TITUS
Biblia Udica, Versio Nizhensis: Vetus Testamentum
Part No. 70
Previous part

Chapter: 20 

Buxaʒ́uġoy vic̣ ämir
Buxačuğoy vis' əmir



(Ḳan. 5:1-21)
(K'an. 5:1-21)


Verse: 1  Link to rat Oša Buxaʒ́uġon me äyitmoġone pi:
   Oşa Buxačuğon me əyitmoğone pi:

Verse: 2  Link to rat "Zu va Misiri oćalaxun, ḳul baki ganuxun č̣evḳi vi Buxaʒ́ux bakala Q̣ONƷ́UXZU.
   "Zu va Misiri oç̌alaxun, k'ul baki ganuxun c'evk'i vi Buxačux bakala Q'ONČUXZU.

Verse: 3  Link to rat Vi Zaxun q̇eräz buxaʒ́uxxo nu bakalane!
   Vi Zaxun q'erəz buxačuxxo nu bakalane!

Verse: 4  Link to rat Vaynaḳ sal sa biniḳ buxaʒ́ux ma düzba. Nä ala - göynul, nä oq̇a - oćali loxol, nääl oćali oq̇a xene boš bakala hiḳḳali surata ma düzba.
   Vaynak' sal sa binik' buxačux ma düzba. Nə ala - göynul, nə oq'a - oç̌ali loxol, nəəl oç̌ali oq'a xene boş bakala hik'k'ali surata ma düzba.

Verse: 5  Link to rat Metär šeyurxo bul ma ḳoc̣ba. Šoṭaynaḳ ki, vi Buxaʒ́ux Q̣ONƷ́UX Zuzu, q̇eräz buxaʒ́uxxo bul ḳoc̣bsuna nu portbala Buxaʒ́uxzu. Günaxbi bavoġoy ǯazina ičoġoy nävä-nätiǯoġoz zapesṭon. *
   Metər şeyurxo bul ma k'os'ba. Şot'aynak' ki, vi Buxačux Q'ONČUX Zuzu, q'erəz buxačuxxo bul k'os'bsuna nu portbala Buxačuxzu. Günaxbi bavoğoy cazina içoğoy nəvə-nəticoğoz zapest'on. *

Verse: 6  Link to rat Za čureci Bezi ämirxo ämälbalṭoġo isä ičoġoxun oša hälä hazar näsilxoval Bezi nu badalbakala čuresunaz aḳesṭon! *
   Za çureśi Bezi əmirxo əməlbalt'oğo isə içoğoxun oşa hələ hazar nəsilxoval Bezi nu badalbakala çuresunaz ak'est'on! *

Verse: 7  Link to rat Vi Buxaʒ́ux bakala Q̣ONƷ́UĠOY c̣iya amc̣i gala muzel ma eča, šoṭaynaḳ ki, Q̣ONƷ́UĠON Iz c̣iya amc̣i gala muzel ečalṭu ǯazasuz tene barḳon. *
   Vi Buxačux bakala Q'ONČUĞOY s'iya ams'i gala muzel ma eça, şot'aynak' ki, Q'ONČUĞON İz s'iya ams'i gala muzel eçalt'u cazasuz tene bark'on. *

Verse: 8  Link to rat Šamaṭ ġine ə͑vel baksuna eyex efi šoṭo ṭə͑yä͑mi ġimxoxun üsṭün laxa. *
   Şamat' ğine ı̌vel baksuna eyex efi şot'o t'ı̌yə̌mi ğimxoxun üst'ün laxa. *

Verse: 9  Link to rat U͑q ġi äšṗi bütüm vi äšurxo biq̇a.
   Ǔq ği əşp'i bütüm vi əşurxo biq'a.

