TITUS
Udzv.iadg.
Part No. 136
Previous part

Date: M11_14   Link to lektpar
Line of ed.: 9  თთუესა იდ ნოემბერსა მთავარანგელოზთაჲ


Line of ed.: 10       უფალო ღაღატყავსა ჴ̃ჲ ბ გ̃ი

Line of ed.: 11       მთავარანგელოზნო ქრისტეჲს მოწყალისა ღმრთისანო, ყოველნი
Line of ed.: 12    შემოვედრებულნი დიდებულსა თქუენსა საჴსენებელსა ღირს მყვენ
Line of ed.: 13    თქუენთა კურნებათა, გევედრებით.

Line of ed.: 14       მთავარანგელოზნო უფლისაო, ვითარცა მარადის მდგომარე
Line of ed.: 15    ხართ წინაშე საყდართა დიდებისათა, შეგუეწიენით მყოფთა ქუეყანისათა
Line of ed.: 16    და ევედრენით ქრისტესა ჩუენისა დიდისა წყალობისათუის.

Line of ed.: 17       მეოხნო ნათესავისა კაცთაჲსანო, დიდებულნო მთავარანგელოზნო,
Line of ed.: 18    დაუცხრომელად მეოხ გუეყვენით ცხორებად სულთა ჩუენთათუის,
Line of ed.: 19    გევედრებით, რაჲთა გარდამოავლინოს სულთა ჩუენთათუის დიდი
Line of ed.: 20    წყალობაჲ.

Line of ed.: 21       მთავარანგელოზნო უფლისანო, რომელნი საყდართა დიდებისათა
Line of ed.: 22    წინაშე სდგათ და მე.


Line of ed.: 23       უგალობდითსა

Line of ed.: 24       რომელი უფალ ხარ ცათაჲ და ქუეყანისაჲ, რომელსა გიპყრიან ჴელითა
Line of ed.: 25    დაბადებულნი, რომელნი იქები ძალთა უჴორცოთა მთავრობათა და
Page of ed.: 322   Line of ed.: 1    ჴელმწიფებაჲ, და ჩუენ, ქუეყანისანი, ქმნულნი ჴელთა შენთანი, ვღაღადებთ
Line of ed.: 2    და ვიტყუით: უგალობდეთ უფალსა.

Line of ed.: 3       რომელი მჯდომარე ხარ ცასა ცათასა, რომელი განისუენებ ეტლთა
Line of ed.: 4    ქერობინთასა, რომელსა დასნი უჴორცოთა ანგელოზთანი შიშით გმსახურებენ
Line of ed.: 5    და დიდებისაგან ღმრთეებისა შენისა ვერ შეგადგმენ თუალთა მათთა,
Line of ed.: 6    არამედ დაუცხრომელითა ჴმითა გაქებენ და იტყჳან: წმ.

Line of ed.: 7       რომელი იდიდები ცათა და ქუეყანასა დაუსაბამოჲ ღმერთი, შემოქმედი
Line of ed.: 8    ყოველთაჲ, რომელსა ქერობინნი და სერაბინნი უხილავად შიშით
Line of ed.: 9    ფრთეთა პირთა მათთა იფარვენ და დიდებისაგან ღმრთეებასა შენსა ვერ
Line of ed.: 10    იკადრებენ ხილვად, არამედ დაუცხრომელად ჴმითა გაქებენ და იტყჳან: უგალობდეთ
Line of ed.: 11    უფალსა.


Line of ed.: 12       მოიხილესა

Line of ed.: 13       მოიხილე, ცაო, და ვიტყოდი და უფროჲსად უ.

Line of ed.: 14       დაგჳცვენ შენნი მოსავნი, ქრისტე, მეოხებითა მთავარანგელოზთა
Line of ed.: 15    შენთაჲთა.

Line of ed.: 16       მართალ და წმიდა არს უფალი ძალთაჲ, რომელი იქების ძალთაგან
Line of ed.: 17    უჴორცოთა.

Line of ed.: 18       იხილეთ, იხილეთ უფალი, ღმერთი ჩუენი, რომელი მაღალთა შინა
Line of ed.: 19    ანგელოზთა მიერ თაყუანის-იცემების.

Line of ed.: 20       დიდებაჲ შენდა, დიდებაჲ შენდა, მეუფეო დიდებისაო, რომელი გამოუთქუმელთაგან
Line of ed.: 21    მგალობელთა მიუწდომელად იდიდები.

