TITUS
Biblia Udica, Versio Nizhensis: Vetus Testamentum
Part No. 231
Previous part

Chapter: 101 

101-ǯi ω͑vel mä͑ġ
101-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Vi nu badalbakala čuresuni q̇a düzgünluġi barada mä͑ġḳoz,
   Vi nu badalbakala çuresuni q'a düzgünluği barada mə̌ğk'oz,
    Va alxəšṗala mä͑ġur mä͑ġḳoz, ay Q̣ONƷ́UX!
    Va alxışp'ala mə̌ğur mə̌ğk'oz, ay Q'ONČUX!

Verse: 2    Düz yaq̇en taysune bez fikir,
   Düz yaq'en taysune bez fikir,
    Za hevaxṭ ə͑śa bakalnu, ay Q̣ONƷ́UX?
    Za hevaxt' ı̌ša bakalnu, ay Q'ONČUX?
   \ Tämiz üḳen kalaluġboz zu bez bakala gala,
   \ Təmiz ük'en kalaluğboz zu bez bakala gala,

Verse: 3    Šär äšurxo ä͑xilboz zaxun.
   Şər əşurxo ə̌xilboz zaxun.
    Düz yaq̇axun č̣eriṭoġo nifrätezbsa,
    Düz yaq'axun c'erit'oğo nifrətezbsa,
    Ṭiṭoz zu šoṭoġoxun!
    T'it'oz zu şot'oğoxun!

Verse: 4    Iz üḳe pisluġ bakalṭoġoxun ćo taradoz zu,
   İz ük'e pisluğ bakalt'oğoxun ç̌o taradoz zu,
    Šärä ćaxćuxṗi č̣ovakoz.
    Şərə ç̌axç̌uxp'i c'ovakoz.

Verse: 5    Ṭiyä͑miṭay loxol böhṭan bosalṭu äfčizbon zu,
   T'iyə̌mit'ay loxol böht'an bosalt'u əfçizbon zu,
    Ičuxun iräzi bakalṭu, bitoṭay loxol alaxun oq̇a be͑ġalṭu porttezbon!
    İçuxun irəzi bakalt'u, bitot'ay loxol alaxun oq'a běğalt'u porttezbon!

Verse: 6    Q̣onʒ́uġoy laxi ḳanunaxun nu č̣eġaloroxe bez üḳe basksa,
   Q'ončuğoy laxi k'anunaxun nu c'eğaloroxe bez ük'e basksa,
    Šoṭoġo girboz bez bel,
    Şot'oğo girboz bez bel,
    Düz yaq̇en taġalṭoġo äyit tapšurboz zu!
    Düz yaq'en tağalt'oğo əyit tapşurboz zu!

Verse: 7    Iz üḳ tämiz nu bakalṭaynaḳ ga butene bez saraya,
   İz ük' təmiz nu bakalt'aynak' ga butene bez saraya,
    Bez be͑ś č̣eri čurpsa bartezḳon fereṭṭala amdara zu!
    Bez běš c'eri çurpsa bartezk'on feret't'ala amdara zu!

Verse: 8    Haq̇alṭun ičoġoy ǯazina me ölkinä bakala pisṭoġon här savaxṭan,
   Haq'alt'un içoğoy cazina me ölkinə bakala pist'oğon hər savaxt'an,
    Tumexun äfčiboz bito šär äš biq̇alṭoġo Q̣ONƷ́UĠOY šähärexun!
    Tumexun əfçiboz bito şər əş biq'alt'oğo Q'ONČUĞOY şəhərexun!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.