TITUS
Lamprecht, Alexander (Basler Bearbeitung)
Part No. 24
Previous part

Chapter: 95  
Alexander belagert Tyros


Verse: 1001    gen Tiryus gezogen ward,
Verse: 1002    die ze besiczene erkos.

Verse: 1003    do er mengen helt verlos.
Verse: 1004    ..............................

Verse: 1005    daz mer einhalb dar umb flos.
Verse: 1006    die stat was an guͦtte rich

Verse: 1007    si was wol einer mile breit.
Verse: 1008    Daryo waren sy under dan.

Verse: 1009    Allexander sinen botten sant
Verse: 1010    in die stat: woltte sy des gezemen

Verse: 1011    Daz sy in ze einem heren woltten nemen,
Verse: 1012    des wolt er inen dank sagen

Verse: 1013    und williges herzy tragen.
Verse: 1014    die burger waren helt guͦt,

Verse: 1015    sy enbutten im hin wider iren muͦt:
Verse: 1016    sy forchten die wer klein,

Verse: 1017    sin wille und sin mein
Verse: 1018    ducht sy gar ein wicht;

Verse: 1019    sy bedoͤrfften sin ze heren nicht,
Verse: 1020    geruͦcht er in friuntlichen muͦt:

Verse: 1021    ir kleinot und ir guͦt
Verse: 1022    wolten sy im schenken,

Verse: 1023    des solt er sich bedenken.
Verse: 1024    ..............................

Verse: 1025    do Allexander die botschaft vernam
Verse: 1026    von zorn er nider sas,

Verse: 1027    bi sinem leben er sich vermas,
Verse: 1028    er woltte sy haben sunder dank.

Verse: 1029    da nach niut lang
Verse: 1030    sant er siner fürsten dry

Verse: 1031    .............................
Verse: 1032    wider in die stat ze hant.

Verse: 1033    er hies den besten duͦn bekant:
Verse: 1034    war sy ir sine tetten,

Verse: 1035    daz sy den versmacht hetten,
Verse: 1036    den die Roͤmer müesten ze einem heren han

Verse: 1037    und alle die krieschen lant under tan.
Verse: 1038    .............................

Verse: 1039    do die burger vernomen disse mer,
Verse: 1040    .............................

Verse: 1041    sy hiengen die botten all gelich.
Verse: 1042    do Allexander daz erhort,

Verse: 1043    all sin froͤd ward zerstort.
Verse: 1044    er umbzoch die stat zehant,

Verse: 1045    die zelt sluͦg man uf daz land.
Verse: 1046    und mit schiffen uf dem mer

Verse: 1047    mit sturm muͦt er sy ser,
Verse: 1048    mit fiure er sy ser twang

Verse: 1049    ..............................
Verse: 1050    oͮch wertten sy sich vestenklich

Verse: 1051    ..............................
Verse: 1052    ..............................

Verse: 1053    zwenzig tusing der inren was.
Verse: 1054    si sluͦgen im so vil sines heres,

Verse: 1055    daz die ende des meres
Verse: 1056    wurdent da von bluͦt rot.

Verse: 1057    den usseren det oͮch gros not
Verse: 1058    ein wint, der wester hies

Verse: 1059    und daz mer dike reis:
Verse: 1060    hundert schiff er im versankt;

Verse: 1061    das volk alles ertrank.
Verse: 1062    do Allexander kos die not,

Verse: 1063    ..............................
Verse: 1064    des sturmes hies [er] abbe lan,

Verse: 1065    die schiff in die hab gan.
Verse: 1066    der wisse bedachte ...

Verse: 1067    ..............................
Verse: 1068    ..............................

Verse: 1069    grosse buͦm er do gewan,
Verse: 1070    die hies er ze samen machen

Verse: 1071    ..............................
Verse: 1072    ze obnen hoch den dürnen da,

Verse: 1073    wen man es getriebe so na,
Verse: 1074    daz man die büem sigen lies

Verse: 1075    und uf die muren steis,
Verse: 1076    daz man zuͦ in moͤchte gan

Verse: 1077    ..............................
Verse: 1078    einloff tusing sins hers

Verse: 1079    sant er enhalb des mers
Verse: 1080    und hies die buͦm vellen

Verse: 1081    und bergfrid dar stellen.
Verse: 1082    was der bumen gefiellen,

Verse: 1083    daz si die machten ze kiellen.
Verse: 1084    als Arabite daz befunden,

Verse: 1085    (die den von Tiryus wol guͦttes gunden)
Verse: 1086    sy wurden übles muͦtes gen Allexanders manen,

Verse: 1087    die woltten sy triben danen.
Verse: 1088    sy namen in vil sweri pfand:

Verse: 1089    siner besten wigant
Verse: 1090    ersluͦgen sy tusent oder me.

