TITUS
Udzv.iadg.
Part No. 190
Previous part

Part: Dam.II  
Line of ed.: 16  II
Date: WMagn._5   Link to lektpar
Line of ed.: 17  ე-შაბათსა


Line of ed.: 18       უგალობდითსა ჴ̃ჲ ბ გ̃ი

Line of ed.: 19       კუერთხითა განაპო ზღუაჲ მეწამული, და განჴმეს სიღმენი
Line of ed.: 20    უფსკრულთანი და იქმნეს განსავალ უჭურველთა და შეჭურვილთა
Line of ed.: 21    სასუფეველ. გალობით უგალობდეთ, რამეთუ დიდებით დიდებულ
Line of ed.: 22    არს.

Line of ed.: 23       სიბრძნჱ ღმრთისაჲ, მიზეზი ყოვლისა სოფლისაჲ, მომცემელი
Line of ed.: 24    ცხორებისაჲ, იშჱნა სახლი წმიდისაგან დედისა, უქორწინებელისა,
Line of ed.: 25    და საკურთხეველი ჴორცი მოიღო. გალობით უგალობდეთ, რამეთუ
Line of ed.: 26    დიდებით დიდებულ არს.

Line of ed.: 27       ასწავა მეგობართა თჳსთა და განუმზადა ტაბლაჲ, მზრდელი
Line of ed.: 28    სულისაჲ, მორწმუნეთათჳს -- სიბრძნჱ ღმრთისაჲ ჭეშმარიტი. მივეახლნეთ
Line of ed.: 29    ქრისტე ღმერთსა სარწმუნოებით და ვღაღადებდეთ, რამეთუ
Line of ed.: 30    დიდებით დიდებულ არს.

Line of ed.: 31       ვისწავოთ მორწმუნეთა სიბრძნჱ ღმრთისაჲ, დაუბადებელისა,
Line of ed.: 32    ბუნებითისაჲ, რაჟამს ჴმა-ყოს ჴმითა დიდითა და იტყოდეს: განიცადეთ
Line of ed.: 33    და იხილეთ, რამეთუ ტკბილ ვარ. და ვღაღადებდეთ, რამეთუ
Line of ed.: 34    დიდებით დიდებულ არს.


Line of ed.: 35       განძლიერდასა

Line of ed.: 36       განმაძლიერებელი ღმერთი, დამბადებელი ყოვლისა სოფლისაჲ,
Line of ed.: 37    რომელი უვნებელ არს, დაგლახაკნა და შეერთო დაბადებულთა. დადვა
Line of ed.: 38    სული თჳსი აღვსებად, რომელთათჳსცა მოკუდა. ღაღადებს და
Page of ed.: 541   Line of ed.: 1    ეტყჳს მორწმუნეთა: მოვედით და ჭამეთ ჴორცი ჩემი და სარწმუნოებით
Line of ed.: 2    განძლიერდით.

Line of ed.: 3       მდინარჱ შენი, ტკბილო, ყოველთათჳს ჴორციელთა შეასუ მოწაფეთა,
Line of ed.: 4    სასუმელი სავსჱ სიხარულითა, რამეთუ შენ დაჰკალ თავი
Line of ed.: 5    თჳსი და ღაღადებდ: მოვედით და სუთ სისხლი ჩემი და სარწმუნოებით
Line of ed.: 6    განძლიერდით.

Line of ed.: 7       კაცი უგუნური, რომელი არს თქუენ შორის მიმცემელი ჩემი, --
Line of ed.: 8    არქუ მოწაფეთა შენთა, სულგრძელო, ესე -- არა იცის, რამეთუ უგუნურ
Line of ed.: 9    არს, არცა გულისჴმა-უყოფიეს, არამედ დამადგერით ჩემ თანა
Line of ed.: 10    და სარწმუნოებით განძლიერდით.


Line of ed.: 11       უფალო მესმასა

Line of ed.: 12       რაჟამს იხილა წინაწარმეტყუელმან საიდუმლოჲ შენი დაფარული,
Line of ed.: 13    ქრისტე, ღაღადებით იტყოდა, რამეთუ: დასდევ სიყუარული
Line of ed.: 14    მტკიცჱ, მამაო მოწყალეო, რამეთუ ძჱ შენი მხოლოდშობილი მოავლინე
Line of ed.: 15    ქუეყანად მოტევებად ცოდვათა.

