TITUS
Obsidio Constantinopolis
Part No. 33
Previous part

Paragraph: 33     
Line of ed.: 4       არამედ ყოვლითურთ მჴეცმან მან ბოროტმან და არა კაცმან
Line of ed.: 5    ხაღან უშჯულომან რაჲ იგი მიერთუა ძღუნად მიიღო მათგან. ხოლო
Line of ed.: 6    მშჳდობისა ყოფად ყოვლად-ვე არა თავს იდვა. და უქმად უკ-მოავლინნა
Line of ed.: 7    მივლინებულნი იგი მისა: და უფროჲსად განძჳნებულ იქმნა და
Line of ed.: 8    იწყო სილაღით გმობისა სიტყუათა თქუმად. მათდა მიმართ: ნუ
Line of ed.: 9    გაცთუნებნ თქუენ ღმერთი იგი თქუენი რომლისა-ცა თქუენ ესავთ.
Line of ed.: 10    ეტყოდა მათ: და უწყოდეთ. რამეთუ ხვალისა დღე ნანდჳლ-ვე ქალაქი
Line of ed.: 11    თქუენი მოვიღო მე უეჭუელად: და მოვაოჴრო იგი სრულიად და მოვარღჳო
Line of ed.: 12    ყოველი-ვე შენებულებაჲ მისი. ხოლო ამას წყალობასა ვჰყოფ თქუენ თანა.
Line of ed.: 13    რათა არა სრულიად განშიშულებულნი განგიტევნე თქუენ
Line of ed.: 14    ცოცხალნი წარსლვად. სადა იგი ეგულებოდის თითოეულსა თქუენსა.
Line of ed.: 15    ვინაჲცა ვიდოდეთ ვიდრე-ცა გენებოს: და გარეშე ამისსა სხუასა ნურარას
Line of ed.: 16    კაცთ-მოყუარებათა მოელით ჩუენებად თქუენდა ჩემ მიერ.

Next part


This text is part of the TITUS edition of Obsidio Constantinopolis.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.