TITUS
Translated homiletic texts
Part No. 21
Previous part

Paragraph: 21  
Line of ed.: 10       და სხუათა მოციქულთა აღმოტევეს ჴმაჲ და ერთობით
Line of ed.: 11    ღაღად-ყვეს: "მშჳდობაჲ შენ თანა, დედაო ქრისტესაო,
Line of ed.: 12    ნიჭო და სიქადულო ანგელოზთა და კაცთაო, და სიხარულო
Line of ed.: 13    ცხოველთა და მკუდართაო, და ნათელო სოფლისაო".
Line of ed.: 14    მარიამ თქუა: "თქუენდაცა მშჳდობაჲ, ჩინებულნო
Line of ed.: 15    სულიერნო, კაცნო ნათლისანო, მნათობნო ყოვლისა
Line of ed.: 16    სოფლისანო, მძლენო საცთურისანო, მკჳდრნო სასუფეველისანო,
Line of ed.: 17    მოწაფენო მოძღურისა სახიერისანო, ნების-მყოფელნო
Line of ed.: 18    სიტყჳსა ღმრთისანო. ანდრია საჩინოო მნათობ,
Line of ed.: 19    იაკობ ყუავილო მრავალ-ფერო სურნელო, ფილიპე წყარო
Line of ed.: 20    მადლისაო და მკურნალო უძლურებისაო, ბართოლომე მდინარეო
Line of ed.: 21    სიბრძნისაო დიდებისა უაღრესო, იაკობ საუნჯეო
Line of ed.: 22    ღმრთისა სიტკბოებისა და წყალობისაო, სჳმონ სასურველო
Line of ed.: 23    სამებისაო, უსჯულოებისა აღმომფხურელო და სიმართლისა
Line of ed.: 24    დამნერგველო, იუდა მთიებო დაუღამებულო, ცოდვათა
Page of ed.: 137   Line of ed.: 1    სიბნელისა მაოტებელო და ქებისა უმეტესო, მატათია
Line of ed.: 2    ზეგარდამო წოდებულო და ნაცვლად დაცემულისა აღდგომილო
Line of ed.: 3    ქადაგო აღდგმისაო, მათე უფსკრულო [144] ღმრთისა
Line of ed.: 4    განგებისაო, წინამძღუარო მახარებელთაო, მარკოზ უხრწნელო
Line of ed.: 5    დაუსაბამოჲსა და დაუსრულებელისა ნების-მყოფელო
Line of ed.: 6    ღმრთისაო, ლუკა პატიოსანო მარგალიტო უსასყიდლოო და
Line of ed.: 7    მამტკიცებელო საკუთხეველისაო; კურთხეულ არს მომავლინებელი
Line of ed.: 8    თქუენი და კურთხეულ არს მოსლვაჲ თქუენი."

Next part


This text is part of the TITUS edition of Translated homiletic texts.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.