TITUS
Brokmerrecht
Part No. 111
Previous part

Paragraph: 96  
96 (= Rq._106)


Sentence: 1     Fon vrwald.

Sentence: 2     Hwersa ma nimth ene frouwa mith wald and mith vnwilla and breit hia invr dura and invr dreppel, and hiu thet birhope {Anm.}, and tha rediewa hia mith dome withedriwe, sa skel ma hire resza en tuede szeremonnes ield and tha liudem half alsa stor and tha rediem tuene skillengar; kemth hiu thet alra hageste, sa skel hiu thet biweria mith fiuwer and tuintege ethum, and sa skel ma hia ielda mith ene szeremonnes ielde, and thet hus thera liuda, and tha rediem ene hageste Page: 068  merc; ac ist comp, sa huile {Anm.} thet hus, and hire en szeremonnis ield, and thi frethe half alsa stor; szetel and comp allen etta nedmonda.



Next part


This text is part of the TITUS edition of Brokmerrecht.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.