TITUS
Alexanderroman (Johann Hartlieb)
Part No. 45
Previous part

Chapter: 42  
Paragraph: 43  
Unterwerfung Athens

Line: 1029   Wie Allexander zuͦ athenis kam vnd wie si sich gegen im stalten vnd vil ratt hetten.
Line: 1030   XXXXIII


Line: 1031     Darnach kcherett sich Alexander zu der statt athenis vnd als er nachantt kam,
Line: 1032     da santt er brief den maistern in der statt Athenis. Die pflagen gar hocher
Line: 1033     weyßhaitt vnd waren die pestenn in aller werltt, wann sy pflagen soleicher
Line: 1034     v́bung in rechtterr weyßhaitt, daz in nyemandt geleichen mochtt. Plato der
Line: 1035     weys wardt da erczogen, Aristotiles der hochgelertt, der hatt daselbst gelernett
Line: 1036     vnd auch gelernett sein kchunst, die dann in aller werltt wol erscholen ist. Es
Line: 1037     waren auch all naturleich phylosophey vnd maister von den man list große
Line: 1038     kchunst vnd ämßig v́bung vnd tugendt. Diee selben waren herren der statt
Line: 1039     athenis. Der selbenn statt schraib Alexander in soleicher forme ainen prief also:
Line: 1040     'Alexander, ain sun Phylippi vnd Olimpiades. Ich hoͮff, ir sultt mier vnderthann
Line: 1041     vnd getrew sein, seydt ich auch ain tayl ewr kchunst gelerett hab vnd
Line: 1042     darumb, daz ich mich ewrer kchunst geflyßen hab, so ist mier worden
Line: 1043     vnderthan ewroppa, daz ist daz dryttayl aller werltt. Vnnd seydt ich ewch
Line: 1044     wider meinen willen strebendt nicht funden hab, emphachtt mein maynung
Line: 1045     vnd nichtt die wortt mitt menig gesameltt glorieren: Wie wol daz ist, daz ir
Line: 1046     vast rattsam vnd hochgelertt seytt, daz erscheinertt pas vnd lawttrer. Ist, daz ir
Line: 1047     willigcleich vnd geren meinenn gepotten gehorsam seytt, wann ir muest yee
Line: 1048     sein diee aller pestenn oder muest aber den peßtten gehorsam sein. Darumb so
Line: 1049     hab ich mich bedachtt, daz ich alle iare von ewch purgern von athenis haben
Line: 1050     wil tawßenntt pfundt goldes lawtters'. Die weyßen maister vnd diee gemainen
Line: 1051     purger der statt athenis schreiben hinwider dem groͮßenn Alexannder in dißer
Line: 1052     forme: 'Wier bekennen wol, daz dein vatter in dem lebenn vns offt gemuett
Line: 1053     vnd gelaydigett hatt, darumb wier seines todes nichtt betruebett sein, sunder
Page: 129  Line: 1054     vast gefrewett. Daz versteen wier von dier auch wol, darumbe, daz du so
Line: 1055     vnparttleichenn thuest. Wann hast du soleich getrawen vnd willenn zu dem
Line: 1056     vechtten, so vichtt mitt andern, diee pass beraytt sein zu streytt, dann wier
Line: 1057     sein'. Alexander verlas ir epistel vnd schraib in hinwider in dißer forme: 'Ich
Line: 1058     hab vor czeitten zu ewch gesanntt Leontam, meinem potten, der ewren rednärn
Line: 1059     die czungen verschnayd vnd sy zu vns gefuertt hatt. Nun hab ich mich
Line: 1060     bedachtt, selber zu ewch zukomen vnd die statt athenis wueesten vnd awßrewtten,
Line: 1061     darumb, daz ir vnnsern gepotten nichtt gehorsam seytt vnd die in
Line: 1062     hochfartt verschmächtt. Vnd ist, daz ir vnnßern gepotten weltt gehorsam sein,
Line: 1063     so senndett czechenn der aller pesten auss der statt zu vns, damitt mugtt ir
Line: 1064     gesennfften vnnsern czoren'. Da die prief in der statt vor mänigcleich gelesen
Line: 1065     wuerden vnd sy der gancz pouel vernomen hett, da wardt rattes gefragett
Line: 1066     der weys rednär vnd orator Estines. Der rattschlueg mitt soleichen wortten
Line: 1067     vnd synnen: 'O ir man von athenis, ich hab nichtt bedachtt anders vnd findt
Line: 1068     nichtcz peßers fuer diee statt, noch nichtcz hailsamers vnd säligers vns allenn,
Line: 1069     dann daz wier allem gepott vnd willen des kunigs Alexanders gehorsam sein.
