TITUS
Udzv.iadg.
Part No. 139
Previous part

Date: M12_25   Link to lektpar
Line of ed.: 20  იბაკონი ქრისტეჲს შობისანი


Line of ed.: 21       ჴ̃ჲ ა

Line of ed.: 22       საფასეჲ დაფარული გამოსჩნდი დღეს, რომელი მთიებისა წინა
Line of ed.: 23    იშევ, ქრისტე ღმერთო. ქალწულისაგან ღმრთეებაჲ დაიფარე და
Line of ed.: 24    კაცებაჲ შეიმოსე. საყდართა წილ ქერობინთა პირუტყუთა ბაგასა განისუენებ,
Line of ed.: 25    რომელსა ბევრეულნი ანგელოზნი ძწოლით გმსახურებენ.

Line of ed.: 26       ქუეყანასა ზედა მოგუნი ძღუენსა შესწირვიდეს მეუფისა ყოველთაჲსა.
Line of ed.: 27    რომელმან ყოველივე თავს-იდევ ჩუენისა ცხორებისათუის,
Line of ed.: 28    საკუირველთ-მოქმედო უფალო, დიდებაჲ შენდა.

Line of ed.: 29       ბაბილონს შინა ღირსთა ყრმათა ეჩუენე, ვითარცა ანგელოზი, ხოლო
Line of ed.: 30    ბეთლემს მოგუთა მათ შენ თავადი გამოეცხადე, უფალო, რომლისა, ვითარცა
Line of ed.: 31    მოკუდავისა და უხრწნელისა მეუფისა, ღირსად ძღუენი შეწირეს, ხოლო
Line of ed.: 32    ყრმანი საჴუმილისაგან განარინენ და გალობით იტყოდეს: უფროჲსად
Line of ed.: 33    ამაღლებულო უფალო, დიდებაჲ შენდა.

Page of ed.: 336  
Line of ed.: 1       სხუაჲ ჴ̃ჲ გ

Line of ed.: 2       უფროჲს სამოთხისა ქუაბი დიდებულად გამოჩნდა, შეგიწყნარა
Line of ed.: 3    შენ, ევმანუელ, რამეთუ სამოთხესა შინა ევას მცნებისა გარდასლვითა
Line of ed.: 4    სიკუდილი ეუფლა, არამედ ქუაბსა შინა ქალწულმან შობითა
Line of ed.: 5    ცხორებაჲ მოგუმადლა. დიდებაჲ მოსლვასა შენსა, უფალო, დიდებაჲ
Line of ed.: 6    შობასა წმიდისაგან ქალწულისა, უფალო, დიდებაჲ შენდა.


Line of ed.: 7       სხუაჲ ჴ̃ჲ დ გ̃ი

Line of ed.: 8       შობასა შენსა, ქრისტე, შეძრწუნდა ეროდე და ყოველი იერუსალემი
Line of ed.: 9    მის თანა. რამეთუ მოგუნი აღმოსავალით მოვიდეს შენდა,
Line of ed.: 10    ცხოველსა გხედვიდეს რაჲ მკლავთა ზედა ქალწულისათა. დაღაცათუ
Line of ed.: 11    ურჩულომან მან უბრძანა მოწყუედაჲ ჩჩუილთაჲ მათ, არამედ
Line of ed.: 12    ღმრთეებამან შენმან უწოდა მკუიდრად სასუფეველსა, მაცხოვნებელო
Line of ed.: 13    ქრისტე ღმერთო, დიდებაჲ შენდა.


Line of ed.: 14       სხუაჲ ჴ̃ჲ ბ

Line of ed.: 15       შენი შობაჲ, ქრისტე ღმერთო, სიხარუ.


Line of ed.: 16       სხუაჲ ჴ̃ჲ ა გ̃ი

Line of ed.: 17       უფროჲს გულისხმისა შობაჲ.


Line of ed.: 18       სხუაჲ ჴ̃ჲ დ გ̃ი

Line of ed.: 19       მოვედით, მორწმუნენო, ვიხარებდეთ დღეს შობასა მეუფი.


Line of ed.: 20       სხუაჲ ჴ̃ჲ დ

Line of ed.: 21       ყრმანი სიონით წარიტყუენ.


Line of ed.: 22       სხუაჲ ჴ̃ჲ დ გ̃ი

Line of ed.: 23       რომელი სანატრელ ხარ დედათა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.