Line of ed.: 16       რაჟამს მოხუედ, ქრისტე, ვნებად, განკურნებად ადამეანთა, ეტყოდე
Line of ed.: 17    მოწაფეთა შენთა: მნებავს ყოფად ზატიკი ესე თქუენ თანა,
Line of ed.: 18    რამეთუ მამამან მომავლინა ძჱ თჳსი მხოლოდშობილი ლხინებად
Line of ed.: 19    სოფლისა.

Line of ed.: 20       რაჟამს მიიღე და შესუ სასუმელი, რომელი უკუდავ ხარ, ეტყოდე
Line of ed.: 21    მოწაფეთა შენთა: აწ ვსუა ნაყოფისაგან ვენაჴისა და არღარა ვიყო
Line of ed.: 22    თქუენ თანა, რამეთუ მამამან მომავლინა ძჱ თჳსი მხოლოდშობილი
Line of ed.: 23    ლხინებად სოფლისა.

Line of ed.: 24       სასუმელი ახალი, რომელი სუა, სასუფეველსა ჩემსა ვიტყჳ სიტყუასა
Line of ed.: 25    -- ეტყოდე, ქრისტე, საყუარელთა შენთა ვითარმედ -- ვიყო
Line of ed.: 26    თქუენ თანა ღმერთი, ვითარცა ღმერთთანა, რამეთუ მამამან მომავლინა
Line of ed.: 27    ძჱ თჳსი მხოლოდშობილი ლხინებად სოფლისა.


Line of ed.: 28       ღამითგანსა

Line of ed.: 29       საკრველითა საყუარულისაჲთა მოციქულნი შეკრულ არიან და
Line of ed.: 30    ქრისტესა, ყოველთა უფალსა, მოსავ არიან. დაიბანნეს ფერჴნი მათნი
Line of ed.: 31    შუენიერნი, მახარებელნი მშჳდობისანი.

Line of ed.: 32       სიბრძნჱ ღმრთისაჲ, მპყობელი წყალთა მრავალთაჲ, რომელი
Line of ed.: 33    ვერ შესახებელ არს, აღჳრ-მსხმელი ღელვათაჲ და ზღუათა დამაყენებელი,
Line of ed.: 34    შთაასხა წყალი საბანელსა, დაჰბანნა ფერჴნი უფალმან მონათა
Line of ed.: 35    თჳსთა.

Line of ed.: 36       უჩუენა უფალმან მოწაფეთა თჳსთა სახჱ სიმდაბლისაჲ და შემოსილმან
Line of ed.: 37    ცათა ღრუბლითა მოირტყა არდაგი და შეიდრიკნა მუჴლნი
Line of ed.: 38    თჳსნი, რაჲთა დაჰბანნეს ფერჴნი მონათა, რომლისა ჴელსა შინა
Line of ed.: 39    არს ყოველი სული.

Page of ed.: 542  
Line of ed.: 1       ღაღატყავსა

Line of ed.: 2       უფსკრულთა ცოდვისათა მომიცვეს მე და ვღაღადებ შენდამი,
Line of ed.: 3    უფალო: აღმომიყვანე, ვითარცა დათქუმისაგან, და მ̃ც.

Line of ed.: 4       უფლად და მოძღურად მხადით მე, მოწაფენო, და რამეთუ ეგრჱთ
Line of ed.: 5    ვარ, -- სთქუ, ქრისტე, -- ჰყოფდით თქუენცა სახჱ, რომელი იხილეთ
Line of ed.: 6    ჩემ თანა.

Line of ed.: 7       რომლისა თანა არა არს ცოდვაჲ, არა უჴმს განბანაჲ ფერჴთაჲ.

Line of ed.: 8       თქუენ, მოწაფენო, წმიდა ხართ, და არა ყოველნი, რამეთუ მიდრეკაჲ
Line of ed.: 9    მსწაფლი ერთისა თანა დადგრომილ არს.