Line: 1070     Namleich darumb, so ich gedenck ann den zorenn Phylippi vnd an daz geleich
Line: 1071     gesacztt Alexanndry. Wann Phylippus hett hochenn muett, so hatt dißer Alexander
Line: 1072     die kchunst vnd weyßhaitt Aristotiles vnd mochtt wol komen. Alexander
Line: 1073     wuerde vns hoch eren vnd wyerden, darumb, daz die kchunst Aristotiles
Line: 1074     von vns zu im komen ist vnd des mochtten wier wol genyeßenn, daz Alexander
Line: 1075     all sein herttigkaitt, die er auf vns gesacztt vnd gewappentt hatt, verkerett
Line: 1076     in guettigkaytt, auch am maysten daz angesechen, daz er die rechtten kchunst
Line: 1077     hatt, die lanndt zu beczwingen'. Da nun geendet wuerden die wortt Estine, da
Line: 1078     stuendt auf ainer von der czal der weyßenn, der auch der statt ratt was vnd
Line: 1079     edel, genantt Damattes, der sprach also: 'AIs lang vnd die weyl Estines vns
Line: 1080     erschreckt vnd czaghafft machtt vnd vnnser gemuett kerett vonn dem streytt
Line: 1081     vnd vechtten, darynne wier doch yee die allerpesten waren vnd die keckisten
Line: 1082     ritter ere zu erberwen gewesen sein, so kan mich daz nichtt verwundern, was
Line: 1083     dich, Estines, darczue laytt vnd kere, wann du vor czeitten geratten hast - vnd
Line: 1084     nichtt vnpilleichenn - daz wier wider die person streytten soltten, daz wier
Line: 1085     auch nämleich thetten, diee mer tawßentt guttter ritter hetten dann Alexander
Page: 130  Line: 1086     allerlay volckes gesameltt hatt. Daselbst wier gesygtten vnd erschluegen in
Line: 1087     vnserm gemuett der perßen heer alles. Wier haben auch vor nyee kainen spycz
Line: 1088     der veindt geforchtt. Waist du nichtt, wiee wier fluchttig machtten mitt
Line: 1089     herttem streytt daz starck volck lacidonies? Wier haben auch mitt streytt angesigett
Line: 1090     dem fraydigen volck karinthyen, die doch vast zu streytte gelerett waren.
Line: 1091     So haben wier auch nyder geschlagenn magares, den vast mochttigen kunig
Line: 1092     vnd alles sein reich vns vnderthann vnd gehorsam gemachtt. Auch so haben
Line: 1093     wier außgerewtt daz starck volck achidos. Nun zu dem leczsten so haben wier
Line: 1094     souil tawßentt ritter dem kunig Exersses vmbprachtt, daz es vnsägleich ist,
Line: 1095     wann sein heer was so gross, daz er alles vnnser lanndt bedackt mitt ritterschafft
Line: 1096     vnd daz weytt mer hett er vberpraytt mitt scheffen, noch dann gesygtten
Line: 1097     wier mitt vnnserm ritterleichem gemuett vnd waren doch irer geschoss
Line: 1098     souil, daz sy den tag in den lufften tunckel machtten, noch gesygttenn wier. Ich
Line: 1099     schwer pey meinen gottern, daz daz wol ain spoͮttleich ding ist, soltten wier
Line: 1100     souil großer streytt gewunnen haben mitt vnnsern krefften, darynne wier vber
Line: 1101     alle werltt hoch gelobtt sein vnd soltten dann nichtt widersteen mitt streytt
Line: 1102     dem thoretten vber vnbesynntten kchindt Alexandro. Wann nun aber er
Line: 1103     begertt im zugeben vnnser weyßer mann czechen, daz thuett er darumb, daz er
Line: 1104     vnnser statt, machett vnd weyßhaitt lere vnd darnach so machtt er dann mitt
Line: 1105     subttylem synne in die statt vallen. Wann wo weyßhaitt die statt oder lanndt
Line: 1106     verlaßentt, da hilfft klain der iungen ritter sterck'. Darnach patt der pouel
Line: 1107     weyßen ratt zegebenn ainen gelertten maister vnd woluerstanden mann,
