TITUS
The Shatberd Codex
Part No. 234
Previous part

Chapter: XXXVI  
Page of ed.: 279  
Line of ed.: 38     36. რამეთუ ესე პატმოსს ჭალაკსა შინა იყო, და იხილა ხილვაჲ საშინელი ზრახვათაჲ; რამეთუ მითხრობითა
Line of ed.: 39     უხუად და უშურველად სხუათა-ცა ასწავებს. მითხარ მე, ჵ ნეტარო იოვანე, მოციქული
Line of ed.: 40     ეგე და მოწამე უფლისაჲ, რაჲ იხილე ანუ რაჲ გესმა ბაბილოვნისათჳს; განიღჳძე და თქუ,
Line of ed.: 41     რამეთუ ესე შენ განგიყენებს და განგიშორებს რისხვით. და თქუა: "მოვიდა ერთი შჳდთა მათ
Line of ed.: 42     ანგელოზთაგანი რომელთა Page of sec. ed.: 93  აქუნდეს შჳდნი იგი სასუმელნი, და მეტყოდა მე და მრქუა: მოვედ] Page of sec. ms.:   
Line of ed.: 43     Ms. page: 184v   და გიჩუენო შენ სატანძველი მეძვისა მის დიდისაჲ რომელი იგი მისრულ
Line of ed.: 44     არს და ზის ზედა წყალთა მრავალთა, რომლისა თანა შეიბილწნეს მეუფენი
Line of ed.: 45     ქუეყანისანი დაითრვნეს მკჳდრნი ქუეყანისანი მეძვობისა მისისაგან. და
Line of ed.: 46     მიმიყვანა მე უდაბნოდ სულითა წმიდითა; და ვიხილე დედაკაცი ერთი \ მჴეცთა
Page of ed.: 280   Line of ed.: 1     ზედა მატლსა {!}, და აქუნდა სახელები, \ თავნი შჳდნი და რქანი. და დედაკაცსა მას
Line of ed.: 2     შეემოსა ძოწეული და მეწამული და ოქრო-ლესულად ქვითა პატიოსნითა და
Line of ed.: 3     მარგალიტითა, და აქუნდა ჴელსა მისსა სასუმელი სავსე საძაგელებითა და სიბილწითა
Line of ed.: 4     კერპთ-მსახურებითა ქუეყანისაჲთა; და შუბლსა მისსა დაწერილ იყო ზრახვაჲ,
Line of ed.: 5     ბაბილოვნ დიდი იგი, დედაჲ მეძავთაჲ და საძაგელთა ქუეყანისათაჲ.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.