TITUS
Lamprecht, Alexander (Basler Bearbeitung)
Part No. 35
Previous part

Chapter: 51  
Alexanders 2. Brief an Darius (Pfefferkorn)


Verse: 1663    ein breif schreib Allexander; Dario
Verse: 1664    enbot, sin her wer unzaglich do,

Verse: 1665    so versech er sich, sy weren weich als die korn,
Verse: 1666    er solt im wessen zorn.

Verse: 1667    er wolt ze lande keren
Verse: 1668    siner muͦtter zen ern,

Verse: 1669    die im flisselich enbot
Verse: 1670    (anders durch dehein not);

Verse: 1671    im scheir komen
Verse: 1672    durch keinen sinen fromen;

Verse: 1673    und sant im phffeffer korn
Verse: 1674    ... etwo vil ...

Verse: 1675    also sind mine helden suoz,
Verse: 1676    des er inen werden muͦs.'

Verse: 1677    do Daryo der botte kam
Verse: 1678    und er die botschaft von im vernam,

Verse: 1679    er sprach 'was ret er dar zuo dem korn?'
Verse: 1680    'here, es was im niut zorn:

Verse: 1681    er as sy güetlich,
Verse: 1682    er sprach: din her wer onzal rich,

Verse: 1683    ..............................
Verse: 1684    doch weren sy sües und weich.

Verse: 1685    die koͤrnlin er dir sant,
Verse: 1686    bi den duͦt er dir bekant,

Verse: 1687    wie sin volk ist gesmak;
Verse: 1688    ich füercht, es bring uns leidigen dag.'

Verse: 1689    ....................................
Verse: 1690    Daryus nam die korn

Verse: 1691    und warff sy in den munt,
Verse: 1692    do ranff er sich ze stund.

Verse: 1693    do row in Allexanders vart,
Verse: 1694    das im je so noche ward.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.