TITUS
Biblia Udica, Versio Nizhensis: Vetus Testamentum
Part No. 165
Previous part

Chapter: 35 

35-ǯi ω͑vel mä͑ġ
35-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Zaxun äyitḳalṭoġoy ǯoġaba Hun tada, Ay Q̣ONƷ́UX,
   Zaxun əyitk'alt'oğoy coğaba Hun tada, Ay Q'ONČUX,
    Zaxun davina č̣eġalṭoġoy be͑ś Hun č̣eki!
    Zaxun davina c'eğalt'oğoy běš Hun c'eki!

Verse: 2    Hayza, q̇alxana exṭa,
   Hayza, q'alxana ext'a,
    Šuḳḳala ə͑śa bisṭa nu barḳala q̇alxana exṭi bez kömäyä eki!
    Şuk'k'ala ı̌ša bist'a nu bark'ala q'alxana ext'i bez köməyə eki!

Verse: 3    Xišṭiḳä, tavara exṭi bez bać̣anexun bafṭiṭoġoy be͑ś č̣eki,
   Xişt'ik'ə, tavara ext'i bez bač'anexun baft'it'oğoy běš c'eki,
    "Va čarḳesṭalo Zuzu!" pi bez üḳä arxayinba.
    "Va çark'est'alo Zuzu!" pi bez ük'ə arxayinba.

Verse: 4    Barta bez bisuna čureġalṭoġoy niyät ičoġoy boš mandi ičoġoy ćoyen oṭṗeq̇an,
   Barta bez bisuna çureğalt'oğoy niyət içoğoy boş mandi içoğoy ç̌oyen ot'p'eq'an,
    Bez pisa čureġalorox biyaburbakiq̇aṭun q̇oš q̇aybaki.
    Bez pisa çureğalorox biyaburbakiq'at'un q'oş q'aybaki.

Verse: 5    Barta šorox Q̣ONƷ́UĠOY angeli be͑ś
   Barta şorox Q'ONČUĞOY angeli běš
    Mušen fupi tašala koloś ḳinäḳq̇aṭun baki.
    Muşen fupi taşala kološ k'inək'q'at'un baki.

Verse: 6    Barta Q̣ONǮUĠOY angelen šoṭoġo šäṗeġaṭan
   Barta Q'ONCUĞOY angelen şot'oğo şəp'eğat'an
    Ičoġoy ṭiṭala yaq̇ bayinq̇ saal fərc̣eḳalq̇an baki.
    İçoğoy t'it'ala yaq' bayinq' saal fırs'ek'alq'an baki.

Verse: 7    Nahaq̇ gala zaynaḳ tor laxsuna görä,
   Nahaq' gala zaynak' tor laxsuna görə,
    Hiḳḳali loxol zaynaḳ kur kaśpsuna görä.
    Hik'k'ali loxol zaynak' kur kašpsuna görə.

Verse: 8    Barta ičoġoy bel sal ičan nu yaq̇be͑ġala bäloxq̇an hari,
   Barta içoğoy bel sal içan nu yaq'běğala bəloxq'an hari,
    Laxi tora ičoġoy turq̇an läč̣üreci,
    Laxi tora içoğoy turq'an ləc'üreśi,
    Kaśṗi kura ičanq̇aṭun bafṭi.
    Kašp'i kura içanq'at'un baft'i.

Verse: 9    Zuval Q̣ONƷ́UĠON biṭoġo aḳi mu͑qbakoz,
   Zuval Q'ONČUĞON bit'oğo ak'i mǔqbakoz,
    Šoṭoxun eġala čarḳesuna aḳi bez üḳ qayeġale!
    Şot'oxun eğala çark'esuna ak'i bez ük' qayeğale!

Verse: 10    "Vallariḳo tene bu!" pi bez u͑q̇enxonal muz qayḳale.
   "Vallarik'o tene bu!" pi bez ǔq'enxonal muz qayk'ale.
    Hun zäyifṭu ičuxun zorbaṭay kiyexun haq̇alo,
    Hun zəyift'u içuxun zorbat'ay kiyexun haq'alo,
    Käsibxo q̇a faġərxo ičoġo fu͑q̇ḳalṭoġoxun čarḳesṭalonu.
    Kəsibxo q'a fağırxo içoğo fǔq'k'alt'oğoxun çark'est'alonu.

