TITUS
Udzv.iadg.
Part No. 138
Previous part

Part: (B)  
Date: M03_25   Link to lektpar
Page of ed.: 334  
Line of ed.: 1  [იბაკონი და წარდგომანი]

Line of ed.: 2  დასადებელნი ხარებისანი

Line of ed.: 3  აქა დავწერენ, წარდგომადცა სთქუნე


Line of ed.: 4       ჴ̃ჲ ა

Line of ed.: 5       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 6    რომელმან ჯერ-იჩინე ქუეყანისა ქალწული და გაბრიელ ანგელოზი
Line of ed.: 7    ხარებად მოუვლინე, რაჲთა იჴსნე ნათესავი კაცთაჲ მონებისაგან
Line of ed.: 8    საცთურისა მტერისა.

Line of ed.: 9       დღეს იხარებენ ძალნი ცათანი და გიგალობენ საფუძველნი ქუეყანისანი,
Line of ed.: 10    რამეთუ გაბრიელ ანგელოზისაგან ქუეყანისა ქალწულნი
Line of ed.: 11    ზეცისა სიძისა მიითხოვა.

Line of ed.: 12       რაჟამს აიძრა ჴმაჲ მამისაჲ, ანგელოზნი განკუირვებით იტყოდეს:
Line of ed.: 13    ეჰა ყოველთა უფალი, რამეთუ დღეს ზეცით ქუეყანად მიივლინების
Line of ed.: 14    და ქუეყანისა კაცთა ზეცისათა თანა შეაერთებს.



Line of ed.: 15  იბაკონი ხარებისანი


Line of ed.: 16       ჴ̃ჲ ა

Line of ed.: 17       საჴუმილმან ბაბილოვნს სამებისა რიცხუთა მიჰრიდა და ქალწულისა
Line of ed.: 18    შობასა, რომელი მოსეს მთასა ეჩუენა შეუწველად მაყუალი, წინა-სახე
Line of ed.: 19    ექმნა და გაბრიელ წინა-აუწყა, გიხაროდენ -- მისა მიმართ იტყოდა. ამისთჳსცა
Line of ed.: 20    ღირსთა თანა ყრმათა ვღაღადებთ: უფროჲსად ამაღლებულო უფალო,
Line of ed.: 21    დიდებაჲ შენდა.

Line of ed.: 22       სახარულევანო ღმრთისმშობელო, ქერობინებრ სიმტკიცეო, რომელმან
Line of ed.: 23    დაუსაბამოჲ სიტყუაჲ სიტყჳთა მუცლად-იღე. წმიდა არს ღმერთი, რომელმან
Line of ed.: 24    ანგელოზისა მიერ გაუწყა დაუსრულებელი სიხარული, წმიდა არს
Line of ed.: 25    ძლიერი, რომელმან დაგიცვა შენ შემდგომად შობისა ქალწულად,
Line of ed.: 26    წმიდა არს უკუდავი, რომლისა შენ მიერ გევედრებით ცხორებად ნათესავისა
Line of ed.: 27    კაცთაჲსა, ვითარცა კაცთმოყუარე არს.


Line of ed.: 28       ჴ̃ჲ ბ

Line of ed.: 29       ანგელოზისა ხარებაჲ შეიწყნარა ქალწულმან და ნაყოფი მუცლისაჲ
Line of ed.: 30    დაიტია უბრალომან. მუცლად-ღებასა განიზრახვიდა იოსებ
Line of ed.: 31    და გოდებით იტყოდა: ვითარ განუტეო ქალწული, რომელი წარვიყვანე
Line of ed.: 32    ტაძრისაგან ღმრთისა? ვითარ განუტეო? მუცლადღებულსა
Page of ed.: 335   Line of ed.: 1    ვხედავ და რჩულისაგან მეშინის. ხოლო მან რქუა: მამაკაცი მე არა
Line of ed.: 2    ვიცი, მეწამების, რომელმან მომართუა მე ხარებაჲ, არამედ ჩემგან
Line of ed.: 3    შობილმან ღმერთმან მოანიჭოს სოფელსა დიდი წყალობაჲ.


Line of ed.: 4       სხუაჲ ჴ̃ჲ ბ

Line of ed.: 5       ჭეშმარიტი ბრძანებაჲ მოაქუნდა გაბრიელს ქალწულისა, განკუირვებით
Line of ed.: 6    განიზრახვიდა: რომელსა ცანი ვერ შემძლებელ არიან
Line of ed.: 7    ტუირთვად, ვითარ ქალწულმან მუცლითა იტუირთოს? არამედ არა
Line of ed.: 8    გამოვიკულევდე, რამეთუ იგივე შევალს, რომელმან მომავლინა მე
Line of ed.: 9    ხარებად. გიხაროდენ, მარიამ, რამეთუ შენ დედად მაცხოვრისად გამოშჩნდი.
Line of ed.: 10    გიხაროდენ, ქალწულო, რამეთუ შენგან გამობრწყინდეს
Line of ed.: 11    მზეჲ იგი სიმართლისაჲ. გიხაროდენ, მიმადლებულო, რამეთუ შენგან
Line of ed.: 12    შობილმან ღმერთმან აცხოვნოს ნათესავი კაცთაჲ.


Line of ed.: 13       სხუაჲ ჴ̃ჲ დ გ̃ი

Line of ed.: 14       ღმრთისმშობელო ქალწულო, შენდა რაჲ მოივლინა გაბრიელ ანგელოზი
Line of ed.: 15    ღმრთისა მიერ უწყებად საიდუმლოსა, დატევნად დაუტევნელისა,
Line of ed.: 16    და გეტყოდა შენ: გიხაროდენ, სახარულებანო, რამეთუ სული
Line of ed.: 17    წმიდაჲ მოვიდეს შენ ზედა, ძალი მაღლისაჲ გფარვიდეს შენ.

Line of ed.: 18       ამისთუისცა შენგან შობილსა ძე მაღლის ეწოდოს, რომელმან იჴსნას
Line of ed.: 19    ნათესავი კაცთაჲ.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.