TITUS
Lamprecht, Alexander (Basler Bearbeitung)
Part No. 14
Previous part

Chapter: 21  
Philipps Heiratsversuch


Verse: 697    do er nu wider hein kan,
Verse: 698    do hort [er] soͤliche mer,

Verse: 699    die im woren swer:
Verse: 700    sin vatter, küng Pilipus,

Verse: 701    hat entseczet von sinem hus
Verse: 702    sin muͦtter, die küngin.

Verse: 703    nach etlicher rat und sin
Verse: 704    hat er ein ander [wip] genomen

Verse: 705    und was uf die zit komen,
Verse: 706    daz im der hochzit gezam.

Verse: 707    Cleolepatra was ir nam.
Verse: 708    Alexander gie ze hant,

Verse: 709    da er sinen vater vant
Verse: 710    ob dem tische siczen schon.

Verse: 711    er nam die erfochten kron
Verse: 712    und saczte sy uf sins vatter hoͮbt eben.

Verse: 713    'daz land si iuch da zuͦ geben'
Verse: 714    sprach er zuͦ dem vatter sa

Verse: 715    'daz han ich ervochten do.
Verse: 716    daz land iuch versmohen nicht,

Verse: 717    ich bessers won daz geschicht;
Verse: 718    eins dinges trag ich üblen muͦt,

Verse: 719    mich dunket daz niut guͦt:
Verse: 720    daz ir min muͦtter wellent lan;

Verse: 721    sy über hügen, ist boͤs getan.
Verse: 722    die rede stet als si nun ste;

Verse: 723    essent, ich sol iuch niut sage mee.
Verse: 724    doch samer min oͮgen

Verse: 725    ich sprich daz ane luͦgen,
Verse: 726    ich dank sin allen den,

Verse: 727    die iuch den rat hant gegen,
Verse: 728    daz si geratten niemer me[r]

Verse: 729    keiner küngin an ir er.'
Verse: 730    daz hort ein graffe, hies Lisyas,

Verse: 731    [der] gar stolcz und redhaft was.
Verse: 732    es was im vil ungemach,

Verse: 733    daz er alsus zornenklichen sprach,
Verse: 734    des antwurt er im smechlich;

Verse: 735    verlossen red unendlich
Verse: 736    bot er im us hochem muͦt,

Verse: 737    als der tore dike duͦt.
Verse: 738    Pilipus hat vor im stan

Verse: 739    von gold ein kopf wolgetan
Verse: 740    durch koͤstlich und swer,

Verse: 741    Allexander der degen her
Verse: 742    zugte in uf undougen

Verse: 743    und sluͦg Lisyam under die oͮgen
Verse: 744    und gab im einen soͤlichen slag,

Verse: 745    daz er an der erden gelag,
Verse: 746    und im an der stund

Verse: 747    daz im die zene viellen us dem mund,
Verse: 748    und daz er gehortte und noch ensach.

Verse: 749    Allexander mit zornne sprach
Verse: 750    'sust sol man stillen affen,

Verse: 751    die unnüczlich klaffen.'
Verse: 752    do der küng Pilipus ersach,

Verse: 753    was Lisyo beschach,
Verse: 754    sin zorn in dar zuͦ twang,

Verse: 755    daz er von dem tische sprang.
Verse: 756    disse wisse im niut geviel.

Verse: 757    ..............................:
Verse: 758    daz im daz linge bein

Verse: 759    über einen stuͦl brach en zwein.
Verse: 760    do Allexander sach

Verse: 761    sins vatters ungemach,
Verse: 762    von zorn er entrichtet ward:

Verse: 763    sin swert zucht er an der vart,
Verse: 764    er sluͦg von im geswind

Verse: 765    heren und gesind.
Verse: 766    wer im woltte wider stan,

Verse: 767    der muͦst den lip verlorn han.
Verse: 768    ich han noch niut vernomen,

Verse: 769    war die brut hin sy komen.
Verse: 770    sinem [vater] schuͦf er gemach

Verse: 771    ..............................
Verse: 772    und ze heillen sin bein

Verse: 773    und brachtte wider in ein
Verse: 774    in und die muͦtter sin.

Verse: 775    ..............................
Verse: 776    ..............................





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.