Verse: 1091    .................................
Verse: 1092    als Allexander daz vernam,

Verse: 1093    er kos vier tusent siner man.
Verse: 1094    mit den fuͦr er selber dan

Verse: 1095    uf den berge ze Libam.
Verse: 1096    daz gessese bevall er ze hant

Verse: 1097    einem fürsten, was Berdix genant,
Verse: 1098    und einem, hies Glasat,

Verse: 1099    die warent im triuw und stet.
Verse: 1100    Allexander da bewart

Verse: 1101    ..............................
Verse: 1102    bis daz werk ward bereit

Verse: 1103    ..............................
Verse: 1104    von Tiryus die burger

Verse: 1105    erfuͦrn endlich die mer,
Verse: 1106    daz Allexander danen was.

Verse: 1107    sy fuͦren us mit gewalt,
Verse: 1108    vil vast sy sich rachen:

Verse: 1109    ein kastell sy im brachen.
Verse: 1110    ...............................

Verse: 1111    mit fiur komen sy dar zuͦ.
Verse: 1112    sluͦgen und hiengen

Verse: 1113    alle die sy viengen.
Verse: 1114    etlich kunden mit listen

Verse: 1115    sich selb also fristen:
Verse: 1116    sy sangten sich in des sewes grund,

Verse: 1117    daz sy den tag nieman sach,
Verse: 1118    und komen wider us gesunt.

Verse: 1119    ................................
Verse: 1120    die von Tiryus namen die wider vart

Verse: 1121    ..............................
Verse: 1122    Allexanders fürsten verhuͦben in daz burg tor

Verse: 1123    da beschach ein hertter strit vor,
Verse: 1124    des manig burger engalt:

Verse: 1125    zwie hundert wurdent ir gevalt,
Verse: 1126    die andren entrunen in die stat.

Verse: 1127    der strit sust ein ende hat.
Verse: 1128    ze der zit oͮch Allexander kam,

Verse: 1129    aller erst huͦb sich die rechtte not.
Verse: 1130    Allexander mit grossen krefften

Verse: 1131    hies die schiff ze samen hefften
Verse: 1132    mit hiuten wol bedeket

Verse: 1133    ..............................
Verse: 1134    daz sy kein fiur forchtten

Verse: 1135    und dar under wurchtten,
Verse: 1136    was sy ze schaffen hatten.

Verse: 1137    ................................
Verse: 1138    die mur hies er brechen

Verse: 1139    ...............................
Verse: 1140    dar nach vellen in daz mer.

Verse: 1141    dar wider was der inren her
Verse: 1142    gar kreftig und gros.

Verse: 1143    ..............................
Verse: 1144    alle die den sturm an sahen,

Verse: 1145    für war sy daz jahen,
Verse: 1146    daz mer wurde also bluͦt var

Verse: 1147    ...............................
Verse: 1148    Allexander ward ein leider gast.

Verse: 1149    die türn, die stuͦnden vast
Verse: 1150    ................................

Verse: 1151    wurden in daz mer gezogen,
Verse: 1152    sy brachen der besten muren ein

Verse: 1153    ................................
Verse: 1154    die bergfrid hies er spanen

Verse: 1155    obnan zuͦ den muren dar,
Verse: 1156    daz sin werlich schar

Verse: 1157    moͤchtte luͦffen zuͦ in uf die mur.
Verse: 1158    do ward der sturm aber sur.

Verse: 1159    Allexander kam uf die wer
Verse: 1160    ze obrest und gebot dem her,

Verse: 1161    daz sy bi der erden
Verse: 1162    den ersten sturm liessen werden.

Verse: 1163    nun sach er an der zinen stan
Verse: 1164    den herzogen, dem Diryus was under tan.

Verse: 1165    den gern schos er durch in,
Verse: 1166    daz er viel von der muren hin.

Verse: 1167    Allexander det einen sprung,
Verse: 1168    nach im manig helt jung

Verse: 1169    vom berffrit uf di zinen
Verse: 1170    ..................................

Verse: 1171    etlicher sprang disen sprung,
Verse: 1172    daz er sin niemer ward gesunt.

Verse: 1173    die mur brachent sy uf die erden
Verse: 1174    ..............................

Verse: 1175    do ward es wol wit,
Verse: 1176    sich huͦb der herste strit,

Verse: 1177    ..............................
Verse: 1178    wan man vant da keinen zagen,

Verse: 1179    man mocht oͮch mengen schuͦwen
Verse: 1180    durch den helm verhoͮwen.