Verse: 11    Äfči šahidxone hayzeri bez ćoyel čure,
   Əfçi şahidxone hayzeri bez ç̌oyel çure,
    Bezi sal xavar nu bakala äšurxoṭun bez ozane laxsa.
    Bezi sal xavar nu bakala əşurxot'un bez ozane laxsa.

Verse: 12    Bez bi šaaṭluġa pisluġenṭun ǯoġab tasṭa,
   Bez bi şaat'luğa pisluğent'un coğab tast'a,
    Iz ə͑śaṭu aćesṗi sa amdar ḳinäḳzu zu.
    İz ı̌šat'u aç̌esp'i sa amdar k'inək'zu zu.

Verse: 13    Zu isä šorox azarayinšakaṭan mä͑yin lapi yasez efi,
   Zu isə şorox azarayinşakat'an mə̌yin lapi yasez efi,
    Ġurux efi busaz tarapi zu,
    Ğurux efi busaz tarapi zu,
    Šoṭoġoynaḳ heq̇ädär Buxaʒ́uġoz ḳalpi!
    Şot'oğoynak' heq'ədər Buxačuğoz k'alpi!
    Bez afərə ǯoġabsuz mandaṭan isä
    Bez afırı coğabsuz mandat'an isə

Verse: 14    Dosṭeynaḳ, vičeynaḳ ṗi mä͑yinbakala ḳinäḳe bez ṗi mä͑yinbaki,
   Dost'eynak', viçeynak' p'i mə̌yinbakala k'inək'e bez p'i mə̌yinbaki,
    Nana aćesṗi amdaren q̇ubarbala ḳinäḳez q̇ubarbi zu šoṭoġoynaḳ.
    Nana aç̌esp'i amdaren q'ubarbala k'inək'ez q'ubarbi zu şot'oğoynak'.

Verse: 15    Isä mone, zu ṭarnuzu - ama šorox mu͑qṭunbaksa,
   İsə mone, zu t'arnuzu - ama şorox mǔqt'unbaksa,
    Bez äleyinä č̣eyseynaḳṭun giresa.
    Bez əleyinə c'eyseynak't'un giresa.
    Bezi memačaġ sal ičoġoy ćoya nu aḳi me pisṭoġo
    Bezi memaçağ sal içoğoy ç̌oya nu ak'i me pist'oğo
    Bez ćoyel čurpesṭunaxun mandaḳ teṭun baksa.
    Bez ç̌oyel çurpest'unaxun mandak' tet'un baksa.

Verse: 16    Bez loxolṭun axśume me buxaʒ́uxsuzṭoġon, aḳala pul tene bu za šoṭoġoy!
   Bez loxolt'un axšume me buxačuxsuzt'oğon, ak'ala pul tene bu za şot'oğoy!
    Bez loxolṭun eysa šorox kaśkala xä͑ amdari loxol eġala ḳinäḳ
    Bez loxolt'un eysa şorox kaškala xə̌ amdari loxol eğala k'inək'

Verse: 17    Ay Q̣ONƷ́UX, hälä heq̇ädär moṭo nu aksuna laxalnu?
   Ay Q'ONČUX, hələ heq'ədər mot'o nu aksuna laxalnu?
    Ä͑xilba za me pisluġxoxun,
    Ə̌xilba za me pisluğxoxun,
    Čarḳesṭa za me aslanxoy źomo bafsṭaxun!
    Çark'est'a za me aslanxoy ǰomo bafst'axun!

Verse: 18    Ve͑bakala vičimoġoy be͑ś zu Vi c̣iya alaboz,
   Věbakala viçimoğoy běš zu Vi s'iya alaboz,
    Ǯamaati boš Va tärifläyinšoz.
    Camaati boş Va tərifləyinşoz.

