TITUS
Lamprecht, Alexander (Basler Bearbeitung)
Part No. 26
Previous part

Chapter: 45  
Darius' 1. Brief an Alexander (Geschenke)


Verse: 1290    der riche küng Darius

Verse: 1291    gedacht nach diser rede sus,
Verse: 1292    wie er Allexander spotlich

Verse: 1293    ein botschaft sant und kleinet da mit
Verse: 1294    in spot und hoffarttigen sit:

Verse: 1295    er forchtte in danach lüczel,
Verse: 1296    ... eins kindes stüczel

Verse: 1297    und dar zuͦ ein schuͦch bant
Verse: 1298    ..............................

Verse: 1299    in einer laden ein klein gold;
Verse: 1300    die kleinot sin botschaft sold

Verse: 1301    Allexander füren dan
Verse: 1302    mit einem breiff, da er an

Verse: 1303    ... det bekant,
Verse: 1304    wor umb er im die kleinet sant.

Verse: 1305    daz stüczel in wissen lies,
Verse: 1306    daz er in ein kint hies;

Verse: 1307    in solt des niut beviln,
Verse: 1308    er solt mit den kinden spiln.

Verse: 1309    mit dem reimen er im kunt
Verse: 1310    (den man nüczet alle stund),

Verse: 1311    daz er im deglich dienen solt
Verse: 1312    mit allem sinem rich; daz gold

Verse: 1313    solt in wissen lan,
Verse: 1314    daz er wolte sinen zins han,

Verse: 1315    als lieb im wer lib und land
Verse: 1316    ..............................

Verse: 1317    do Allexander den brieff gelas,
Verse: 1318    vil smech er im was,

Verse: 1319    die botten hies er vachen
Verse: 1320    do und sy alle hachen.

Verse: 1321    der botten einer sprach
Verse: 1322    'here, dis ungemach

Verse: 1323    bedenk dich recht
Verse: 1324    wand es diuchte dich wider zem daz recht,

Verse: 1325    der din botten und din knecht,
Verse: 1326    die din botschaft wurben,

Verse: 1327    daz si dar umb sturben:
Verse: 1328    ................................

Verse: 1329    nu senft gen uns dinen muͦt
Verse: 1330    .................................

Verse: 1331    die botschaft torsten wir niut lan.'
Verse: 1332    Allexander bedachte sich

Verse: 1333    gen den botten gnedeklich
Verse: 1334    wand sy niut hatten schulde:

Verse: 1335    des gab er in sin hulde,
Verse: 1336    er sprach 'iuwers heren botschaft

Verse: 1337    hat weder zucht noch krafft,
Verse: 1338    er duͦt einem boͤssen rüden gelich,

Verse: 1339    ..............................
Verse: 1340    der da bilet an den man

Verse: 1341    und in doch niut dar bestan:
Verse: 1342    sicht er in die land uf in ziehen,

Verse: 1343    ze hant beginet er fliechen,
Verse: 1344    niut wan grinen er da duͦt:

Verse: 1345    also ist iuwers heren muͦt.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.