Verse: 1181    manig ritter an der stund
Verse: 1182    ward durch sin halsberg wund,

Verse: 1183    der oͮch lüczel genas.
Verse: 1184    die slege man mit nide mas.

Verse: 1185    durch schiltte sluͦgen die scharfen gern,
Verse: 1186    die mangem datten hercze seren,

Verse: 1187    der damit durchstochen ward
Verse: 1188    ..............................

Verse: 1189    so mengen leitt er uf die wal,
Verse: 1190    daz ir waren anne zal.

Verse: 1191    do lag der dotten also vil
Verse: 1192    ..............................

Verse: 1193    daz ... nieman
Verse: 1194    mochtte wol gegan.

Verse: 1195    die von Tire sunder der schand
Verse: 1196    rachen wol ir hant:

Verse: 1197    sy sluͦgen wunden wit.
Verse: 1198    mit einem hertten strit

Verse: 1199    durch brach sy Allexander schar
Verse: 1200    und wider umb und komen dar

Verse: 1201    zer porten wider iren dank.
Verse: 1202    do ward ein ungefüege drang

Verse: 1203    bis zer burg komen in.
Verse: 1204    Allexander muͦst hie vor sin;

Verse: 1205    die bortte er mit nide bestuͦnd,
Verse: 1206    als noch die frechen tuͦnd.

Verse: 1207    die het dry dürn veste,
Verse: 1208    dannen wurden geschriben die geste,

Verse: 1209    des ward Allexander zornhafft.
Verse: 1210    ...............................

Verse: 1211    mit sinen fürsten er sich besprach
Verse: 1212    umb den schaden, der im geschach.

Verse: 1213    er sprach 'bedenken iuch bi zit,
Verse: 1214    wand ir froͤmde helde sit:

Verse: 1215    gewunen sy den überhang,
Verse: 1216    so sind wir jemer me geschant.'

Verse: 1217    der rat, der do ward getan,
Verse: 1218    den wil ich iuch wissen lon:

Verse: 1219    si reitten, daz er über se
Verse: 1220    sant bald nach helffe me

Verse: 1221    und von eichin spangen
Verse: 1222    hies würken starke mangen,

Verse: 1223    daz man mit werffen breche
Verse: 1224    ..............................

Verse: 1225    die mangen waren schier bereit
Verse: 1226    ...............................

Verse: 1227    niun und sibenzig wurden dar gestalt,
Verse: 1228    die wol wurffen mit gewalt

Verse: 1229    mit vollen wol geseillet.
Verse: 1230    si wurden geteillet

Verse: 1231    an driun end für die stat;
Verse: 1232    Allexander bat

Verse: 1233    Allexander kunt einen funt:
Verse: 1234    er machte kriechs fiur ze stund,

Verse: 1235    er schuͦf, daz wasser und issen bran;
Verse: 1236    des warf er so vil in die stat,

Verse: 1237    daz er si det aller wer mat.
Verse: 1238    si muͦsten von den zinen gon

Verse: 1239    .................................
Verse: 1240    .................................

Verse: 1241    sy trungen gen den bortten.
Verse: 1242    Allexander brach sy mit nide nider,

Verse: 1243    do mocht niemand wider.
Verse: 1244    doch leid er grossi not,

Verse: 1245    im beleib meng held dot.
Verse: 1246    die stat wer im gewessen diur

Verse: 1247    dene daz kreischy fiur.
Verse: 1248    er kam in die stat gerant

Verse: 1249    ................................
Verse: 1250    die sinen wolt er rechen,

Verse: 1251    die türn hies er brechen,
Verse: 1252    er gedach an sin swer:

Verse: 1253    der besten burger
Verse: 1254    hies er driu dusing vahen

Verse: 1255    blenden und hahen
Verse: 1256    gen den fürsten drin,

Verse: 1257    die er hatte gesant vor hin in.
Verse: 1258    des siges, den er do gewan,

Verse: 1259    wer er ein bedacht man.
Verse: 1260    des wer er niut gewesen fro

Verse: 1261    ...............................
Verse: 1262    wand der sinen dot gelag

Verse: 1263    ...............................
Verse: 1264    me den in Tirye der stat

Verse: 1265    ................................
Verse: 1266    Ein küng hies Apollonyus,

Verse: 1267    der stiffte die stat ze Tiryus,
Verse: 1268    Anttyobus in veriagte,

Verse: 1269    dar umb, daz er im sagtte
Verse: 1270    und im des sante brieff,

Verse: 1271    daz er sin dochter besleiff.
Verse: 1272    Tiryus ist oͮch die stat

Verse: 1273    ..............................
Verse: 1274    do got der heidnin dochter lost

Verse: 1275    von des boͤssen geistes rost.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.