TITUS
Udzv.iadg.
Part No. 20
Previous part

Date: M02_02   Link to lektpar
Line of ed.: 11  თთუესა ფებერვალსა ბ მიგებებაჲ


Line of ed.: 12       უფალო ღაღატყავსა ჴ̃ჲ დ

Line of ed.: 13       \ რომელი ნეფსით ჩჩუილ იქმენ ქალწულისაგან \ და დას[ჯედ
Line of ed.: 14    მკლავთა ზედა დღეს მოხუცებულისა სჳმეონისთა, ვღაღადებთ შენდამი,
Line of ed.: 15    ქრისტე, ძეო ღმრთისაო].

Line of ed.: 16       გულისხმა-ყო მოხუცებულმან [სჳმეონ განჴორციელებაჲ შენი, მაცხოვარ,
Line of ed.: 17    და ადიდებდა სულითა ღმრთეებასა შენსა].

Line of ed.: 18       გიგალობთ შენ, ქალწულო, ღმრთისმშო[ბელო უბიწოო, ქერობინებრ
Line of ed.: 19    სიმტკიცეო, რომლისაგან ღმერთი იშვა, რამეთუ შენ მხოლოჲ იქმენ
Line of ed.: 20    წყარო უხრწნელების, რომლისა მიერ განათლდეს დაბადებულნი მიქუმითა
Line of ed.: 21    მაცხოვრისაჲთა დღეს მკლავთა ზედა მოხუცებულისა სჳმეონისთა].


Line of ed.: 22       სხუანი

Line of ed.: 23       მწუხრისა გალობასა და სიტყუიერსა მსხუერპლსა შენდა, ქრისტე,
Line of ed.: 24    შევსწირავთ, რომელი ქერობინთა ზედა მჯდომარე ხარ და
Line of ed.: 25    მკლავთა ზედა მიწისაგანისათა დასჯედი, რაჲთა რჩული აღესრულოს,
Line of ed.: 26    და ქუეყანისანი თანა-შეაერთნე ზეცისათა. [და მოხუცებულმან
Line of ed.: 27    სუიმეონ შენდა მიმართ ღაღატ-ყო: გიხილე, რომლისათუისცა
Line of ed.: 28    მსუროდა].

Line of ed.: 29       რომელი თუით რჩულისმდებელ ხარ, დაემორჩილე რჩულსა,
Line of ed.: 30    რაჲთა ჩუენ განგუათავისუფ[ლ]ნე წყევისაგან. რომელი ცათა შინა
Line of ed.: 31    ჴელით-უქმნელთა ტაძართა შინა განისუენებ, დღეს სიონად მოხუედ,
Line of ed.: 32    რაჲთ რჩული აღესრულოს. და მოხუცებულმან სუიმეონ შენდა
Line of ed.: 33    მიმართ ღაღატ-ყო: გიხილე, რომლისათუისცა მსუროდა.

Page of ed.: 87  
Line of ed.: 1       ნათელი მოვიდა სოფლად, დაუტევნეთ [საქმენი ბნე\ლისანი, რაჲთა
Line of ed.: 2    დღესა მას შინა თჳნიერად ვიდოდით და ვიტყოდით: უფალი ღმერთი გამოგჳჩნდა
Line of ed.: 3    ჩუენ].

Line of ed.: 4       იხარებს წმიდაჲ ეკლესიაჲ მოსლვასა შენსა, ქრისტე, მჴსნელო, რომელი
Line of ed.: 5    მოხუედ მაცხოვრად სოფლისა. ძეო ღმრთისა, შეგჳწყალენ ჩუენ.

Line of ed.: 6       განანათლენ ეკლესიანი ახლითა რჩულითა შენითა, ახარე სოფელსა,
Line of ed.: 7    ძეო ღმრთისაო, შეგჳწყალენ ჩუენ.


Line of ed.: 8       უგალობდითსა

Line of ed.: 9       \ უგალობდით უფალსა, რომელი ქალწულისაგან უბიწოჲსა
Line of ed.: 10    უქცეველად ჩჩუილ იქმნა ყოველთა ცხორებისათუის და მკლავთა
Line of ed.: 11    ზედა მოხუცებულისა სუიმეონისთა დაჯდომაჲ ჯერ-იჩინა, რამეთუ
Line of ed.: 12    დ[იდებით დიდებულ არს].

Line of ed.: 13       \ ეუწყა სულისაგან წმიდისა მოხუცებულსა სუი\მეონს არა
Line of ed.: 14    ხილვად სიკუდილი, ვიდრემდე იხილოს მაცხოვარი, და ესე დღეს
Line of ed.: 15    მიიქუა მკლავთა თუისთა ზედა, უღაღადებდა ყოველსა ერსა: ესე
Line of ed.: 16    არს ძჱ ღმრთისაჲ, რომელმან აცხოვნნეს სულნი ჩუენნი.

