TITUS
Guido de Columnis, Buch von Troja
Part No. 64
Previous part

Paragraph: (64) 
Sentence: 861       By der stat was ein port, das was ein groß nyder lag, das sich die umbligenden lant do irholten, was in not was, unde Sicilia gehorte gein Crichen.
Sentence: 862    In das lant quomen Achilles und Telaphus mit drey tausent gewopen- ten mit iren schiffen.
Sentence: 863    Als sie dar quomen, quam der konigk Teutra mit eynem grossen hauffen gein in und wolde sie in seynem lande nicht leiden.
Sentence: 864    Aldo striten sie heftiglich, und uff bayden tailen wurden vil leute wund, vil tot geslagen, und Teutra was stergker wenn die Crichen, und die Crichen hbetten den streit verloren, wer Achilles zu streute nicht also lauftig gewest.
Sentence: 865    Der quam an den konigk und wunte yn also swinde.
Sentence: 866    Der konig bot sich gefangen zu geben.
Sentence: 867    Al do gewonen die Crichen den streit.
Sentence: 868    Dor noch als der konigk sach, das er nicht genesen machte von den wunden, sante er nach Telapho und sprach:
Sentence: 869    Telaphe, dein vater Hercules rette mich, do ich von meynen finden hertlich belegen was und were vortriben wurden, were er mir nicht zu hulfe kommen.
Sentence: 870    Sint ich nu keynen leibes erben nicht habe, so soltu myn erbe sein des konigreiches, das zcu besiczen, und bestelle myne begrafft noch koniglichen wirden.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.