TITUS
Physiologus (OHG)
Part No. 2
Previous part

Text: 2  
Page of ed.: 124  
2. [De pantera.]
Link to Physiol2 Link to Physiol1 Link to Physiol3 Link to Physioll

Cod. Vind. (ÖNB) 223, p. 31r


Line: 18        [E]in tier heizzit pantera un ist miteuuare un ist manegero bilido
Line: 19     un ist uile scone un ist demo drachen fient. Tes sito ist so gelegin,
Page of ed.: 125   Line: 20     so ez sat ist misselihes, so legit iz sih in sin hol unde slafæt trie taga.
Line: 21     Tene so stat ez uf unde furebringit ummezlihche lutun unde hebit so
Line: 22     suzzen stanc, daz er1* uberuuindit alle bimentun. Tene so diu tier
Line: 23     uerro unde naho tie stimma gehorrint, so samenont siu sih unde
Line: 24     uolgen imo turih di suzzi des stanhes. Unde der dracho2* uuiret so
Line: 25     uordtal,3* daz er liget, alsor tot si, under der erdo. Pantera diu bezeichenet
Line: 26     unsirin trotin, ter al manchunne zu zimo geladita turih tie


Cod. Vind. (ÖNB) 223, p. 31v


Line: 27     suzi4* sinero genadon. Er uuas5* miteuuare,6* also Esaias chat Manuscript page: 31v  »Gaude7*
Line: 28     et letare, Hierusalem, quia rex tuus uenit tibi mansuetus«.8* Er uuas,
Line: 29     alsor manigero bilido uuare, turih sinen manicualten uuistuom unde
Line: 30     durih tiu uunder, diu er uuorhta. Er uuas schone 9* den imen io uurde.
Line: 31     After diu, do er gesatot uuard mit temo harme unde mit temo spotte
Line: 32     unde mit uillon der iudon un er gecrucigot10* uuard, to raster in demo
Line: 33     grabe trie taga,11* also dir tet panttera, un an demo12* triten tage dorstun
Line: 34     er uon dien toton, vnde13* uuard daz sar so offenlihin gehorit uber
Line: 35     alle disa uuerilt, unde14* uberuuand den drachin, den mihchelin tieuel.



Next part


This text is part of the TITUS edition of Physiologus (OHG).

Copyright TITUS Project, Frankfurt a/M, 1.6.2018. No parts of this document may be republished in any form without prior permission by the copyright holder.