Line of ed.: 17       დღეს მოხუცებულმან სუიმეონ მკლავთა ზედა მიიქუა უფალი
Line of ed.: 18    და სიხარულით იტყოდა: აწ, უფალო, განმიტევე მე, რამეთუ გიხილე,
Line of ed.: 19    რომლისა მსუროდა, რაჲთა წარვიდე და ჯოჯოხეთისა მყოფთა
Line of ed.: 20    უქადაგო, ვითარმედ: განჴორციელდა ღმერთი.


Line of ed.: 21       სხუანი

Line of ed.: 22       რომელმან ადამის, მონისა, ხატი შეიმოსე, ქრისტე, ძეო ღმრთისაო,
Line of ed.: 23    ბუნებაჲ ღმრთეებისაჲ კაცობრივითა დაიფარე, ტაძრად მიიყვანე,
Line of ed.: 24    ვითარცა ყრმაჲ, მოხუცებულმან სუიმეონ მკლავთა ზედა
Line of ed.: 25    მიგიქუა, ღაღადებდა და იტყოდა: \ უგალობდეთ ქრისტესა, ძესა
Line of ed.: 26    ღმრთისასა, გალობითა ახლითა, რამეთუ დი.

Line of ed.: 27       აღივსო სიხარულითა და სულითა წმიდითა წინაწარმეტყუელი
Line of ed.: 28    და მოხუცებული სუიმეონ, გიხილა რაჲ მიყვანებული ტაძრად, და
Line of ed.: 29    სიხარულით უღაღადებდა ერსა: ესე არს ძჱ ღმრთისაჲ, რომელსა
Line of ed.: 30    მოველოდე, რომლისათუის ღაღადებდა [და იტყოდა: უგალობდეთ
Line of ed.: 31    ქრისტესა, ძესა ღმრთისასა, გალობითა ახლითა, რამეთუ დი].


Line of ed.: 32       მოიხილესა

Line of ed.: 33       მიეცით, ერნო, დიდებაჲ ქრისტესა, ღმერთსა ჩუენსა, რომელი
Page of ed.: 88   Line of ed.: 1    გამოგუიჩნდა ჩუენ მკლავთა ზედა მოხუცებულისა სუიმეონისთა.

Line of ed.: 2       დაგუიცვენ შენნი მოსავნი მეოხებითა, მაცხოვარ, წინაწარმეტყუელისა
Line of ed.: 3    შენისა სუიმეონისითა.

Line of ed.: 4       \ მეოხ იყავ, წინაწარმეტყუელო, სოფლისათუის, ვითარცა გაქუს
Line of ed.: 5    კადნიერებაჲ მაცხოვრისა მიმართ.

Line of ed.: 6       იხილეთ, იხილეთ, რამეთუ მე ვარ, რომელი მაღალთა შინა მარადის
Line of ed.: 7    მყ\ოფ ვარ მამისა თანა, მკლავთა ზედა მოხუცებულისა სუიმეონისთა
Line of ed.: 8    დავჯედი, ვითარცა კაცთმოყუარე ვარ.

Line of ed.: 9       დიდებაჲ შენდა, დიდებაჲ შენდა, მეუფეო დიდებისაო, რომელი
Line of ed.: 10    მამისა და სულისა წმიდისა თანა, ვითარცა ღმერთ ხარ, თაყუანის-იცემები
Line of ed.: 11    და მკლავთა ზედა მოხუცებულისა სუიმეონისთა განკაცებული
Line of ed.: 12    დასჯედი.

Line of ed.: 13       მოიხილე, ცაო, და ვიტყოდით უფროჲსად უგალობდეთ ქრისტესა
Line of ed.: 14    მეუფესა.

Line of ed.: 15       მართალ და წმიდა არს უფალი, რომელმან განადიდა დღეს სახელი მოხუცებულისა
Line of ed.: 16    სჳმეონისი.


Line of ed.: 17       \ განძლიერდასა

Line of ed.: 18       უფლისა მიერ ღმრთისა [ჩემისა განძლიერდა გული ჩემი, რამეთუ
Line of ed.: 19    უძლურთა შეიმოსეს ძალი].

Line of ed.: 20       განძრიელდა გული ჩემი უფლისა მიმართ და ამაღლდა რქაჲ
Line of ed.: 21    ჩემი ღმრთისა მიერ ჩემისა, რომელმან განადიდა დღეს სახელი წინაწარმეტყუელისა
Line of ed.: 22    სუიმეონისი.

Line of ed.: 23       \ სიხარულითა აივსო დღეს მოხუცებული სუიმეონ მკლავთა
Line of ed.: 24    ზედა მიქუმითა მაცხოვრისაჲთა და ღაღადებდა: აწ განუტევე მონაჲ
Line of ed.: 25    შენი, უფალო.


