TITUS
Biblia Udica, Versio Nizhensis: Vetus Testamentum
Part No. 217
Previous part

Chapter: 87 

87-ǯi ω͑vel mä͑ġ
87-ci Ǐvel mə̌ğ



Goraxi ġarmoġoy ω͑vel mä͑ġ.
Goraxi ğarmoğoy Ǐvel mə̌ğ.


Verse: 1    Ičeynaḳ č̣äḳṗi Sion buruġoy loxole laxe Buxaʒ́uġon Izi mäsḳän saki šähärä,
   
İçeynak' c'ək'p'i Sion buruğoy loxole laxe Buxačuğon İzi məsk'ən saki şəhərə,

Verse: 2    
Iaḳovi näsili bakala bito ganxoxun üsṭüne laxsa Šoṭin
   
İak'ovi nəsili bakala bito ganxoxun üst'üne laxsa Şot'in
   
Sion buruġoy bel bakala ṭe ganu. *
   
Sion buruğoy bel bakala t'e ganu. *

Verse: 3    
Be͑ġa vi c̣i hetäre ṭaṗesa, ay Buxaʒ́uġoy šähär!
   
Běğa vi s'i hetəre t'ap'esa, ay Buxačuğoy şəhər!

Verse: 4    
Raxav * q̇a Vavilon Za bul ḳoc̣balṭoġoy siyäyinä bakale,
   
Raxav * q'a Vavilon Za bul k'os'balt'oğoy siyəyinə bakale,
   
Filisṭluġo, surluġo q̇a ḳušluġoval
   
Filist'luğo, surluğo q'a k'uşluğoval
   
"Siona nanaxun bakiyorox" uḳalṭun!
   
"Siona nanaxun bakiyorox" uk'alt'un!

Verse: 5    
Metär uḳalṭun Sioni barada:
   
Metər uk'alt'un Sioni barada:
   
"Me amdarxo bito memiyaluṭun,
   
"Me amdarxo bito memiyalut'un,
   
Ala Arciṭin Ičin laxi osṭaarbi me šähäri amdarxoṭun".
   
Ala Arśit'in İçin laxi ost'aarbi me şəhəri amdarxot'un".

Verse: 6    
Q̣ONƷ́UĠONAL azuḳxo siyäyinä haq̇aṭan
   
Q'ONČUĞONAL azuk'xo siyəyinə haq'at'an
   
Šoṭoġo "sionlu" ḳinäḳ siyäyinä haq̇ale.
   
Şot'oğo "sionlu" k'inək' siyəyinə haq'ale.

Verse: 7    
Bitoṭin mä͑ġpi äčiḳalṭun,
   
Bitot'in mə̌ğpi əçik'alt'un,
   
"Vasṭane beš bäxṭävärluġ" pi ičoġoy mu͑qluġa aḳesṭalṭun.
   
"Vast'ane beş bəxt'əvərluğ" pi içoğoy mǔqluğa ak'est'alt'un.



Next part



This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.