Line of ed.: 22       მეოხ იყვენით, წმიდანო მთავარანგელოზნო, რაჲთა ვიჴსნნეთ ურჩულოებათა
Line of ed.: 23    ჩუენთაგან, რამეთუ თქუენ მოგეცა მადლი მეოხებად ჩუენდა.


Line of ed.: 24       განძლიერდასა

Line of ed.: 25       ანგელოზთა განწყობილებაჲ დღეს იხარებს, დღესა შუენიერსა, დღესასწაულსა
Line of ed.: 26    წმიდათა მთავარანგელოზთასა, და ითხოვენ შენ სახიერისაგან
Line of ed.: 27    დიდსა წყალობასა და იტყჳან: უფალო სახიერო, კაცთმოყუარებითა
Line of ed.: 28    შენითა ქმნულსა ნუ.

Line of ed.: 29       მეუფისა ნათლისა და თუალთ-შეუდგამისა უფლისა გალობასა შესწირვენ
Line of ed.: 30    შენდა მთავარანგელოზნი და იტყჳან: უფალო სახიერო, კაცთმოყუარებითა
Line of ed.: 31    შენითა ქმნულსა ნუ.

Line of ed.: 32       რომელსა შიშით გმსახურებენ ანგელოზნი და ადიდებენ ღმრთეებასა
Line of ed.: 33    შენსა, ვერ შეგადგმენ თუალთა მათთა, არამედ გარემოჲს დგანან და
Line of ed.: 34    იტყჳან: უფალო სახიერო, კაცთმოყუარებითა შენითა ქმნულსა ნუ.


Line of ed.: 35       უფალო მესმასა

Line of ed.: 36       რომელი გამოუთქუმელთაგან მგალობელთა მარადის იქები, უფალო,
Line of ed.: 37    და წინაწარმეტყუელთაგან წინაჲვე იქადაგე ქალწულისაგან ჴორციელად,
Page of ed.: 323   Line of ed.: 1    რაჲთა ჩუენ, ქუეყანისანი, ზეცისა ერთა თანა გიგალობდეთ და ვიტყოდით:
Line of ed.: 2    დიდებაჲ ძალსა შენსა, უფალო.

Line of ed.: 3       რომელსა გარე-მოგათქს ბევრეული დასი ანგელოზთაჲ, სიმდაბლით
Line of ed.: 4    ჯერ-იჩინე მოწევნასა ჟამთასა განკაცებაჲ წმიდისაგან ქალწულისა, ხოლო
Line of ed.: 5    ჩუენ მოგჳწოდე ნათელსა უკუდავებისასა, რაჲთა ერთა თანა ზეცისათა
Line of ed.: 6    დაუცხრომელად ვიტყოდით: დიდებაჲ ძალსა შენსა, უფალო.

Line of ed.: 7       რომელი თუალთ-შეუდგამ ხარ ანგელოზთაგან, დიდებით ქებულ ხარ
Line of ed.: 8    ძალთაგან ძეცისათა, ამისთჳსცა ჩუენ, უღირსნი ესე, გევედრებით შენ
Line of ed.: 9    და ვითხოვთ: მეოხებითა წმიდათა მთავარანგელოზთაჲთა ლხინება ყავ
Line of ed.: 10    შეცოდებათა ჩუენთათჳს, რაჲთა გაქებდეთ და ვიტყოდით: დიდებაჲ ძალსა
Line of ed.: 11    შენსა, უფალო.


Line of ed.: 12       ღამითგანსა

Line of ed.: 13       ღამისა ლოცვასა შევსწირავთ შენდა, ქრისტე, ერი მორწმუნეთაჲ
Line of ed.: 14    დღესასწაულსა წმიდათა მთავარანგელოზთასა და ვითხოვთ მეოხებითა მათითა
Line of ed.: 15    შენ სახიერისაგან დიდსა წყალობასა, რაჲთა ნათლითა შენითა განგუანათლნე
Line of ed.: 16    ჩუენ.

Line of ed.: 17       ღამითგან აღვიმსთობთ, შენდა დიდებასა შევსწირავთ მეუფისა დიდებისა
Line of ed.: 18    და პირველ საუკუნეთა ღმრთისა, რომელსა გაქებენ დასნი და
Line of ed.: 19    ჩუენ თანა ვღაღადებთ და ვიტყჳთ: რომელი ქველისმოქმედებითა ...