Line of ed.: 10       კურთხეულარსა

Line of ed.: 11       ბაბილონს ყრმანი არა შეშინდეს ალისა საჴმილისაგან, არამედ
Line of ed.: 12    შორის ცეცხლსა მდგომარენი, ცუარითა სხურებულნი, ღაღადებდეს:
Line of ed.: 13    კურთხეულ ხარ შენ, ღმერთო მამათა ჩუენთაო.

Line of ed.: 14       თუალ-უყოფდა იუდა ბოროტის-ყოფად და ეძიებდა ჟამსა,
Line of ed.: 15    რაჲთა მისცეს მსაჯული განკითხვად, რომელი არს უფალი ყოველთაჲ
Line of ed.: 16    ღმერთი.

Line of ed.: 17       ეტყოდა უფალი მოწაფეთა თჳსთა: ერთმან თქუენგამან მიმცეს
Line of ed.: 18    მე, საყუარელნო. დაავიწყდა სიხარული და აღივსნეს მწუხარებითა და
Line of ed.: 19    იტყოდეს: ვინ არს ესე? გჳთხარ ჩუენ, ღმერთო მამათა ჩუენთაო.

Line of ed.: 20       რომელმან შთამოყოს ჴელი პინაკსა კადნიერად ჩემ თანა, უმჯობჱს
Line of ed.: 21    იყო მისა, არა თუმცა შობილ იყო. და ვითარცა ესე თქუა,
Line of ed.: 22    აუწყა. ამისთჳსცა ვღაღადებთ და ვიტყჳთ: კურთხეულ ხარ შენ,
Line of ed.: 23    ღმერთო მამათა ჩუენთაო.


Line of ed.: 24       აკურთხევდითსა

Line of ed.: 25       რჩულისათჳს მამათაჲსა ყრმანი ბაბილონს იწამნეს და არა შეშინდეს
Line of ed.: 26    ბრძანებისაგან მეფისა; და ერთობით არა შეიწუნეს ცეცხლითა
Line of ed.: 27    და გალობით ღაღადებდეს: აკურთხევდით ყოველნი საქმენი
Line of ed.: 28    უფლისანი უფალსა, უგალობდით და უფროჲსად.

Line of ed.: 29       მეპურისტენი ნეტარნი, სიონს შინა დადგრომილნი სიტყუასა
Line of ed.: 30    და შედგომილნი უფალსა, ვითარცა ცხოვარნი მწყემსსა ერთობით,
Line of ed.: 31    არა განეშორნეს ქრისტესა, მოზარდულნი სიტყჳთა ღმრთეებისა, და
Line of ed.: 32    მადლობით ღაღადებდეს: აკურთხევდით ყოველნი საქმენი უფლისანი
Line of ed.: 33    უფალსა, უგალობდით და უფროჲსად.

Line of ed.: 34       დაივიწყა რჩული ისკარიოტელმან სახელ-საძაგელმან გონებისა
Line of ed.: 35    მისისათჳს და გამზადნა ფერჴნი განბანილნი, რაჲთა მისცეს შურითა.

Line of ed.: 36       და ჭამდა ჴორცსა შენსა, პურსა ღმრთეებისასა. აიღო ბრჭალი მისი
Line of ed.: 37    შენ ზედა და ვერ გულისჴმა-ყო. აკურთხევდით ყოველნი საქმენი
Line of ed.: 38    უფლისანი უფალსა, უგალობდით და უფროჲსად.

Line of ed.: 39       უღირსი იგი მიიღებდა ჴორცსა, მომტევებელსა ცოდვათასა, და
Page of ed.: 543   Line of ed.: 1    სისხლსა ღმრთეებისასა, დათხეულსა სოფლისათჳს, და არა რცხუენოდა
Line of ed.: 2    შესმად, რომელსა-იგი ჰყიდდა ფასითა. არა განდევნა ბოროტი
Line of ed.: 3    და ვერ გულისჴმა-ყო. აკურთხევდით ყოველნი საქმენი უფლისანი
Line of ed.: 4    უფალსა, უგალობდით და უფროჲსად.