Verse: 10  Link to rat Vu͑ġu͑mǯi ġi isä vi Buxaʒ́ux bakala Q̣ONƷ́UĠO häsrbaki ə͑vel Šamaṭ ġine. Me ġi nä hun, nä vi ġaren, nä vi xuyären, nä vi išq̇ar nääl čuux nökären, nä vi heyvanxon, nä vi ṭo͑o͑x bakala q̇eräz ölkinäxun bakala q̇äriben sal sa äš maq̇an biq̇i. *
   Vǔğǔmci ği isə vi Buxačux bakala Q'ONČUĞO həsrbaki ı̌vel Şamat' ğine. Me ği nə hun, nə vi ğaren, nə vi xuyəren, nə vi işq'ar nəəl çuux nökəren, nə vi heyvanxon, nə vi t'ǒǒx bakala q'erəz ölkinəxun bakala q'əriben sal sa əş maq'an biq'i. *

Verse: 11  Link to rat Šoṭaynaḳ ki, u͑q ġiin boš Q̣ONƷ́UĠON göyä, oćala, dänizä saal ṭeṭiya bakala ḳä bunesa yaratmišebi, vu͑ġu͑mǯi ġine isä dinǯäyinšebaki. Koṭaynaḳal Q̣ONƷ́UĠON Šamaṭ ġina xeyir-bäräkät tadi šoṭo ṭə͑yä͑mi ġimxoxun üsṭüne laxi. *
   Şot'aynak' ki, ǔq ğiin boş Q'ONČUĞON göyə, oç̌ala, dənizə saal t'et'iya bakala k'ə bunesa yaratmişebi, vǔğǔmci ğine isə dincəyinşebaki. Kot'aynak'al Q'ONČUĞON Şamat' ğina xeyir-bərəkət tadi şot'o t'ı̌yə̌mi ğimxoxun üst'üne laxi. *

Verse: 12  Link to rat Vi bava-nana hörmätba ki, \ Buxaʒ́ux Q̣ONƷ́UĠON va tadi oćala vi ömür boxoyq̇an baki. *
   Vi bava-nana hörmətba ki, \ Buxačux Q'ONČUĞON va tadi oç̌ala vi ömür boxoyq'an baki. *

Verse: 13  Link to rat Besmaba. *
   Besmaba. *

Verse: 14  Link to rat Äxlagsuzluġmaba. *
   Əxlagsuzluğmaba. *

Verse: 15  Link to rat Bašmaq̇a. *
   Başmaq'a. *

Verse: 16  Link to rat Šuḳḳali äleyinä äfčidän šahidluġmaba. *
   Şuk'k'ali əleyinə əfçidən şahidluğmaba. *

Verse: 17  Link to rat Šuḳḳali ḳoža tamaxmaba. Šuḳḳali čuġo, iz išq̇ar nääl čuux nökärä, öküzä, elema - šoṭay sal sa šeya tamaxmaba". *
   Şuk'k'ali k'oja tamaxmaba. Şuk'k'ali çuğo, iz işq'ar nəəl çuux nökərə, öküzə, elema - şot'ay sal sa şeya tamaxmaba". *



Azuḳi Buxaʒ́uġoy äyitpsunaxun q̇ə͑bsun
Azuk'i Buxačuğoy əyitpsunaxun q'ı̌bsun



(Ḳan. 5:22-33)
(K'an. 5:22-33)


Verse: 18  Link to rat Azuḳen göye gürultina q̇a šeyṗuri säsä ibaki, buruġoy ḳüünäxbaksuna q̇a c̣ä͑q̇ä aḳi q̇ə͑bi ä͑xilebaki.
   Azuk'en göye gürultina q'a şeyp'uri səsə ibaki, buruğoy k'üünəxbaksuna q'a s'ə̌q'ə ak'i q'ı̌bi ə̌xilebaki.

