TITUS
Brokmerrecht
Part No. 35
Previous part

Paragraph: 19  
19 (= Rq._33)


Sentence: 1     Fon rediena onspreke {Anm.}.

Sentence: 2     Vvel mar enne rediewa onspreca vmbe enne vndom, sa skel ma hine onspreca thes selwa deis, ther hi ret anda warwe, and wernia oppare stede inna warue; and thene thichtega to endgiande, er ma of tha warwe gunge; and thi rediewa skel se halda, ther him alra nest is, ther thenne vndom edeled het; and alsadene werna skel ma nima, sa ma thenna het.

Sentence: 3     Sa skelin tha thre thenne dom a hond nima and skiriane, hweder {Anm.} hi enne riuthne {Anm.} dom deled hebbe sa naut; vrwinne hia hine, sa skelen hia thene tichtega elle riuth {Anm.} makia; ac {Anm.} fraiath {Anm.} tha tuene thene ena, sa halie se tha werna eta huse, and binna fivwertene nachten te friaiande mith pennigum.



Next part


This text is part of the TITUS edition of Brokmerrecht.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.