TITUS
Alexanderroman (Wernigeroder Handschrift)
Part No. 20
Previous part

Chapter: 27a  
Eroberung Albas


Verse: 664    Dannen schied der her gemait

Verse: 665    Und zoch für Alba die stat.
Verse: 666    Er sprach zu in und pat

Verse: 667    Daz sie sich williclich
Verse: 668    Geben, arm und reich,

Verse: 669    An in und an sein krön.
Verse: 670    Dez mainten sie nit ze tön:

Verse: 671    Sie warnd all höch gemüt
Verse: 672    Und sprachent: 'e wir im güt

Verse: 673    Oder zins wolten geben,
Verse: 674    Vil lieber wöll wir leib und leben

Verse: 675    Auf einen tag der strecken.
Verse: 676    Er mag uns nicht der schrecken.

Verse: 677    Wir wollent mit streit in bestann,
Verse: 678    Als wir vor oft habent getan.'

Verse: 679    Sie warnd all fraydig fiezz:
Verse: 680    Wer yndert mehtigs an in stiezz,

Verse: 681    Den gedahten sie betwingen
Verse: 682    Mit solhen weisen dingen:

Verse: 683    Wann daz volk von Alban
Verse: 684    Durch fechten wolt auf einen plan

Verse: 685    Und sie ir hauffen wolten
Verse: 686    Schicken als sie solten:

Verse: 687    Sie heten vor dem ersten spicz
Verse: 688    Mit yrem synn und wicz

Verse: 689    Hünd vil uber all möß,
Verse: 690    Die luffend dan ir strözz

Verse: 691    Hin gen der veind ört.
Verse: 692    Also warnd sie gelört

Verse: 693    Von jugent, daz sie die veint an
Verse: 694    Luffend, als sie wernd mann.

Verse: 695    Zerren, peyßen waz ir gir:
Verse: 696    So müst man sich den wern ir.

Verse: 697    Da mit die veind begunden müden:
Verse: 698    So kunden sie dann zu küden

Verse: 699    Mit slegen und mit stichen,
Verse: 700    Da von vil dik wichen

Verse: 701    Ir veind, daz sie den sig namen.
Verse: 702    Do Allexander het vernomen

Verse: 703    Der von Albana listickeit,
Verse: 704    Da gegen vand er ein kündickeit

Verse: 705    Er hiez berüffen zehand
Verse: 706    Daz mann auz in daz land

Verse: 707    Schikt ver und nachent,
Verse: 708    Und liez pald gauchen,

Verse: 709    Daz man im breht pald
Verse: 710    Swein jung und ald.

Verse: 711    Er hiez orden die spicz
Verse: 712    Mit manheit und wicz:

Verse: 713    Die swein man vor dem spicz traib
Verse: 714    An die veind. da belaib

Verse: 715    Kain der veind hünd,
Verse: 716    Sie fluhent alle ze stünd:

Verse: 717    Die swein in nach lieffen,
Verse: 718    In den hauffen slieffen.

Verse: 719    Begunden sie der wider warten.
Verse: 720    Allexander der zarte

Verse: 721    Truckt hin nach ritterlich
Verse: 722    Mit seinem volk manlich,

Verse: 723    So daz er sie durch brach,
Verse: 724    Da von sie grözz ungemach

Verse: 725    Lytten von slegen und stychen
Verse: 726    Und daz sie hinder sich wichen:

Verse: 727    Da von den sig da gewann
Verse: 728    Allexander der weiß mann.

Verse: 729    Mit listen und mit manhait
Verse: 730    Tet er in vil grözz lait,

Verse: 731    Daz sie sich im müsten ergeben
Verse: 732    Und jerlichen zins geben.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.