775    Da er ains nachts also lag
Verse: 776    Und er seines sloffes pflag,

Verse: 777    Da köm der got Serapis
Verse: 778    Für den künig vil gewiß

Verse: 779    Und zaigt im ainen großen perg
Verse: 780    Und sprach zu im: 'bist du gederb

Verse: 781    Ob du mit deinen synnen
Verse: 782    Dysen berg von hynnen

Verse: 783    Bringen mügst hin uber?'
Verse: 784    Ich sprach zu im: 'dar uber

Verse: 785    Wil ich antbürten dir:
Verse: 786    Dez wer zu vil mir,

Verse: 787    Wann daz ist unmüglich.'
Verse: 788    'Daz ist war sicherlich,'

Verse: 789    Sprach der got zu hand.
Verse: 790    'Wa hin hastu dein sin gewand,

Verse: 791    Wann du doch pist tötlich
Verse: 792    Und kanst nit leben ewiclich,

Verse: 793    Und hast in deinem synn gedaht
Verse: 794    Daz all die werlt werd gebraht

Verse: 795    Under deinen gewalt?
Verse: 796    Du maht nit werden alt.'

Verse: 797    Dez ward der künig unfrö
Verse: 798    Und sprach zu dem got do:

Verse: 799    'Sag mir wie ich e mein leben
Verse: 800    Sull hie ain end geben.'

Verse: 801    Da sprach der got Serapis:
Verse: 802    'Du solt wißen vil gewiß,

Verse: 803    Du wirst in deiner jügent
Verse: 804    Von vergift unmügend,

Verse: 805    Daz du da von stirbst:
Verse: 806    Da mit du dir erwirbst

Verse: 807    Schand und smacheit.'
Verse: 808    Also erwacht der her gemait

Verse: 809    Von slaf und wart trawrig:
Verse: 810    Unmut nam an im den sig.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.