Line of ed.: 5       ადიდებდითსა

Line of ed.: 6       სტუმრობითა უკუდავებისაჲთა და ტაბლითა ცხორებისაჲთა მოვედით
Line of ed.: 7    და ვიჴმევდეთ, მორწმუნენო, გონებითა განწმედილითა და
Line of ed.: 8    ვისწაოთ სიტყჳსაგან მაღლით, მას ვადიდებდეთ.

Line of ed.: 9       სიტყუაჲ ეტყოდა მოწაფეთა: წარვედით ქორსა, სადა გონებაჲ
Line of ed.: 10    მტკიცე არს, და განუმზადეთ სერი, რომლითა ვასწავნე საიდუმლონი,
Line of ed.: 11    უფუვარი სიტყუათა ჭეშმარიტთაჲ, და ძალსა მაღლისასა
Line of ed.: 12    ვადიდებდეთ.

Line of ed.: 13       მშვა მე მამამან სიბრძნჱ, დამბადებელი პირველ საუკუნეთაჲ,
Line of ed.: 14    და დაწყებასა გზათა მისთასა დამბადა საქმეთა, რომელნი აწ იყოფვიან
Line of ed.: 15    საიდუმლოდ, რამეთუ ბუნებით სიტყუაჲ დამბადებული ვარ და
Line of ed.: 16    შევიყუარენ ჴმანი, რომელნი დავითმინენ.

Line of ed.: 17       ვითარცა ბუნებით კაც ვარ და არა მსგავსებით, ეგრჱთვე ბუნებაჲ,
Line of ed.: 18    რომელ მოვიღე კაცობრივი ღმრთის შეზავებითა, და იცოდეთ,
Line of ed.: 19    რამეთუ ერთი ქრისტე ვარ, რომლისაგან ვიქმენ მცველ ყოველთა.


Line of ed.: 20       აქებდითსა

Line of ed.: 21       იუდა, მზაკვარმან და მიმცემელმან, ამბორის-ყოფითა სიცრუვისაჲთა
Line of ed.: 22    მისცა მაცხოვარი, უფალი და მჴსნელი ყოველთაჲ. ვითარცა
Line of ed.: 23    მონაჲ მიჰყიდა ჰურიათა, და ვითარცა ცხოარი კლვად, ეგრე მიუდგა
Line of ed.: 24    კრავი ღმრთისაჲ, ძჱ მამისაჲ, მხოლოჲ მრავალმოწყაჱ.

Line of ed.: 25       იუდა ურჩულომან, უფალო, რომელმან შთამოყო ჴელი პინაკსა
Line of ed.: 26    შენ თანა სერობასა, განურთხა ჴელი უღმრთოთა, რაჲთა მიიღოს
Line of ed.: 27    ვეცხლი, რომელი რაცხდა ფასსა ნელსაცხებელისასა. არა შეძრწუნდა
Line of ed.: 28    განსყიდვასა შენსა, რომელი უსასყიდლო ხარ. წარმოყვნა ფერჴნი,
Line of ed.: 29    რაჲთა დაიბანეს, და ამბორს-გიყო ამბორის-ყოფითა სიცრუვისაჲთა
Line of ed.: 30    და მიგცა შენ უღმრთოთა, განვარდა კრებულისაგან მოციქულთაჲსა,
Line of ed.: 31    დააგდო ოცდაათი იგი ვეცხლი და შემდგომად სამისა დღისა
Line of ed.: 32    ადგომაჲ შენი ვერ იხილა, რომლითა შეგჳწყალენ ჩუენ.

Line of ed.: 33       დღეს შეკრბა სიმრავლჱ ჰურიათაჲ, რაჲთა მიგცენ ფილატეს
Line of ed.: 34    შემოქმედი და დამბადებელი ყოველთაჲ უღმრთოთა, ურჩულოთა, რამეთუ
Line of ed.: 35    რომელი მოვალს გარჩად ცხოელთა და მკუდართა, მისცეს იგი
Line of ed.: 36    სასჯელსა, რომელმან განკურნნა ვნებანი, მისცეს იგი ვნებად. უფალო
Line of ed.: 37    სულგრძელო, დიდ არს წყალობაჲ შენი, დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.