Line of ed.: 20       დღეს დასნი ანგელოზთანი დიდების-მეტყუელებისა ქებითა წინაშე
Line of ed.: 21    საშინელთა საყდართა შენთა დაუცხრომელად გაქებენ და იტყჳან: წმიდა
Line of ed.: 22    არს უფალი ძალთაჲ, რომლისა დიდებითა ცანი და ქუეყანაჲ.


Line of ed.: 23       ღაღატყავსა

Line of ed.: 24       რომელმან წინაწარმეტყუელი იგი შეძრწუნებული საცთუთაგან
Line of ed.: 25    ზღჳსათა და მუცლისაგან ვეშაპისა იჴსენ, უფალო, მიჴსნენ ჩუენცა სიღრმეთაგან
Line of ed.: 26    ცოდვათა ჩუენთაჲსა მეოხებითა წმიდათა მთავარანგელოზთაჲთა,
Line of ed.: 27    რომელნი ვღაღადებთ და ვიტყჳთ: ღმერთო ჩუენო.

Line of ed.: 28       რომელი ნათელსა შინა დამკჳდრებულ ხარ მიუწდომელსა, ქრისტე,
Line of ed.: 29    ღმერთო ჩუენო, გევედრებით შენ: დიდთა ძალთა მთავართა -- მიქაელის და
Line of ed.: 30    გაბრიელის მიერ შენი მშჳდობაჲ მიჰმადლე ერსა შენსა, რომელნი ვღაღადებთ
Line of ed.: 31    და ვიტყჳთ: ღმერთო ჩუენ.

Line of ed.: 32       შენ, რომელი ხარებულ იქმენ მთავარანგელოზთაგან, ქალწულო
Line of ed.: 33    უბიწოო, და სიტყუაჲ დაუსაბამოჲ შენ მიერ ... მეყსეულად მოვიდა, რომელი
Line of ed.: 34    დაუცხრომელად იქების ... ჴორციელნი ღირს მყვენ ... რომელნი
Line of ed.: 35    ვღაღადებთ და ვიტყჳთ: ღმერთო ჩუენ.


Line of ed.: 36       კურთხეულარსა

Line of ed.: 37       რომელი ბაბილონს, საჴუმილსა შინა, შორის ყრმათა გამოშჩნდი და
Page of ed.: 324   Line of ed.: 1    ალი იგი ცუარითა დაშრიტე და მას შინა უნებელად დაიცვენ მაქებელნი
Line of ed.: 2    შენნი ყრმანი, რომელნი დაუცხრომელითა ჴმითა ღაღადებდეს და იტყოდეს:
Line of ed.: 3    ღმერთო მამათა ჩუენთაო, კურთხეულ ხარ შენ.

Line of ed.: 4       რომელნი იფარვენ ფრთეებითა პირთა მათთა და შიშით ჴმითა მაღლითა
Line of ed.: 5    აგამაღლებენ შენ, ყოველთა მეუფესა, რომელი ქებულ ხარ ყოველთაგან
Line of ed.: 6    და იქები, ღმერთო მამათა ჩუენთაო, კურთხეულ ხარ შენ.

Line of ed.: 7       რომელსა ოთხატედნი ცხოველნი შიშით თაყუნის-გცემენ, შენ გიხილა
Line of ed.: 8    ესაია ცეცხლის ფერთა ეტლთა ზედა მჯდომარჱ, რომელსა განწყობანი
Line of ed.: 9    ანგელოზთანი ბრწყინვალითა ჴმითა ღაღადებენ და იტყჳან: წმიდა
Line of ed.: 10    ხარ, წმიდა ხარ, წმიდა ხარ შენ უფალო.


Line of ed.: 11       აკურთხევდითსა დ ჴ̃ჲ

Line of ed.: 12       ყოველნი საქმენი და.

Line of ed.: 13       შენ, ღმერთო ჩუენო, რომელმან ჰბრძანე ნათელი და ბნელი,
Line of ed.: 14    და დაებადნეს, კურთხეულ არიან საქმენი შენნი, უფალო, ღმერთო
Line of ed.: 15    ჩუენო.

Line of ed.: 16       შენ, მეუფეო, რომელსა განწყობილნი ანგელოზნი ცათა შინა
Line of ed.: 17    გიგალობენ და ჩუენ, ქუეყანისანი, ქმნულნი ჴელთა შენთანი, დიდებასა
Line of ed.: 18    შენდა შევსწირავთ და ვიტყუით: აკუ.

