TITUS
The Shatberd Codex
Part No. 215
Previous part

Chapter: XVII  
Page of ed.: 274  
Line of ed.: 15        17. და სხუასა ადგილსა იტყჳს: "ვითარ დადუმებულ არს ძლიერი იგი და
Line of ed.: 16     ვითარ დაცხრომილ არს მავნებელი იგი? შემუსრა ღმერთმან უღელი იგი მთავართაჲ
Line of ed.: 17     მათ; დასცა ნათესავი იგი განუკურნებელითა ტანჯვითა და გუემა იგი
Line of ed.: 18     რისხვითა გულის-წყრომისაჲთა, და არა შეიწყალა; განისუენა სასოვებით
Line of ed.: 19     ყოველმან სოფელმან, და იხარებდენ სიხარულით, და ძელი იგი ლიბანისაჲ მხიარულ
Line of ed.: 20     იყოს შენდა მიმართ და ნაძჳ იგი ლიბანისაჲ; ვინაჲთგან შენ დაიძინე,
Line of ed.: 21     არა ვინ აღმოვიდა მომკუეთელი ჩუენდა. ჯოჯოხეთი ქუეშე შენსა განმწარდა
Line of ed.: 22     შემთხუევასა შენსა ერთბამად; აღდგეს ყოველნი გმირნი რომელნი ჴელმწიფებდეს
Line of ed.: 23     ქუეყანასა ზედა; აღდგეს საყდართაგან თჳსთა ყოველნი მეუფენი
Line of ed.: 24     წარმართთანი. ყოველთა მოგიგონ და გრქუან შენ: და შენ-ცა შეიპყარ ვითარცა
Line of ed.: 25     ჩუენ, და ჩუენ თანა შეირაცხე. შთაჴედ ჯოჯოხეთა დიდებაჲ შენი და
Line of ed.: 26     მხიარულებაჲ შენი; ქუეშე შენსა დალპოლვაჲ დაგირეცონ, და ნეშტი იგი შენი Page of sec. ed.: 82 
Line of ed.: 27     მატლ. ვითარ გარდამოვარდა ზეცით მთიები იგი რომელ განთიად აღმობრწყინდის,
Line of ed.: 28     და დაიმუსრა ქუეყანასა ზედა რომელ იგი წარავლინებდა ყოველთა
Line of ed.: 29     მიმართ წარმართთა ნათესავთა? შენ სთქუ გულსა შენსა: ცად აღვჴდე
Line of ed.: 30     და ზესკნელს ვარსკულავთა დავიდგნე საყდარნი ჩემნი; დავჯდე მთასა მაღალსა
Line of ed.: 31     და ზედა თავთა მთათა მაღალთასა რომელ იგი ჩრდილოჲთ არიან; აღვჴდე ზედა
Line of ed.: 32     ღრუბელთა, ვემსგავსო მაღალსა მას. ხოლო აწ ჯოჯოხეთადმდე შთაჰჴდე
Line of ed.: 33     და ქუესკნელთამდე ქუეყანისათა. რომელთა გიხილონ შენ დაუკჳრდეს შენ
Line of ed.: 34     ზედა და თქუან: ესე იგი კაცი არს რომელი აზრზენდა და აღსძრვიდა ყოველსა
Line of ed.: 35     ქუეყანასა, რომელმან დადვა სოფელი ყოველი უდაბნოდ და ქალაქნი
Line of ed.: 36     ყოველნი აღაოჴრნა და ტყუენი არა განუტევნა. ყოველთა მთავართა ქუეყანისათა
Line of ed.: 37     დაიძინეს პატივით, კაცმან საყოფელსა თჳსსა; და შენ განგდებულ
Line of ed.: 38     იყო მთათა ზედა ვითარცა მძორი საძაგელი მრავალთა თანა დაცემულთა მახჳლითა,
Line of ed.: 39     რომელნი შთაჴდეს ჯოჯოხეთა. ვითარცა სახედ სამოსელი შებღალული
Line of ed.: 40     სისხლითა არა არნ წმიდა, ეგრე-ცა შენ არა იყო წმიდა, \ რამეთუ ქუეყანაჲ ჩემი
Line of ed.: 41     წარსწყმიდე და ერი ჩემი მოსარ. არა სდგე უკუნისამდე ჟამთა. განჰმზადენ
Page of ed.: 275   Line of ed.: 1     ყრმანი შენნი მოსაწყუედელად ცოდვათათჳს მამისა შენისათა, რაჲთა არა
Line of ed.: 2     აღდგენ და ქუეყანაჲ დაიმკჳდრონ".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.