TITUS
Lamprecht, Alexander (Basler Bearbeitung)
Part No. 70
Previous part

Chapter: 147  
Alexander bestraft Darius' Mörder


Verse: 2832    da nach fragte er genot

Verse: 2833    nach den, die Daryo den dot
Verse: 2834    tatten. er bot in groses guͦt und grossen sold

Verse: 2835    und wolt in jemer wesen hold:
Verse: 2836    des swor [er] durch ir leid

Verse: 2837    und verhies es bi dem eid
Verse: 2838    und bi siner muͦtter heil,

Verse: 2839    er wolt in geben soͤlichen teil
Verse: 2840    des landes und der erde

Verse: 2841    daz es inen gnuͦg soltte werden.
Verse: 2842    do sy daz vernomen,

Verse: 2843    für in sy do komen,
Verse: 2844    ..............................

Verse: 2845    daz sy dieselben weren
Verse: 2846    ...............................

Verse: 2847    'so müessen ir ze buͦsse stan',
Verse: 2848    sprach der küng, er heis sy qellen

Verse: 2849    ...............................
Verse: 2850    jemerlich mit manger arbeitten.

Verse: 2851    da nach hies er sy leitten
Verse: 2852    hin zuͦ Daryus grab.

Verse: 2853    mit grosser ungehab
Verse: 2854    mantens in der eide

Verse: 2855    und siner muͦtter heil der beide.
Verse: 2856    er sprach 'daz wil ich lassen war,

Verse: 2857    ich wil iuch geben zwar
Verse: 2858    land und erttrich so vil,

Verse: 2859    ob iuch benüegen wil,
Verse: 2860    daz ir sin niut me müegen gern'.

Verse: 2861    do wolt er niut enbern,
Verse: 2862    er hies [si] lebendig gegraben

Verse: 2863    'daz lant süellen ir jemer haben
Verse: 2864    und oͮch daz erttrich:

Verse: 2865    ir sind jemer gnuͦg rich'.
Verse: 2866    die rache geviel in allen.

Verse: 2867    die Kreichen und die Persen
Verse: 2868    woren sin fro.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.