Line of ed.: 19       საყდართა ქერობინთა ზედა მჯდომარესა მჴედრობაჲ ანგელოზთაჲ
Line of ed.: 20    დაუცხრომელად გაკურთხევს, ჩუენცა მათ თანა გიგალობთ:
Line of ed.: 21    აკურთ.

Line of ed.: 22       მეუფესა ცათასა და ღმერთსა, ყოველთასა, რომელსა ანგელოზნი
Line of ed.: 23    თაყუანის-ცემით აკურთხევენ, ჩუენცა ერთობით ვიტყოდით; აკურ.

Line of ed.: 24       მოვედით, მორწმუნენო, ვიხარებდეთ დღესასწაულსა წმიდათა მთავარანგელოზთასა,
Line of ed.: 25    რომელთა მიერ მოგუემადლების ლხინებაჲ და მოტევებაჲ
Line of ed.: 26    ცოდვათაჲ, რამეთუ იგინი დაუცხრომელად იღუწიან ჩუენთჳს წინაშე
Line of ed.: 27    მაცხოვრისა ჩუენისა, რაჲთა ყოველნი ვაკურთხევდეთ და უფროჲსად
Line of ed.: 28    ავამაღლებდეთ შემოქმედსა საუკუნეთასა უკუნისამდე.

Line of ed.: 29       ზეცისა მეუფისა მსახურნო, რომელი ჰყოფთ ნებათა მისთა, ნუ
Line of ed.: 30    დასცხრებით მეოხებად ჩუენდა ყოველთა შემოქმედისა მიმართ ღმრთისა,
Line of ed.: 31    ითხოვეთ სულთა ჩუენთათჳს ლხინებაჲ, რაჲთა ყოველნი ვაკურთხევდეთ
Line of ed.: 32    და უფროჲსად ავამაღლებდეთ შემოქმედსა საუკუნეთასა უკუნისამდე.

Line of ed.: 33       რომელნი ნათლისა თუალთ-შეუდგამისა მსახურ ხართ და განწესებულ
Line of ed.: 34    ერისთავად გუნდსა მას ზედა უჴორცოსა მიქაელ და გაბრიელ, წინაშე
Line of ed.: 35    მდგომელნო ღმრთისანო, მომიჴსენეთ ჩუენ წინაშე მაცხოვრისა ჩუენისა,
Line of ed.: 36    რაჲთა მიჴსნეს ჩუენ ცეცხლისა მისგან საშინელისა და დაუცხრომელად
Line of ed.: 37    ვაკურთხევდეთ და უფროჲსად ავამაღლებდეთ შემოქმედსა საუკუნეთასა
Line of ed.: 38    უკუნისამდე.

Line of ed.: 39       რომელი მაღალთა შინა მამისა მიერ იდიდების -- სამებაჲ წმიდაჲ --
Line of ed.: 40    ძალთა მიერ უჴორცოთა, მთავრობათა და ჴელმწიფებათა, და ჩუენ, ქუეყანისანი,
Line of ed.: 41    ქმნულნი ჴელთა მისთანი, დაუცხრომელად ვაკურთხევდეთ და
Line of ed.: 42    უფროჲსად ავამაღლებდეთ შემოქმედსა საუკუნეთასა უკუნისამდე.

Page of ed.: 325  
Line of ed.: 1       ადიდებდითსა

Line of ed.: 2       დიდებაჲ მეუფისაჲ.

Line of ed.: 3       ძალნი ზეცათანი ღაღადებენ საშინელითა ჴმითა ღმრთეებისა
Line of ed.: 4    შენისა ქებასა და იტყუიან: წმიდა ხარ, მაცხოვარ, შეგუიწყალენ.

Line of ed.: 5       მთავრობათა დაუკუირდა, უხილავსა რაჲ უფალსა გხედვიდეს,
Line of ed.: 6    წყალობა-აურაცხელსა, მკლავთა ზედა ქალწულისათა მოყუანებულსა.

Line of ed.: 7       რომელმან სიმდაბლით ყოველივე ჩუენთუის თავს-იდევ, ამაღლდი
Line of ed.: 8    ზეცად და დასჯედ მარჯუენით მამისა, ყოლად ქებულო ანგელოზთა
Line of ed.: 9    მიერ, თაყუანისცემულო სერაბინთაგან, და ჩუენ მათ
Line of ed.: 10    თანა გა.

Line of ed.: 11       იხილეს.

