TITUS
The Shatberd Codex
Part No. 62
Previous part

Chapter: 6  
Page of ed.: 177  
Line of ed.: 25        ვ̂. არს მფრინველი, რომელსა სახელი ჰრქჳან ქალანდროს, რომელი-იგი
Line of ed.: 26     მეორესა შჯულსა მოსჱსსა იჴსენების.

Line of ed.: 27        სახის-მეტყუელმან Page of sec. ed.: 8  თქუა: ვითარ მებრიად Ms. page: 108r   სპეტაკ არს და რაჲთურთით
Line of ed.: 28     სიშავე არა არს მის თანა! და ნაკრტენი მუცლისა მისისაჲ ჰკურნებს
Line of ed.: 29     თუალთა დადგომილთა. და შარავანდედთა თანა და სამეუფოს იპოვებინ
Line of ed.: 30     ქალანდრი იგი.

Line of ed.: 31        თუ სნეული ვინმე არნ და სნეულებაჲ იგი მის კაცისაჲ სასიკუდინებელი
Line of ed.: 32     სენი არნ, ვითარცა იხილის სნეულმან მან, მიიქციის პირი მისგან; ქალანდრი
Line of ed.: 33     იგი იციან ყოველთა, თუ მაკუდინებელ არნ; თუ მაცხოვნებელ -- სნეულმან
Line of ed.: 34     მან შეჰკერტნის და ჰხედავნ ქალანდრსა მას. და ქალანდრმან მან შთანთქის
Line of ed.: 35     სალმობაჲ სნეულისაჲ მის და დაუცხრის სალმობაჲ იგი და განერის
Line of ed.: 36     კაცი იგი.

Line of ed.: 37        ქალანდრი იგი ერთბამად სახედ შუენიერსა მაცხოვარსა ემსგავსების, რამეთუ
Line of ed.: 38     ყოვლად სპეტაკ არს უფალი ჩუენი იესუ ქრისტე და სიშავჱ არა არს
Line of ed.: 39     მის თანა, ვითარცა-იგი მან მხოლომან თქუა: "მოვალს მთავარი იგი ამის
Page of ed.: 178   Line of ed.: 1     სოფლისაჲ და ჩემ თანა არარაჲ პოვოს მან თჳსი"*, რამეთუ მოვიდა წმიდათაგან
Line of ed.: 2     ცათა. ჰურიათა განიშოვრეს სულთა მათთაგან ღმრთეებაჲ მისი. მოვიდა
Line of ed.: 3     წარმართთა და აღამცირა სნეულებაჲ და სალმობაჲ ჩუენი და აღმაღლდა Page of sec. ed.: 9 
Line of ed.: 4     ჯუარად, ვინაჲ-ცა აღჴდა მაღალთა და წარმოტყუენა ტყუჱ*. თჳსთა მოვიდა
Line of ed.: 5     და თჳსთა იგი არა* შეიწყნარეს.

Line of ed.: 6        უკუე კეთილად სამე თქუა სახის-მეტყუელმან ქალანდრისა მისთჳს. ხოლო
Line of ed.: 7     სთქუათ: ქალანდრი ბილწი მფრინველი არს, ვითარ ემსგავსების ქრისტესა?
Line of ed.: 8     გუელი იგი სამე ბილწი არს, ვითარცა წამა იოვანე და თქუა: "ვითარცა
Line of ed.: 9     მოსე აღამაღლა გუელი იგი უდაბნოსა, ეგრე-ცა აღმაღლებაჲ ჯერ-არს ძისა
Line of ed.: 10     კაცისაჲ*. ხოლო არს რაჲმე გუელისაჲ მის კეთილი -- სიბრძნჱ; და ლომისაჲ
Line of ed.: 11     მის, რამეთუ ძლიერ არს; და ცხოვრისაჲ მის, რამეთუ მშჳდ არს. და მრჩობლ
Line of ed.: 12     არს ყოველი დაბადებული, Ms. page: 108v   იყოღათუ სხუაჲ რაჲ, სიჯერკულჱ ეგონოს-ვე,
Line of ed.: 13     არამედ კეთილი-ცა იპოვის.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.