Line: 1108     genantt Demassenes. Derselb wincktt mitt der hanndt dem muermelundem
Line: 1109     pouel vnd sprach also: 'O ir veryrrtten manner, ir habtt hiee ratt vnd groͮss
Line: 1110     sarge als ich verstee, ob vns czimbtt zestreytten wider Alexandrum, oder ob
Line: 1111     wier seinem gepott geuolgig, gehorsam vnd vnderthan sein sullen. Daz hab ich
Line: 1112     alles mitt gar ernstleichem fleyss bedachtt vnd durchgrundett vnd mier
Line: 1113     geueltt gar woͮl der ratt vnd vrtail Estines, wann er hatt gar weyßleich gerattenn
Line: 1114     vnd wier sein dabey nichtt geuallen von vnnßern kchrefftenn vnd streytten,
Line: 1115     ob des noͮtt geschäch, wann durch den ratt so betruebtt kain czaghaitt
Line: 1116     dißen ratt, wann zu streytt sich wol zu bedencken ist, wann der syge des
Line: 1117     streyttes ist nichtt gewyss. Nun hatt Damattes in seinen wortten hoch geredt
Page: 131  Line: 1118     vnd ermanett der hochenn säligkaitt, die wier vor czeitten gehabtt habenn in
Line: 1119     großen streytten vnd mayntt, daz wier den selben soltten nach uolgen vnd vns
Line: 1120     vnd vnnser volck zu streytt wappenn vnd vns soltten auf den streytt verlaßen
Line: 1121     vnd getrawen haben, daz wier Alexandro wol angesigtten, so er all sein sach so
Line: 1122     kchindtleich vnd sunder ratt thuett. Damattes ratt mag auch guett sein, aber
Line: 1123     mier geueltt vil pass der ratt Estines'. Darnach hueb an ainer zu reden mer der
Line: 1124     weyßen maister, der hochgelertt was, Damastenes, vnd kerett sich zu Damattes
Line: 1125     vnd sprach: 'O Demattes, ich flech vnd pitt dich, daz du mier czaygest ainen
Line: 1126     oder mer solleicher kecker, vnerschrocken starcker fuersten, hawbt man oder
Line: 1127     heere nun zumal als wier sy vor czeittenn gehabtt haben, als dann mänigcleich
Line: 1128     wol ways vnd kchundt ist, daz wier die hochsten vnd pesten zu streytt gelerett
Line: 1129     hetten. Vnd die weyl wier die hetten, da was vns wol zu streytt zuratten. Seydt
Line: 1130     aber wier der kainenn noch ainen haben, noch haben mugen, so ist auch mein
Line: 1131     ratt, daz wier den streytt laßenn vnd shunst genadee suechen an Alexander, der
Line: 1132     wier hoffen, nichtt verczigen sein, seydt im souil kchunst vnd weyßhaitt geben
Line: 1133     ist von vns durch seinen maister Aristotelem'. Da nun Damastenus dißew vnd
Line: 1134     der geleichen wortt vil geredt, da beschloss daz volck albeg mitt gemainem
Line: 1135     ratt, daz man volgen soltt Damasteno vnd Estine vnd nichtt Damattes. Die
Line: 1136     purger von athenis santten Alexandro pey Damasteno, dem weysen rednär,
Line: 1137     gar ain kchostleiche, guldeine kchron. Da nun Damastenus allain kam vnd
Line: 1138     nichtt diee czechen mitt im, da wardt betruebtt Alexander vnd liess anschlachen
Line: 1139     in alle gazzen der statt seine gebott vnd dardurch wardt er in guettmuettigkaitt
Line: 1140     gekerett. Daz geschach durch anweysung Damasteni. Darnach schrayb
Line: 1141     kunig Alexander den purgern zu athenis in soleicher forme: 'Ich schreib ewch
Line: 1142     purgern als ain kunigk, aber ich wil nichtt, daz man mich also nenne, als lanng
Line: 1143     piss ich alle warbarische sprach beczwing vnd sy den kchryechen vnderthann
Line: 1144     vnd gehorsam mache.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.