Line of ed.: 12       მოვედით დღეს ერი მორწმუნეთაჲ და ვგალობდეთ სიხარულით დღესასწაულსა
Line of ed.: 13    წმიდათა მთავარანგელოზთასა, რამეთუ იგინი დაუცხრომელად
Line of ed.: 14    მსახურებასა შესწირვენ ღმრთისა და იტყჳან: წმიდა არს უფალი,
Line of ed.: 15    მეუფჱ დიდებისაჲ.

Line of ed.: 16       დასნი უჴორცოთანი, ძალნი და უფლებანი გარემოჲს საყდართა შენთა
Line of ed.: 17    უხილავად დიდების-მეტყუელებენ, დიდად შუენიერებასა შენსა აქებენ
Line of ed.: 18    და იტყჳან: წმიდა არს უფალი, მეუფჱ დიდებისაჲ.

Line of ed.: 19       მამასა თანა ძით და სულით წმიდითურთ ვაკურთხევდეთ დღეს ერი
Line of ed.: 20    მორწმუნეთაჲ, დიდების-ვმეტყუელებდეთ ერთა თანა ზეცისათა და ვიტყოდით:
Line of ed.: 21    რომელი წმიდასა შინა იდიდები, შეგჳწყალენ ჩუენ.


Line of ed.: 22       აქებდითსა ჴ̃ჲ დ გ̃ი

Line of ed.: 23       შემოქმედსა ცათასა.

Line of ed.: 24       საყდარნი და.

Line of ed.: 25       ოთხატედნი.

Line of ed.: 26       და ჩუენ, ქუეყანისანი.

Line of ed.: 27       არსებასა ყოლად წმიდისა სამებისასა გაქებენ მთავარანგელოზნი,
Line of ed.: 28    ბაგითა წმიდითა შესწირვენ შენდამი ქებასა, გალობით გიღაღადებენ და
Line of ed.: 29    იტყჳან: წმიდა არს უფალი.

Line of ed.: 30       ზესკნელ, ცათა მაღალთა შინა მყოფსა მიუწდომელად გმსახურებენ
Line of ed.: 31    ანგელოზნი, ეტლნი, სერაბინ-ქერაბინნი და მთავრობანი. შიშით გიღაღადებენ
Line of ed.: 32    და იტყჳან: წმიდა არს უფალი.

Line of ed.: 33       ვიხილეთ დღეს დიდი საიდუმლოჲ, რომელი მოემადლა კაცთა ნათესავსა,
Line of ed.: 34    დღესასწაულსა მთავარანგელოზთაჲ. ლხინებაჲ მათმიერი მოგუმადლე
Line of ed.: 35    ჩუენ, ქრისტე, მაცხოვარო სოფლისაო.

Line of ed.: 36       დასთაგან უხორცოთაჲსა მიუწდომელად იდიდები უფალი საბაოთ,
Line of ed.: 37    ერთგან ქუეყანისათა ერთობით მათ თანა მარადის იქები, ვითარცა მხოლოჲ
Line of ed.: 38    სახიერ ხარ და კაცთმოყუარე.

Line of ed.: 39       მიქაელ და გაბრიელ, დიდნო მთავარანგელოზნო და ზეცისა ერთა
Line of ed.: 40    თავნო, ნათელსა დაუსრულებელსა თუალთ-შეუდგამად მსახურნო, იღუწიდით
Line of ed.: 41    ჩუენთჳსცა მარადის ვედრებით თხოვად მისგან წყალობისა.

Page of ed.: 326  
Line of ed.: 1       სხუანი დ გ̃ი

Line of ed.: 2       უფალო, რომელი მაღალთა შინა ანგელოზთა მიერ იქები და
Line of ed.: 3    ქუეყანასა ზედა კაცთა ნათესავი დღესასწაულსა მთავარანგელოზთასა
Line of ed.: 4    სიხარულით ღაღადებენ და იტყუიან: გუაცხოვნენ ჩუენ, მჴსნელო,
Line of ed.: 5    რომელი ხარ მაღალთა შინა.

Line of ed.: 6       მჴედრობაჲ ანგელოზთაჲ დღეს იხარებს დღესა შუენიერსა,
Line of ed.: 7    დღესასწაულსა მთავარანგელოზთასა, რამეთუ ყოველთა შემოქმედი
Line of ed.: 8    ღმერთი წესთაგან ანგელოზთა იქების, რომლისა დასებითა დაცულნი
Line of ed.: 9    იტყუიან: გუაცხოვნენ ჩუენ, მჴსნელო, რომელი ხარ მაღალთა
Line of ed.: 10    შინა.

