TITUS
Johannes Fischart, Geschichtsklitterung
Part No. 65
Previous part

Paragraph: 12      Vnd ist warlich, nach des Bockazij meynung mißlich, dieweil die Kauffleut verreysen, vnnd die Edelleut inn Krieg zihen, vnd doch die Weiber daheim Kinder außbrüen : Aber das best ist der gut Wahn : sonst wanns einer wißt, so solt er auch wie Orestes dort sagen, Wer wolt gern inn Krieg sich wagen, wann er daheim ein Clitemnestram solt haben? so fahr der Teuffel ins Häuw : So sey der Teuffel ein Schiffmann, der köndt bald heimkommen. Thetst es du, so dörffts nit der Knecht thun. Aber es wird auch heut so genau nicht gesucht? dieweil ein grosse ehr bei den Spaniern, Frantzosen, Italienern, Niderländern, vnnd andern worden ist, eins grossen Herrn Bänckling, Spörling, vnnd Nef zu sein vnnd heyssen, vngeacht des Mörspurgischen Spruchs.


Page: 48  
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.