TITUS
Udzv.iadg.
Part No. 149
Previous part

Date: WMagn._1   Link to lektpar
Line of ed.: 30  იბაკონი ბზობისანი


Line of ed.: 31       ა

Line of ed.: 32       აივსო სიხარულითა სიონი.


Line of ed.: 33       ა გ̃ი

Line of ed.: 34       მთანი იხარებენ წინაშე უფლისა, რამეთუ მოვალს თანა-მფლობელი
Line of ed.: 35    მამისაჲ სიტყუაჲ. რომელი ქერობინთა დაუკლებელ ხარ და
Line of ed.: 36    სერაბინთა განუშორებელ, უფალო, აღსაშჱნებელად და ცხორებად
Line of ed.: 37    ყოლად შეიმოსე კაცებაჲ თუინიერ ცოდვისა, კარაულსა ზედა მჯდომარეჲ
Line of ed.: 38    მოხუედ, სიკუდილი დასთრგუნე და ჯოჯოხეთი შეჰკარ. ვინაჲ
Page of ed.: 345   Line of ed.: 1    ყრმანი ებრაელნი რტოებითა შეგასხმიდეს: ოსანა მაღალთა შინა,
Line of ed.: 2    რომელი მოხუედ და მოსლვად ხარ, ღმერთო, დიდებაჲ შენდა.


Line of ed.: 3       ჴ̃ჲ ბ

Line of ed.: 4       ოდეს იხილეს კიცუსა ზედა მომავალი, მაშინ ანგელოზთა ძალნი
Line of ed.: 5    იხარებდეს და ყრმანი ბაიაჲსა რტოებითა შეგასხმიდეს და იტყოდეს:
Line of ed.: 6    ოსანა, კურთხეულ არს მომავალი სახელითა უფლისაჲთა, ამას
Line of ed.: 7    უგალობდეთ, ალელუა.


Line of ed.: 8       ჴ̃ჲ გ

Line of ed.: 9       დღეს ყრმათა სახედ ანგელოზისა აუტევეს ხმაჲ, იგინი ჴორციელებრსა
Line of ed.: 10    განგებულებასა ახარებდეს ქუეყანასა ზედა, მშუიდობასა
Line of ed.: 11    ქების-მეტყუელებდეს: ოსანა მაღალთა შინა -- გიღაღადებდეს შენ,
Line of ed.: 12    მაცხოვარ. ორთაგან ბუნებათა გიცნეს ერთი, ქრისტე ღმერთო, რომელმან
Line of ed.: 13    მოჰმადლე სოფელსა დიდი წყალობაჲ.


Line of ed.: 14       ჴ̃ჲ დ

Line of ed.: 15       მთანი იხარებენ წინაშე უფლისა, რამეთუ მოვალს საუკუნითგან
Line of ed.: 16    წიაღთა მამისათა განუშორებელი. ქალწულისაგან განჴორციელდი,
Line of ed.: 17    ქერობინთა წილ კარაულსა ზედა ჯერ-იჩინე, ქრისტე ღმერთო,
Line of ed.: 18    ოდეს ყრმანი ებრაელთანი რტოებითა ბაიაჲსაჲთა, ღმრთივსწავლულნი,
Line of ed.: 19    ღაღადებდეს და იტყოდეს: ოსანა, კურთხეულ არს მომავალი
Line of ed.: 20    სახელითა უფლისაჲთა, რომელსა აქუს დიდი წყალობაჲ.


Line of ed.: 21       დ

Line of ed.: 22       მთავრობაჲ და ჴელმწიფებაჲ უჴორცოთა ანგელოზთაჲ გარემოჲს
Line of ed.: 23    გხედავს შენ, დაუსაბამოსა სიტყუასა, კიცუსა ზედა მჯდომარესა,
Line of ed.: 24    ქრისტე, ოდეს ყრმანი ებრაელნი რტოებითა მიგეგებვოდეს
Line of ed.: 25    შენ, ღაღადებდეს და იტყოდეს: ოსანა, კურთხეულ ხარ შენ, მაცხოვარო
Line of ed.: 26    ჩუენო, დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.