TITUS
Obsidio Constantinopolis
Part No. 42
Previous part

Paragraph: 42     
Line of ed.: 22       და იყო ხილვაჲ განსაკჳრვებელი. და ზარის აღსაჴდელი: და ჭეშმარიტად
Line of ed.: 23    შემსგავსებული ძლიერებასა საკჳრველებისა საღუთოჲსასა:
Line of ed.: 24    რამეთუ შესწორებულად ბორცუთა აღდგებოდეს ღელვანი და სახედ
Line of ed.: 25    მჴეცთა მძჳნვარეთაჲსა განრისხებულნი და რეცა ვითარცა განცოფებულნი (!)
Line of ed.: 26    მიეტევებოდეს ზედა მტერთა მათ დედისა ღუთისათა: და ვითარცა
Line of ed.: 27    ცხოველნი შურის-გებით შთანსთქმიდეს მათ და განხრწნიდეს უწყალოდ
Line of ed.: 28    ვიდრეღა ყოველნი ერთბამად დაფარნა ღელვამან. და დაინთქნეს და
Line of ed.: 29    წარსაწყმედელსა მიეცნეს: ვითარცა იგი ოდეს-მე მეგჳპტელნი. პირველ
Line of ed.: 30    რაჟამს იგი ჰსდევნიდეს ისრაჱლთა: რომელნი-ცა უცხოსა მავალ იქმნეს
Line of ed.: 31    გზასა შორის სიღრმეთა უფსკრულისათა. რომელსა-ცა დაინთქნეს
Line of ed.: 32    მდევნელნი იგი მათნი. და წარწყმდეს უკუნისამდე: ესევითარი-ვე აჩუენა
Line of ed.: 33    კუალად სასწაული ღმერთმან საკჳრველებათამან:.

Page of ed.: 32  
Line of ed.: 1       ესრეთ შემწე ეყო ქალაქსა თჳსსა ყოვლად წმიდაჲ ღუთის-მშობელი
Line of ed.: 2    დედოფალი ჩუენი: და თანა მბრძოლ ეყო და ძლევაჲ დიდებული
Line of ed.: 3    ქართა მიერ და ზღჳსა შეჰმზადა: ესევითარი არს უკუე და
Line of ed.: 4    ესეოდენი მოღუაწებაჲ და ძლიერი შეწევნაჲ ყოვლად უხრწნელისა მის
Line of ed.: 5    ქალწულისაჲ: რამეთუ რომელთა იგი სამკჳდრებელსა მისსა ზედა
Line of ed.: 6    აღადგინეს ბრძოლაჲ დაუპყრობელი. და აღიღეს საჭურველი მათი
Line of ed.: 7    მოსრვად მათ ზედა: ერთბამად დაანთქნა იგინი ღელვათა და უფსკრულთა
Line of ed.: 8    ზღჳსათა. მკჳდრ ყვნა იგინი წარსაწყმედელ და ხოლო ნაწილი
Line of ed.: 9    ერისა თჳსისაჲ. რომელნი განწირულ იყუნეს ცხოვრებისაგან. და მისსა
Line of ed.: 10    მიმართ ხოლო აქუნდა სასოებაჲ. მოწევნულისა მისგან განსაცდელისა
Line of ed.: 11    ყოვლით კერძო უვნებელად და შეუხებელად დამმარხა.

Next part


This text is part of the TITUS edition of Obsidio Constantinopolis.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.