TITUS
The Shatberd Codex
Part No. 159
Previous part

Chapter: IV  
Page of ed.: 242  
Line of ed.: 10                 4.1. თანა-გუაც პირველ სახე
Line of ed.: 11     უკუანაჲსკნელთა მათთჳს თხრობად, რაჲთა ადვილად თქუმულისა მისთჳს-ცა
Line of ed.: 12     შემძლებელ იყოს ცნობად. ორნი ესე ცხებანი იქმნებოდეს ნეტარისა სამოელისგან:
Line of ed.: 13     ერთი საულს ზედა და ერთი დავითის ზედა. ხოლო საულ თავის-მოთნებით
Line of ed.: 14     წარდგა ცხებასა მას, არა თუ ვითარცა ღირსი ღმრთისა მიერ, არამედ ვითარცა
Line of ed.: 15     კაცი ერთი გარდამავალი შჯულისაჲ; და კაცი მეფედ გამოთხოვილ განრისხებით
Line of ed.: 16     მიაწია მათ ზედა დამრეკლად. რამეთუ ესრე-ვე სახედ სადა-მე ჰეროდე,
Line of ed.: 17     კაცი გარდამავალი შჯულისაჲ, კაცთა ცოდვილთა ზედა Page of sec. ed.: 4  მეფობდა. 4.2. და დავითს
Line of ed.: 18     ეცხო ფარულად ბეთლემს, რამეთუ განმზადებულ იყო ბეთლემს ზეცისა
Line of ed.: 19     იგი მეუფჱ შობად, და ესე არა ფარულად ცხებულ მამისაგან სოფელსა შინა
Line of ed.: 20     განცხადნა, ვითარცა წინაჲსწარმეტყუელი იგი იტყჳს: "ამისთჳს გცხო შენ ღმერთმან,
Line of ed.: 21     ღმერთმან შენმან საცხებელი სიხარულისაჲ უმეტჱს მოყუასთა შენთა".
Line of ed.: 22     4.3. და საულს რქითა ვითარცა კეცისაჲთა ეცხო, რამეთუ საწუთრო იყო მეფობაჲ
Line of ed.: 23     მისი და ადრე-ადრე შემუსრვილ. ხოლო დავითს ძლიერებისა რქითა ეცხო;
Line of ed.: 24     წინაჲსწარ წინაჲსწარმეტყუელისა მიერ მოუწყებელ მისთჳს რომელი იგი პატიოსნითა რქითა
Line of ed.: 25     ძლევასა გამოაჩინებდა ზედა სიკუდილსა. და თჳთ დავით გალობათა მათ
Line of ed.: 26     შინა წინაჲსწარმეტყუელებით იტყჳს: "და იჴსნეს რქათაგან მარტორქისათა Page of sec. ed.: 5 
Line of ed.: 27     სიმდაბლჱ ჩემი". ხოლო მოსჱ წინაჲსწარმეტყუელებით შემსგავსებულად
Line of ed.: 28     კურთხევათა მათ შინა იტყჳს: "პირმშო ზუარაკის შუენიერებაჲ მისი;
Line of ed.: 29     რქა ვითარცა მარტორქისა რქანი მისნი, და მით ნათესავთა დასცემდეს".
Line of ed.: 30     4.4. ამისთჳს-ცა სამოელს უფალი ამცნებდა და ეტყოდა: "აღავსე რქაჲ ეგე შენი
Line of ed.: 31     ზეთითა, და წარგავლინო შენ ბეთლემს, რამეთუ ვპოვე ძეთა შორის იესესთა
Line of ed.: 32     ჩემდა მეფედ". წინაჲსწარ გჳჩუენებს წინაჲსწარმეტყუელისა მის მიერ
Line of ed.: 33     ყოფადთა მათთჳს. 4.5. და საულ მეფობდა ისრაჱლსა ზედა; და დავით ფარულად
Line of ed.: 34     ცხებულ; განეშორა ურჩებისათჳს წმიდაჲ სული საულისგან და შევიდა მისა
Line of ed.: 35     სული იგი უკეთური უფლისა მიერ.

Line of ed.: 36        4.6. წეს-არს, რამეთუ გარდამავალსა მას ზედა შჯულისასა ჯერ-არს ანგელოზისა
Line of ed.: 37     ფიცხლისა ჴელთა მიცემად. და გამორჩეული Page of sec. ed.: 6  იგი გულის-აგან ღმრთისაჲსა
Line of ed.: 38     დავითი სიბრძნითა ზეცისაჲთა შემკულ; ამისთჳს-ცა წამებს წიგნი იგი და
Line of ed.: 39     იტყჳს: "და იყო დავით გულისხმის-მყოფელ ყოველსა ზედა და უფალი იყო
Line of ed.: 40     მის თანა".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.