TITUS
Lamprecht, Alexander (Basler Bearbeitung)
Part No. 32
Previous part

Chapter: 48  
Alexander besiegt Darius am Strage


Verse: 1562    do man Daryo daz sagt,

Verse: 1563    niut sere er es noch klagt,
Verse: 1564    doch swor er ein teill

Verse: 1565    bi sines riches heill:
Verse: 1566    es stüende niht vierzehen tag,

Verse: 1567    man müesti hoͤren soͤliche klag,
Verse: 1568    wie er daz anfieng,

Verse: 1569    Allexander hieng.
Verse: 1570    botten wurden do gesant

Verse: 1571    ....................
Verse: 1572    über alle sine rich.

Verse: 1573    allen sinen fürsten gelich
Verse: 1574    den klagt er schaden und schand,

Verse: 1575    daz sy in xiiij tagen
Verse: 1576    werent bereit ze Mosopotani.

Verse: 1577    sin heren alle dar komen.
Verse: 1578    sin her wolt er : : : : schuͦwen,

Verse: 1579    wie menig schar er moͤchtte han.
Verse: 1580    ein schar sol han

Verse: 1581    sechs tusing sechs hundert sechs und sechzig man.
Verse: 1582    zwen und drisig küng wurden gezalt;

Verse: 1583    herzogen und groffen, der was
Verse: 1584    sibenzig und ij hundert, als ich es las;

Verse: 1585    von Persya ...
Verse: 1586    sibenzig tusing man

Verse: 1587    ..............................
Verse: 1588    die von Kononeses

Verse: 1589    mit fünfzig tusing knechten,
Verse: 1590    die wol getorsten vechten;

Verse: 1591    die Papili komen dar
Verse: 1592    vierzig tusing in ir schar.

Verse: 1593    da kam im ein schar gros,
Verse: 1594    die der reisse niut verdros:

Verse: 1595    von Medendrich hundert tusing kan ir dar,
Verse: 1596    die warent zagheit bar;

Verse: 1597    achzig tusing wart gesant
Verse: 1598    von Cilliczya dem lant;

Verse: 1599    von Ninive brachte dar
Verse: 1600    zwenzig tusing in ir schar;

Verse: 1601    achzig tusing warent der,
Verse: 1602    die von Armenye komen her;

Verse: 1603    die snellen Gassern
Verse: 1604    und die Pilisti woltten wern

Verse: 1605    Daryo ir helffe dar:
Verse: 1606    dusing rissen was ir schar.

Verse: 1607    noch sassen sin fryen man
Verse: 1608    in Fryga vier hin dan

Verse: 1609    ...............................
Verse: 1610    die brachtten irn zwenzig tusing man;

Verse: 1611    von Indya dem lant
Verse: 1612    zwielf tusint man im sant;

Verse: 1613    noch kam im ein kleines her
Verse: 1614    von dem rotten mer

Verse: 1615    ein tusing sneller helden.
Verse: 1616    ................................

Verse: 1617    nun waren sy alle ze samen komen,
Verse: 1618    ir zal ward also vernomen:

Verse: 1619    sechs hunder tusing was ir do,
Verse: 1620    die gern dienten Taryo,

Verse: 1621    dar zuͦ drissig dusing oͮch.
Verse: 1622    ze Allexandro was im goch.

Verse: 1623    Allexander daz vernam.
Verse: 1624    daz soͤlich macht gen im kam,

Verse: 1625    die in bestan woltten
Verse: 1626    und Persyan rechen woltten;

Verse: 1627    er besantte sich bi der stund,
Verse: 1628    so er best kund;

Verse: 1629    er beschuͦwet oͮch sin her,
Verse: 1630    daz was oͮch bereit ze wer.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.