TITUS
Lamprecht, Alexander (Basler Bearbeitung)
Part No. 52
Previous part

Chapter: 108  
Darius' 3. Brief an Alexander (Sorge um seine Familie/ Drohungen)


Verse: 2206     Ein brieff kam Daryo,

Verse: 2207    daz sin gemüet ward unfro.
Verse: 2208    dar an stuͦnd geschriben das,

Verse: 2209    wie der sturm ergangen was,
Verse: 2210    wie vil der sinen erslagen wer

Verse: 2211    und wie Battram die mer
Verse: 2212    wer beroͮbet und gevangen.

Verse: 2213    'von Allexander ist ergangen
Verse: 2214    über uns ein michel rach.

Verse: 2215    diner helfe bitten wir, oͮch
Verse: 2216    daz du selber kumest bald

Verse: 2217    und rechest den gewalt
Verse: 2218    oder du kumest ze schaden.

Verse: 2219    ................................'
Verse: 2220    Da[rius] den brief gelas da,

Verse: 2221    einen andren schreib er sa
Verse: 2222    und sant in Allexandro.

Verse: 2223    mit siner hant schreib er also
Verse: 2224    'mir ist botschafft gesant,

Verse: 2225    wie du wiestest min land
Verse: 2226    und hast gevangen min man;

Verse: 2227    da benüeget dich niut an,
Verse: 2228    du hast si dar nach erslagen,

Verse: 2229    daz wil ich lenger niut vertragen.
Verse: 2230    darst du min erbeiten,

Verse: 2231    ich wil mit dir stritten:
Verse: 2232    din friunt wird ich niemer

Verse: 2233    ..............................'
Verse: 2234    den brief las Allexander,

Verse: 2235    vil sere froͮt er sich der mer.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.