TITUS
Alexanderroman (Johann Hartlieb)
Part No. 31
Previous part

Chapter: 21b  
Paragraph: 29  
Alexander straft seine Mutter

Line: 730   Wie Allexander sein muͦter strauft. In dem XXVIIII


Line: 731     Alexander sach in waynen vnd keret sich von im vnd gienng zu seiner muetter
Line: 732     Olimpiades vnd sprach zu ir: 'Mein allerliebste muetter, du soltt meines vatters
Line: 733     maynung vnd willen nichtt in vbel aufnemen, wann wiewol dein gross sundt,
Line: 734     vbel vnd missetatt, daz du dein trew, ere vnd stätt an kunigkch Phylippen
Line: 735     geprochen hast, nyemandt wais, yedoch so andentt die naturleichen einfluss
Line: 736     der mannen herczen vnd bewegen sy zu ettleichen czeitten. Wann gelaub
Page: 119  Line: 737     dem lawff der natur, so emphindest du, daz dich pilleich ymmer rewen soltt
Line: 738     dein stätt, ere vnd trew, die du an im czerprochen hast. Vnd ob es sach war,
Line: 739     daz du nyee vbel gethann hettest, yedoch so czimbt deinen eren woͮl, daz du
Line: 740     deinem manne vbersechest vnd im in allen dingen gehorsamee seyst, wann wo
Line: 741     ain weyb irem manne gehorsam ist, da ist nichtt enmittel, dann der goͮtter
Line: 742     wille. Wann aber czwischen weyben vnd mannen yerrung vnd vnwillen sindt,
Line: 743     da fliechen all gotter von vnd desselben reich wierdt nichtt lanng in eren
Line: 744     besteen, wann wie mag das wesenleich peleyben, daz an allen orttern an sich
Line: 745     czewchtt vnd in den nichtt verlaßen vnd aller hilff an ist. Darumb piss gehorsam
Line: 746     deinem man Phylippo vnd vbersiech im vnd gedenck, daz du an im
Line: 747     geprochen habst. Daz hab albeg vor deinen augen, so peleybtt ymmerwerendew
Line: 748     ainigkaitt zwischen dier vnd im'. Olimpiades, die muetter Alexandri,
Line: 749     dancktt vast irem lieben sune der weyßen straffe vnd versprach im pey allenn
Line: 750     irenn gottern, Phylippo, dem kunig, in allen dingen vnderthan vnd gehorsam
Line: 751     zu sein.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.