TITUS
Udzv.iadg.
Part No. 60
Previous part

Date: WQuadr.6_3   Link to lektpar
Page of ed.: 156  
Line of ed.: 1  მე-ვ-სა სამშაბათსა


Line of ed.: 2       აქებდითსა \ დ გ̃ი

Line of ed.: 3       შემოქმედსა ცათასა ერნი ანგელოზთანი გაქებენ და იტყუიან:
Line of ed.: 4    მის მხოლოჲსა შუენის ქებაჲ.

Line of ed.: 5       \ ოთხატედნი ცხოველნი, ქერაბინ-სერაბინნი გაქებენ [და
Line of ed.: 6    იტყუიან: მის მხოლოჲსა შუენის ქებაჲ].

Line of ed.: 7       და ჩუენ ქუეყანისანი, ქმნულნი ჴელთა შენთანი, გაქებთ და
Line of ed.: 8    გაკურთხევთ, შენდა დიდებასა შევსწირავთ.

Line of ed.: 9       საყდარნი და სიწმიდენი, მღჳძარენი და რულნი აქებენ და იტყჳან: მის
Line of ed.: 10    მხოლოჲსა შუენის ქებაჲ.

Line of ed.: 11       ცოდვათა სიმრავლეჲ მაქუს და გევედრები, ქრისტე, დაუძინებელითა
Line of ed.: 12    თუალითა \ მოიხილე ჩემ ზედა, ღმერთო ჩემო, და შემიწყალე
Line of ed.: 13    მე.

Line of ed.: 14       ქველისმოქმედ მაცხოვარ, დამიფარენ \ მარჯუენემან შენმან,
Line of ed.: 15    რამეთუ ჭირი მახს მე და არავინ არს მწე. ერსა შენსა ნუ უგულებელსგუყოფ,
Line of ed.: 16    \ კაცთმოყუარე, და შეგუიწყალენ ჩუენ.


Line of ed.: 17       მწუხრი


Line of ed.: 18       \ უფალო ღაღატყავსა ჴ̃ჲ ა

Line of ed.: 19       მოვედით, მორწმუნენო, და ვევედრებოდით ქრისტესა ცოდვათა
Line of ed.: 20    ჩუენ[თათუის]და ჴმაჲ იგი ავაზაკისაჲ მის შევწიროთ [და ვთქუათ:
Line of ed.: 21    მომიჴსენე მე, უფალო, ოდეს]მოხუიდე [სუფევითა შენითა].

Line of ed.: 22       რომელმან შეცოდებანი [ჩემნი]უწყნი და სინანულსა ელი,
Line of ed.: 23    ვნებაჲ სულისა ჩემისაჲ განმკურნე, ქრისტე ღმერთო, და შემიწყალე
Line of ed.: 24    მე.

Line of ed.: 25       რაჟამს გამოჩნდებოდიან (წინაშე) შენსა, უფალო, საქმენი
Line of ed.: 26    (კაცთანი), დაფარულნი და ცხადნი, და მიაგებდე კაცად-კაცადსა
Line of ed.: 27    საქმეთა მათთაებრ, \ მას ჟამსა დამიფარე მე ფრთეთა მათ ქუეშე
Line of ed.: 28    მოწყალებისა შენისათა და ნუ მე-ცა-უფლებინ მე ცეცხლი იგი
Line of ed.: 29    უშრეტი.

Page of ed.: 157  
Line of ed.: 1       ოხითაჲ ჴ̃ჲ დ გ̃ი

Line of ed.: 2       განვიწმიდნეთ თავნი ჩუენნი, ძმანო, ყოვლისაგან [ბილწებისა
Line of ed.: 3    სულისა და ჴორც\თაჲსა. ლამპარნი სულთანი განვაბრწყინნეთ გლახაკთ]-მოწყალებითა.
Line of ed.: 4    ნუ[მცა შე]ვიჭამებით \ ურთიერთას ცილის-წამებითა,
Line of ed.: 5    რამეთუ მოგუეახლა ჟამი, ოდეს სიძეჲ იგი გამოვიდეს მიგებად
Line of ed.: 6    კაცად-კაცადსა საქმეთა მათთაებრ, \ შე-მცა-ვალთ ქრისტეჲს
Line of ed.: 7    ბრძენთა მათ თანა ქალწულთა და ჴმაჲ იგი ავაზაკისაჲ მის შევწიროთ
Line of ed.: 8    და ვთქუათ: მომიჴსენე მე, უფალო, ოდეს მოხუიდე სუფევითა
Line of ed.: 9    შენითა.


Line of ed.: 10       ფსალმუნი

Line of ed.: 11       წყალობაჲ შენი, უფალო, თ[ანა-მავალ მეყა] (ps. 22, 6 Link to psa).


Line of ed.: 12       დასადებელი

Line of ed.: 13       არა შემეშინოს [მე ბოროტისა \ ვიდრე მცენ მე] (ps. 22, 4 Link to psa).



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.