TITUS
The Shatberd Codex
Part No. 184
Previous part

Chapter: XIII  
Page of ed.: 259  
Line of ed.: 1        13.1. "ნარდიონ, ვითარცა სიპროსისაჲ დის-წულაკი ჩემი ვენაჴოვანსა შორის ენდადისასა"*.
Line of ed.: 2     ჵ შუენიერებაჲ იგი კიპროსისი ჴელითა, რომლისა მიერ შემკობილ
Line of ed.: 3     ცხებულებაჲ, რაჲთა ვენაჴოვანი იგი ენდადისაჲ მართლად შერაცხილ
Line of ed.: 4     იყოს. ენდადი ადგილი ერთი არს ჰურიასტანით კერძო, რომელსა-იგი აპრსამი
Line of ed.: 5     იპოების. არიან მუნ ვენაჴოვანნი აღტევებულნი ხეთა. ესე მოპოვნილ გამოსახვითა
Line of ed.: 6     ხეთა მათგან გამოსცემს ნელსაცხებელსა მას.

Line of ed.: 7        აწ იტყოდის: "დისწულაკი იგი ვენაჴოვანსა მას ენდადისასა". მოგუასწავებს
Line of ed.: 8     ამას: ძლიერ იყო ძელსა მას ზედა ვნებითა, და გუმერითა გუერდსა ძელსა
Line of ed.: 9     მას ზედა გამოუტევებს სულნელებასა, ვითარცა აპრსამისასა. ვითარცა სიტყუაჲ
Line of ed.: 10     პირისა მისისაგან გამოეცემოდა, ესრეთ Page of sec. ed.: 50  ქრისტემან გამოსცა სულნელებაჲ
Line of ed.: 11     თჳსი. 13.2. ხოლო, საყუარელნო, ვიდრემდის დგენ ნაყოფნი იგი ძელსა მას ზედა
Line of ed.: 12     ვენაჴსა შინა, ვიდრე არა დაჭყლემულ, არა გამოსცის სულნელებაჲ თჳსი.
Line of ed.: 13     ხოლო რაჟამს ჴელოვნისაგან მახჳლითა დაისხლის, მუნქუეს-ვე ადრე-ადრე
Line of ed.: 14     ცრემლი გამოსცის რამეთუ ქრისტე-ცა მაშინ ერსა მას ზედა ცრემლოოდა, რამეთუ
Line of ed.: 15     შემძლებელ იყო მათ ზედა მიფენად სულნელებისა, შეწევნისა ყოფითა
Line of ed.: 16     განცხადებულად, რამეთუ ძელსა მას ზედა დაიწყლა ვენაჴოვანსა მას, რაჲთა
Line of ed.: 17     კეთილი სულნელებაჲ ნელსაცხებელისაჲ გჳჩუენოს 13.3. და რამეთუ სიტყუაჲ იგი,
Line of ed.: 18     საყუარელნო. მერმე-ცა ჴორცთა მათ შინა დაემკჳდრა და რამეთუ დიდი იგი რეცათუ
Line of ed.: 19     დამცირებული გამოჩნდა, რაჲთა გამოჩინებულ იყოს; და ახალსა მადლსა
Line of ed.: 20     განყოფისასა უჩუენებდა. მდიდარი იგი დაგლახაკნა ჩუენთჳს, რაჲთა ჩუენ
Line of ed.: 21     სიმდიდრითა მისითა განვმდიდრეთ. აწ ამიერითგან, საყუარელნო, დამოკიდებულ
Line of ed.: 22     ესე ძელსა, Ms. page: 170v   კეთილი სულნელებაჲ ნელსაცხებლისაჲ გამოჩნდა.
Line of ed.: 23     რამეთუ დაიმდაბლა თავი და წარმომართებულ წარმოიმღერნა სიტყუამან მან
Line of ed.: 24     და მას ჟამსა აღავსნა გამოფენილ სულნელებაჲ იგი, რაჲთა მერმე-ცა მოწყალებაჲ
Line of ed.: 25     განყოფისაჲ გამოჩნდეს მარადის საცხებელისა სულნელებისა მიფენითა
Line of ed.: 26     განსამხიარულებელ რამეთუ გამოეცა მამისა გულის-აგან და ახარა ქუეყანასა.

Line of ed.: 27        13.4. თჳთ აღმაღლდა ქუეყანით და გამოჩნდა ვითარცა სულნელებაჲ საცხებელისაჲ
Line of ed.: 28     და აღისწრაფა ზეცად; ცით მოფენილი ქუეყანით ზეცად აღვიდოდა. რამეთუ
Line of ed.: 29     ცუარი ნაყოფის გამომღებელი მაღლით გარდამოჴდა, რაჲთა ქუეყანისანი
Line of ed.: 30     ესე ცხორებად აღიბეჭდნენ, რომელ არს ესე: სიტყუაჲ იგი გარდამოსრულ,
Line of ed.: 31     რაჲთა კაცნი ცად აღსლვად შემძლებელ იყვნენ. ესე სახეთა მათ მსგავსებაჲ
Line of ed.: 32     გამოჩინებულ სიტყჳთა მით, ვითარმედ: "დისწულაკი ჩემი ვენაჴოვანსა მას ენდადისასაო".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.