Verse: 19  Link to rat Šoṭoġon Moiseya piṭun: "Yaxun hun äyitṗa, va ibaken. Ama Buxaʒ́uġon yaxun maq̇an exlätṗi, \ tene biyalyan". *
   Şot'oğon Moiseya pit'un: "Yaxun hun əyitp'a, va ibaken. Ama Buxačuğon yaxun maq'an exlətp'i, \ tene biyalyan". *

Verse: 20  Link to rat Moiseyen azuḳa pine: "Ma q̇ə͑banan, Buxaʒ́ux šoṭo göräne hare ki, Iz eysunen ef Šoṭo hetär q̇aršilayinšbsuna yoxlayinšane saal vä͑n Šoṭay zora q̇a kalaluġa aḳi ene günax nu banan".
   Moiseyen azuk'a pine: "Ma q'ı̌banan, Buxačux şot'o görəne hare ki, İz eysunen ef Şot'o hetər q'arşilayinşbsuna yoxlayinşane saal və̌n Şot'ay zora q'a kalaluğa ak'i ene günax nu banan".

Verse: 21  Link to rat Azuḳ ä͑xil čurpeney, Moisey isä Buxaʒ́ux iz boš bakala mä͑p-mä͑yin asoyane ə͑śalayinšaki.
   Azuk' ə̌xil çurpeney, Moisey isə Buxačux iz boş bakala mə̌p-mə̌yin asoyane ı̌šalayinşaki.



Q̣urban ešṭuni q̇aydoox
Q'urban eşt'uni q'aydoox


Verse: 22  Link to rat Q̣ONƷ́UĠON Moiseya pine: "Israilluġo metär upa: "Vä͑n ananḳi ki, Zu vä͑xun göynuxunez äyitpi. *
   Q'ONČUĞON Moiseya pine: "İsrailluğo metər upa: "Və̌n anank'i ki, Zu və̌xun göynuxunez əyitpi. *

Verse: 23  Link to rat Vä͑ynaḳ nä q̇əzəlaxun, nääl gümüšäxun buxaʒ́uxxo ma düzbanan, šoṭoġo Zaxun barabar biq̇i bul ma ḳoc̣banan!
   Və̌ynak' nə q'ızılaxun, nəəl gümüşəxun buxačuxxo ma düzbanan, şot'oğo Zaxun barabar biq'i bul ma k'os'banan!

Verse: 24  Link to rat Za bul ḳoc̣bseynaḳ ḳulen düzbaki q̇urban ečala ga düzbanan, boḳospsuni q̇a serluġi \ q̇urbanxo * ešṭeynaḳal ef eġel-kečiġoxun q̇a beliġoxun šoṭay loxol \ ečeri śampanan. Vi Za bul ḳoc̣bseynaḳ mani ganu č̣äḳḳayiz, Zu ṭiya hari va xeyir-bäräkät tadoz.
   Za bul k'os'bseynak' k'ulen düzbaki q'urban eçala ga düzbanan, bok'ospsuni q'a serluği \ q'urbanxo * eşt'eynak'al ef eğel-keçiğoxun q'a beliğoxun şot'ay loxol \ eçeri šampanan. Vi Za bul k'os'bseynak' mani ganu c'ək'k'ayiz, Zu t'iya hari va xeyir-bərəkət tadoz.

Verse: 25  Link to rat Ägär Za bul ḳoc̣bseynaḳ źe͑naxun q̇urban ečala ga düzbayin, šoṭo kišeci źe͑naxun ma biq̇a, šoṭaynaḳ ki, źe͑ne loxol ätṭäǯen äšṗayin, šoṭo murdarlayinšenbon. *
   Əgər Za bul k'os'bseynak' ǰěnaxun q'urban eçala ga düzbayin, şot'o kişeśi ǰěnaxun ma biq'a, şot'aynak' ki, ǰěne loxol ətt'əcen əşp'ayin, şot'o murdarlayinşenbon. *

Verse: 26  Link to rat Zaynaḳ q̇urban ečala gane loxol vi oq̇axun maq̇an qayeci pi šoṭay loxol piläkänen ma laki".
   Zaynak' q'urban eçala gane loxol vi oq'axun maq'an qayeśi pi şot'ay loxol piləkənen ma laki".


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.