TITUS
Biblia Udica, Versio Nizhensis: Vetus Testamentum
Part No. 169
Previous part

Chapter: 39 

39-ǯi ω͑vel mä͑ġ
39-ci Ǐvel mə̌ğ



Farḳalxoy kalo bakala Yedutuneynaḳ cameci Davidi ω͑vel mä͑ġ.
Fark'alxoy kalo bakala Yedutuneynak' śameśi Davidi Ǐvel mə̌ğ.


Verse: 1    Za metärez pi: "Bez äyitmoġo fikir tadoz,
   Za metərez pi: "Bez əyitmoğo fikir tadoz,
    Bez źomoxun č̣eġalṭoġon za günaxa basṭuna imkan tez tadal,
    Bez ǰomoxun c'eğalt'oğon za günaxa bast'una imkan tez tadal,
    Pis amdarxoxun ćo-ćoya eġaṭan bez muza girboz".
    Pis amdarxoxun ç̌o-ç̌oya eğat'an bez muza girboz".

Verse: 2    Ama bez muza efi vädine,
   Ama bez muza efi vədine,
    Lap šaaṭ šeye barada nu äyitḳala vädineyal,
    Lap şaat' şeye barada nu əyitk'ala vədineyal,
    Därde loxol därde hari bezi.
    Dərde loxol dərde hari bezi.

Verse: 3    Ṭe vädä bez üḳen za uksane burqi,
   T'e vədə bez ük'en za uksane burqi,
    Fikirbi ṭe ġinaz bafṭi ki, ene za efes tez baki,
    Fikirbi t'e ğinaz baft'i ki, ene za efes tez baki,
    Bez źomo ä͑mbi äyitḳalaz baki, metärez pi zu:
    Bez ǰomo ə̌mbi əyitk'alaz baki, metərez pi zu:

Verse: 4    "Ay Q̣ONƷ́UX, bezi me dünyäne sa q̇onaġ baksuna,
   "Ay Q'ONČUX, bezi me dünyəne sa q'onağ baksuna,
    Bisunaxun nu ṭiṭes baksuna aḳesṭa za!
    Bisunaxun nu t'it'es baksuna ak'est'a za!
    Barta me dünyäni ṭo͑ġä͑ nu biq̇i čurpes baksuna q̇amišakaz!"
    Barta me dünyəni t'ǒğə̌ nu biq'i çurpes baksuna q'amişakaz!"

Verse: 5    Pula q̇ič̣ṗi qayḳamin zaṗḳala ömüren usḳi zaynaḳ,
   Pula q'ic'p'i qayk'amin zap'k'ala ömüren usk'i zaynak',
    Vi hämišäluġ baksuni be͑ś hiḳḳale mo!
    Vi həmişəluğ baksuni běš hik'k'ale mo!
    Sa muš ḳinäḳe hari č̣ovaksa insani ömür, šo hägigiyal hiḳḳale.
    Sa muş k'inək'e hari c'ovaksa insani ömür, şo həgigiyal hik'k'ale.

Verse: 6    Taraḳala xoži ḳinäḳe insan, q̇eräz hiḳḳal,
   Tarak'ala xoji k'inək'e insan, q'erəz hik'k'al,
    Amc̣i galane čabalayinšbsa,
    Ams'i galane çabalayinşbsa,
    Iz girbi var-dövlät šu mandale, šoṭoval avabakala šey tene sal.
    İz girbi var-dövlət şu mandale, şot'oval avabakala şey tene sal.

Verse: 7    Ay Q̣ONƷ́UX, ene šuxun ḳäz yaq̇be͑ġes bakon zu?
   Ay Q'ONČUX, ene şuxun k'əz yaq'běğes bakon zu?
    Bez umudin ga sayǯä Hunnu!
    Bez umudin ga saycə Hunnu!

Verse: 8    Oc̣ḳa taša bez taxsərxo biṭova.
   Os'k'a taşa bez taxsırxo bit'ova.
    Axmaġxoynaḳ axśumi ga baksa ma barta.
    Axmağxoynak' axšumi ga baksa ma barta.

Verse: 9    Šiṗez čurpi zu, bez säsä tez č̣evksa,
   Şip'ez çurpi zu, bez səsə tez c'evksa,
    Axəri Vi tadi ǯazinaz zaṗe zu.
    Axıri Vi tadi cazinaz zap'e zu.

Verse: 10    Ä͑xilba Vi kiin tadeġala ǯazina zaxun,
   Ə̌xilba Vi kiin tadeğala cazina zaxun,
    Porṭtezbsa zu, šoṭay bə͑hə͑luġi oq̇axun č̣eyes tez baksa.
    Port'tezbsa zu, şot'ay bı̌hı̌luği oq'axun c'eyes tez baksa.

Verse: 11    Iz biq̇i äšurxoy ǯazinan tasṭa Hun amdara,
   İz biq'i əşurxoy cazinan tast'a Hun amdara,
    Iz taxsərxo görä bakala äzyätä zapesṭaṭan
    İz taxsırxo görə bakala əzyətə zapest'at'an
    Iz girbiṭoġoy pučbaki taysunan aḳesṭa Hun šoṭo.
    İz girbit'oğoy puçbaki taysunan ak'est'a Hun şot'o.
    Insan hägigiyal hiḳḳale!
    İnsan həgigiyal hik'k'ale!

Verse: 12    Ay Q̣ONƷ́UX, bezi xoyinśa ibaka,
   Ay Q'ONČUX, bezi xoyinša ibaka,
    Bezi Va ḳalpsuna ǯoġabsuz ma efa,
    Bezi Va k'alpsuna coğabsuz ma efa,
    Nu aksuna ma laxa bez neġ cipsuna.
    Nu aksuna ma laxa bez neğ śipsuna.
    Bez bavoġoxun-kalboġoxun avuzin tezu zu,
    Bez bavoğoxun-kalboğoxun avuzin tezu zu,
    Me dünyäne sa q̇onaġ ḳinäḳez hare zuval.
    Me dünyəne sa q'onağ k'inək'ez hare zuval.

Verse: 13    Bez loxol bäč̣üḳeci äǯuġo basḳesṭa, bez loxol be͑ġa samal,
   Bez loxol bəc'ük'eśi əcuğo bask'est'a, bez loxol běğa samal,
    Barta ṭe dünyäne taġamin bez ćoyenal axśumpeq̇an.
    Barta t'e dünyəne tağamin bez ç̌oyenal axšumpeq'an.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.