Line of ed.: 11       ეჰა გამოუთქმელი და დიდებული და დიდი სიმდაბლეჲ, რომელი
Line of ed.: 12    იხილა ესაია წინაწარმეტყუელმან -- მეუფეჲ, უფალი საბაოთ,
Line of ed.: 13    საყდართა ზედა მჯდომარეჲ, რომელსა მთავარანგელოზნი აქებენ:
Line of ed.: 14    გუაცხოვნენ ჩუენ, მჴსნელო, რომელი ხარ მაღალთა შინა.

Line of ed.: 15       რომელი ნათელსა თუალთ-შეუდგამსა მსახურ ხარ და ერისთავ
Line of ed.: 16    ერსა მისსა ზედა, გაბრიელ, დიდო მთავარო, მახარებელო ქალწულისაო,
Line of ed.: 17    ნუ დასცხრები ვედრებად ჴსნად სულთა ჩუენთათუის.

Line of ed.: 18       მთავარანგელზნო უფლისანო, საყდართა დიდებისათა წინაშე
Line of ed.: 19    მდგომარენო, მეოხნო ყოველთა კაცთანო, და აწცა სულთა ჩუენთათუის
Line of ed.: 20    ლხინებაჲ ითხოვეთ ქრისტეჲსგან და დიდი წყალობაჲ.


Line of ed.: 21       სხუანი ჴ̃ჲ ბ გ̃ი

Line of ed.: 22       ანგელოზთა ერ.

Line of ed.: 23       ანგელოზ.

Line of ed.: 24       რომელსა გი.


Line of ed.: 25       ოხითაჲ ჴ̃ჲ ბ გ̃ი

Line of ed.: 26       ვის ვევედრნეთ, ანუ ვინ დაგამშუიდოს შენ, ყოველთა უფალი,
Line of ed.: 27    გარნა თუ მსახურთავე შენთა ანგე.


Line of ed.: 28       ფსალმუნი ჴ̃ჲ დ გ̃ი

Line of ed.: 29       რომელმან შექმნა [ანგელოზნი (ps. 103, 4 Link to psa).


Line of ed.: 30       დასადებელი

Line of ed.: 31       აკურთხევს სუ[ლი ჩემი უფალსა, უფალო, ღმერთო ჩემო (ps. 103, 1 Link to psa).


Line of ed.: 32       ალელუაჲ

Line of ed.: 33       აგიარო შენ, [უფალო, ყოვლითა გულითა ... შორის ანგე (ps. 137, 1 Link to psa).


Line of ed.: 34       ჴელთაბანისაჲ ჴ̃ჲ დ გ̃ი

Line of ed.: 35       რომელნი ძლევისა გალობასა დაუდუმებელად დიდების-მეტყუელებით
Page of ed.: 327   Line of ed.: 1    უფლისა შესწირვენ, მიქაელ და გაბრიელ, დიდნო მთავარანგელოზნო
Line of ed.: 2    და პირველ ზეცისა ერსთავნო და წინაშე მდგომელნო
Line of ed.: 3    ღმრთისანო, ნუ დასცხრებით ვედრებად ჴსნად სულთა
Line of ed.: 4    ჩუენთათუის.

Line of ed.: 5       მთავარანგელოზნო უფლისა, საყდართა დიდებისათა წინაშე მდგომარენო,
Line of ed.: 6    რომელნი მეოხება-ჰყოფთ ყოველთა კაცთათჳს და აწცა სულთა
Line of ed.: 7    ჩუენთათჳს მშჳდობაჲ ითხოვეთ ქრისტჱს ღმრთისაგან და დიდი
Line of ed.: 8    წყალობაჲ.


Line of ed.: 9       სიწმიდისაჲ ჴ̃ჲ ბ გ̃ი

Line of ed.: 10       მთავარანგელოზთა და ძალთა ძეცისათა უხარის, რამეთუ ბრწყინვენ
Line of ed.: 11    წმიდანი შეწირვითა ჴორცთა მათთაჲთა შენ წინაშე, ქრისტე,
Line of ed.: 12    და ჩუენ მსხუერპლსა ზეცისასა საიდუმლოსა ქერობინთა თანა შევსწირავთ
Line of ed.: 13    და ვიტყუით: წმიდა ხარ, წმიდა ხარ, წმიდა ხარ შენ, უფალო,
Line of ed.: 14    დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.