Verse: 19    Ma barta zaxun nahaq̇ gala düšmänčiluġbalorox mu͑qbakaṭun,
   Ma barta zaxun nahaq' gala düşmənçiluğbalorox mǔqbakat'un,
    Ma barta za hiḳḳali loxol nifrätbalṭoġon suna himbaṭun.
    Ma barta za hik'k'ali loxol nifrətbalt'oğon suna himbat'un.

Verse: 20    Šoṭoġon źomo serluġ ešṭeynaḳ tää,
   Şot'oğon ǰomo serluğ eşt'eynak' təə,
    Ičoġoy bula ḳoc̣bi yäšäyinšalṭoġoy ćoyel äfčidän čurpseynaḳṭun ä͑mbsa.
    İçoğoy bula k'os'bi yəşəyinşalt'oğoy ç̌oyel əfçidən çurpseynak't'un ə̌mbsa.

Verse: 21    Ičoġoy źomo buybi
   İçoğoy ǰomo buybi
    "Aḳeyan, aḳeyan, bitova beš piin aḳeyan" nexṭun.
    "Ak'eyan, ak'eyan, bitova beş piin ak'eyan" next'un.

Verse: 22    Ay Q̣ONƷ́UX, Hun moṭoġo bitova anksa, šiṗ ma čurpa,
   Ay Q'ONČUX, Hun mot'oğo bitova anksa, şip' ma çurpa,
    Zaxun ä͑xil ma baka, ay Q̣onʒ́ux!
    Zaxun ə̌xil ma baka, ay Q'ončux!

Verse: 23    Hayza, bez bać̣ane čurpa, ay Buxaʒ́ux!
   Hayza, bez bač'ane çurpa, ay Buxačux!
    Bez äšlä Hun be͑ġa, ay bez Q̣onʒ́ux!
    Bez əşlə Hun běğa, ay bez Q'ončux!

Verse: 24    Vi düzgünluġ ḳä baksuna aḳesṭa, ay bez Buxaʒ́ux bakala Q̣ONƷ́UX!
   Vi düzgünluğ k'ə baksuna ak'est'a, ay bez Buxačux bakala Q'ONČUX!
    Bez taxsərsuz baksuna ćoyel č̣evḳa,
    Bez taxsırsuz baksuna ç̌oyel c'evk'a,
    Ma barta bez ṭar ġina aḳi mu͑qbakaṭun.
    Ma barta bez t'ar ğina ak'i mǔqbakat'un.

Verse: 25    Ma barta ki, "mone, beši čureġala ḳinäḳäl baneki" uḳaṭun,
   Ma barta ki, "mone, beşi çureğala k'inək'əl baneki" uk'at'un,
    "Iz bula käyyan" pi mu͑qbakaṭun.
    "İz bula kəyyan" pi mǔqbakat'un.

Verse: 26    Ṭetär ba ki, bez pis ġina mu͑qbakalorox oṭṗi biyaburbakeq̇aṭun,
   T'etər ba ki, bez pis ğina mǔqbakalorox ot'p'i biyaburbakeq'at'un,
    Bez loxol alaxun oq̇a be͑ġalorox ćomä͑yin baki
    Bez loxol alaxun oq'a běğalorox ç̌omə̌yin baki
    Sal ičoġoy bula alabes maq̇aṭun baki.
    Sal içoğoy bula alabes maq'at'un baki.

Verse: 27    Barta bez düzgün baksuni ćoyel č̣eysuna čureġalṭoġoy üḳq̇an qayeci
   Barta bez düzgün baksuni ç̌oyel c'eysuna çureğalt'oğoy ük'q'an qayeśi
    "Iz ḳule šaaṭa čureġala Q̣ONƷ́UĠO alxəšq̇an baki" pi hämišä Vi c̣iyaq̇aṭun alabi.
    "İz k'ule şaat'a çureğala Q'ONČUĞO alxışq'an baki" pi həmişə Vi s'iyaq'at'un alabi.

Verse: 28    Vi düzgünluġa bayanboz zu,
   Vi düzgünluğa bayanboz zu,
    Vi c̣iya alabala äyitmux č̣eġale bez źomoxun här ġi!
    Vi s'iya alabala əyitmux c'eğale bez ǰomoxun hər ği!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.