TITUS
Lamprecht, Alexander (Basler Bearbeitung)
Part No. 30
Previous part

Chapter: 44  
Alexanders erste Schlacht mit den Persern (Granicus)


Verse: 1420    die zwen herzogen besamnetten sich mit kraft

Verse: 1421    xxx dusint heiden ellenhaft
Verse: 1422    und leitten sich an daz wasser sa.

Verse: 1423    do was Allexander oͮch alda.
Verse: 1424    ..................................

Verse: 1425    er schiffte gen in hin über die fluͦt.
Verse: 1426    ze fordrest kam er in engegen

Verse: 1427    ..................................
Verse: 1428    er drang zuͦ in uf daz bort.

Verse: 1429    bede hie und dort
Verse: 1430    huͦb sich angst und not;

Verse: 1431    da bliben vil tusing dot
Verse: 1432    von den Kreichen....

Verse: 1433    er die stat gewune
Verse: 1434    ee er kam an daz land.

Verse: 1435    uf Buttifal sas er ze hant,
Verse: 1436    in den huffen er do rant,

Verse: 1437    er sluͦg, als der hagel duͦt,
Verse: 1438    vor dem nieman ist behuͦt:

Verse: 1439    wa er kam gen in gevarn,
Verse: 1440    ee sich jeman umb gesach,

Verse: 1441    so beschach im von im ungemach.
Verse: 1442    der herzog Menos genant

Verse: 1443    .................................
Verse: 1444    sich mit hundert rittren het behuͦt

Verse: 1445    ...............................
Verse: 1446    Allexander ...

Verse: 1447    begunde die sinen sere manen
Verse: 1448    und drang uf Menos dar

Verse: 1449    und durchbrach im sin schar.
Verse: 1450    durch sinen schilt er in do stach,

Verse: 1451    daz man das bluͦt schinen sach.
Verse: 1452    Menos oͮch sin niut vergas:

Verse: 1453    wie sin schilt hert helffenbeinin was,
Verse: 1454    da durch[stach] in der helt guͦt,

Verse: 1455    daz von im flos daz bluͦt.
Verse: 1456    si stachen bed enander nider,

Verse: 1457    do griffen si zen swertten sider;
Verse: 1458    si lieffen grimelich ze samen,

Verse: 1459    ietweder woltte sich niut schamen,
Verse: 1460    ob er siglos wurde;

Verse: 1461    jeklicher was des andren burdi.
Verse: 1462    do beschach manig slag gros,

Verse: 1463    daz daz fiur dar nach schos.
Verse: 1464    Menos den werden

Verse: 1465    sluͦg nieder zuͦ der erden,
Verse: 1466    den helm er im zerbrach

Verse: 1467    ..............................
Verse: 1468    und sluͦg uf in mit nide dar.

Verse: 1469    Allexander was mit flisse gewaffnet
Verse: 1470    daz half im, daz er genas.

Verse: 1471    nun kam ein ritter anne: : :
Verse: 1472    Danklin was er genant.

Verse: 1473    über Allexander ze hant
Verse: 1474    er sprang wand er sin here was

Verse: 1475    und half im, daz er genas.
Verse: 1476    ein graff, der hies Jubal,

Verse: 1477    des lob in dem strit erhal;
Verse: 1478    Menos hat in mit im genomen,

Verse: 1479    der was über Allexander komen.
Verse: 1480    den slag hat er gemessen dar,

Verse: 1481    da er im sach den hals bar.
Verse: 1482    Daklin was der erer,

Verse: 1483    der erlost sinen heren,
Verse: 1484    Jubalen da von des huͦbttes ende

Verse: 1485    sluͦg er bis durch die lende:
Verse: 1486    er macht us im zwen halb man,

Verse: 1487    des er gros lob gewan.
Verse: 1488    den helm zuch ein hant,

Verse: 1489    sinem heren er in uf band;
Verse: 1490    dem was sin huͦbt erschelt.

Verse: 1491    da er ward gefelt,
Verse: 1492    sin krafft was im en wil genomen,

Verse: 1493    des was er nu wider komen.
Verse: 1494    'nun wert iuch, her' sprach Danklin

Verse: 1495    'land iuwer ellend werden schin.'
Verse: 1496    Allexander sprang von der erde,

Verse: 1497    Danklin dank er vil werde,
Verse: 1498    uf Bucival er do sas,

Verse: 1499    sin gemüet frischlich was.
Verse: 1500    ..............................

Verse: 1501    ze beden sitten umb sich sluͦg,
Verse: 1502    als ein eber swin

Verse: 1503    ..............................
Verse: 1504    die dotten er nider streit,

Verse: 1505    als der ein gras nider meit.
Verse: 1506    als vil wurden da erslagen

Verse: 1507    ..............................
Verse: 1508    was ich von stritten ie vernam,

Verse: 1509    da was alles niuttes an
Verse: 1510    gen dissem hertten strit gros.

Verse: 1511    manig degen sin lip verlos,
Verse: 1512    der da wol wart geklaget sid

Verse: 1513    ..............................
Verse: 1514     Sinkun was ein groff genant,

Verse: 1515    der fuͦrt daz paner in der hant,
Verse: 1516    daz [er] Allexander ab brach.

Verse: 1517    do in Menas nider stach,
Verse: 1518    .............................

Verse: 1519    do treib er uf in mit zorn;
Verse: 1520    er sprach 'kera, ritter gemeit

Verse: 1521    es was ein gros kündikeit,
Verse: 1522    daz min paner kam in din hant:

Verse: 1523    es wirt ze laster dir gewant.'
Verse: 1524    der groff daz ros umb warf,

Verse: 1525    sin gemüet daz was scharf,
Verse: 1526    er sprach 'daz paner, daz ich füer,

Verse: 1527    ob ich dich recht da mit rüer,
Verse: 1528    so muͦstu mir des siges jhehen:

Verse: 1529    darnach sol man daz paner sehen
Verse: 1530    gewaltenklich in miner hant.'

Verse: 1531    an in der graff rant,
Verse: 1532    mit dem sper er in do stach,

Verse: 1533    daz im klein schaden bracht.
Verse: 1534    'was mir noch von dir geschicht,

Verse: 1535    ich gich dir noch siges nicht.'
Verse: 1536    ein slag er im do mas,

Verse: 1537    wie wol er gewaffnet was,
Verse: 1538    ..............................

Verse: 1539    daz im daz huͦbt fiel für die füesse;
Verse: 1540    sin paner nam er wider.

Verse: 1541    Menos im da wider reit.
Verse: 1542    uf den treib er des paner schafft,

Verse: 1543    zuͦ der erden er in warff;
Verse: 1544    do greif er zuͦ dem swert eines ...

Verse: 1545    den arm er im absluͦg;
Verse: 1546    da mit gelag er dot.

Verse: 1547    die von Persen von der not
Verse: 1548    fluchent alle gelich

Verse: 1549    wider heim in ire rich.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.