TITUS
Lamprecht, Alexander (Strassburger Bearbeitung)
Part No. 46
Previous part

Chapter: 108  
Darius' 3. Brief an Alexander (Sorge um seine Familie/ Drohungen)


Verse: 2852       Dô quam DarIo ein brieb,
Verse: 2853    der ne was ime niwit lieb,

Verse: 2854    dô er in ubirlas:
Verse: 2855    daz der strît irgangen was,

Verse: 2856    daz stunt dar inne gescriben
Verse: 2857    und wer dâr tôt was bliben

Verse: 2858    und wer dannen wâre comen
Verse: 2859    mit scaden und niht mit fromen;

Verse: 2860    unde wî Batran di mêre
Verse: 2861    gare beroubit wêre

Verse: 2862    und wî sîn mûter und sîn wîb,
Verse: 2863    di ime wâren sô der lîb,

Verse: 2864    und sîne kint wâren gevangen,
Verse: 2865    und wî iz dâ was irgangen,

Verse: 2866    daz enboten ime sîne man,
Verse: 2867    unde daz iz Alexander hête getân,

Verse: 2868    unde hiezen ime clagen
Verse: 2869    irn vil michelen scaden;

Verse: 2870    unde swanner daz vernême,
Verse: 2871    daz er in quême

Verse: 2872    schiere ze helfe
Verse: 2873    und selbe mit gelfe

Verse: 2874    rêche sînen anden:
Verse: 2875    er lide grôze scande.

Verse: 2876       Darius screib einen brieb dô
Verse: 2877    und santin Alexandro.

Verse: 2878    dar stunt alsus gescriben an,
Verse: 2879    alsihz vernomen hân:

Verse: 2880    'mir ist ze wizzene getân,
Verse: 2881    wî du hâst mîne man

Verse: 2882    beide gevangen und irslagen:
Verse: 2883    ih ne mac iz langer nit vertragen,

Verse: 2884    wandiz mir wê tût.
Verse: 2885    ih genidere dînen hômût,

Verse: 2886    daz du des ie gedâhtes,
Verse: 2887    daz du mir gestrîten mahtes

Verse: 2888    und ie torstis gejehen,
Verse: 2889    daz du mich woldes sehen

Verse: 2890    ûf einen velde mit mînem here.
Verse: 2891    mahtu dih mih irwere,

Verse: 2892    sô mugen von himele mîne gote
Verse: 2893    zô der helle wesen bote.'

Verse: 2894    ouh enbôt Darius
Verse: 2895    Alexandro alsus:

Verse: 2896    'daz du mîneme gesinde,
Verse: 2897    mînen wîbe und mînen kinden

Verse: 2898    unde mîner mûter
Verse: 2899    hâs getân ze gûte,

Verse: 2900    daz hâstu ubile gewant:
Verse: 2901    ih ne weiz dirs nit bezzeren danc,

Verse: 2902    wene alse du si hêtis irslagen.
Verse: 2903    ih wil dir wêrlîchen sagen,

Verse: 2904    ih ne werde niemer dîn frûnt,
Verse: 2905    di wîle ih dih weiz gesunt;

Verse: 2906    wandih dih von rehte hazzen sol.
Verse: 2907    mir ne is niwit wol

Verse: 2908    zô dir ze mûte,
Verse: 2909    nû scaffe dîne hûte.

Verse: 2910    du hâs einen sturm an dîner hant.'
Verse: 2911    Alexander der wîgant

Verse: 2912    der entfienc disen brieb
Verse: 2913    und ne forhtin betalle niet.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.