Line of ed.: 26       სხუანი

Line of ed.: 27       მოლოდებისაებრ გამოჴსნისა ისრაელისა გიხილა შენ, მჴსნელი
Line of ed.: 28    ნათესავისა კაცთაჲსაჲ, ანა წინაწარმეტყუელმან განკაცებული
Line of ed.: 29    კაცთმოყუარებით მკლავთა ზედა \ მოხუცებულისა სუიმეონისთა.
Line of ed.: 30    მის თანა აგიარებდა ღმერთსა და იტყოდა, რამეთუ არა[ვინ].

Page of ed.: 89  
Line of ed.: 1       შენ, პირველ საუკუნეთა ღმრთისა და ჩჩუილად გამოჩინებულისა
Line of ed.: 2    ყრმისა, სულისა მიერ წმიდისა წინაჲთვე ეუწყა მართალსა
Line of ed.: 3    სუიმეონს არა ხილვად სიკუდილი, ვიდრემდე იხილოს ჴორციელად
Line of ed.: 4    მოსრული უფალი, რომლისათუის მი-რაჲ-გიქუა მკლავთა ზედა და
Line of ed.: 5    ღაღატ-ყო, რამეთუ არა[ვინ].

Line of ed.: 6       ღმრთისმეტყუელთა დედათა ღმრთის-მეცნიერებით სულისა მიერ წმიდისა
Line of ed.: 7    მიემადლა უწყებაჲ გამოჩინებად ჩუენდა შენ, მეუფეჲ ძლიერებისაჲ და
Line of ed.: 8    რქაჲ ცხორებისაჲ, ცხებული უფლისაჲ. ვისწავეთ ჩუენცა მათ თანა გალობაჲ,
Line of ed.: 9    რამეთუ არავინ.


Line of ed.: 10       უფალო მესმასა

Line of ed.: 11       მესმა სმენაჲ შენი, უფალო, და შემე[შინა. განვიცადენ საქმენი
Line of ed.: 12    შენნი და დამიკჳრდა, უფალო].

Line of ed.: 13       გიხილეთ შენ, რომელი ჩჩუილ იქმენ, მაცხოვარ, და მოწყალე,
Line of ed.: 14    და ვადიდებთ აურაცხელსა შენსა სიმდაბლესა.

Line of ed.: 15       \ მეოხებითა წინაწარმეტყუელისა შენისა სუიმეონისითა ცხორებისა
Line of ed.: 16    ჩუენისათუის მშუიდობა ყავ, ვითარცა ღმერთ ხარ და
Line of ed.: 17    კაცთმოყუარე.


Line of ed.: 18       სხუანი

Line of ed.: 19       დღეს უხილავი სიტყუაჲ ღმრთისაჲ და უცვალებელი, გარეშეუწერელი,
Line of ed.: 20    დამბადებელი ცათაჲ, შემოქმედი ანგელოზთაჲ, დღეს
Line of ed.: 21    ჴორცთშესხმული იგი წმიდისაგან ქალწულისა, მიყვანებული ტაძარსა
Line of ed.: 22    შინა, მკლავთა ზედა მოხუცებულისა სუიმეონისთა დასჯედი, რომელმან
Line of ed.: 23    მოანიჭე მორწმუნეთა ნათელი და ცხორებაჲ საუკუნოჲ.

Line of ed.: 24       დღეს გამოუთქმელ არს სიმდაბლეჲ ღმრთეებისაჲ, საყდრად
Line of ed.: 25    ქერობინად გამოჩნდეს მკლავნი მოხუცებულისა სუიმეონისნი, არამედ
Line of ed.: 26    ... \ ტაძარსა შინა მკლავთა ზედა მოხუცებულისა სუიმეონისთა
Line of ed.: 27    დასჯედი, რომელმან მოანიჭე [მორწმუნეთა ნათელი და ცხორებაჲ
Line of ed.: 28    საუკუნოჲ].


Line of ed.: 29       ღამითგანსა

Line of ed.: 30       შენდამი აღვიმსთობთ, ქრისტე ღმერთო, აღმსთობასა ჭეშმარიტსა,
Line of ed.: 31    რომელი ქალწული\საგან ჩუენ აღმოგუიბრწყინდი და მკლავთა
Line of ed.: 32    ზედა მოხუცებულისა სუიმეონისთა დასჯედი, მაცხოვარ.

Line of ed.: 33       \ შენი მშუიდობაჲ მომეც ჩუენ, ქრისტე, ძეო ღმრთისა, რომელმან
Line of ed.: 34    ჯერ-იჩინე დღეს მიქუმაჲ, ვითარცა ჩჩუილმან, მკლავთა
Line of ed.: 35    ზედა მოხუცებულისა სუიმეონისთა, რაჲთა აცხოვნო ნათესავი
Line of ed.: 36    კაცთაჲ.

Page of ed.: 90  
Line of ed.: 1       მამისა და სულისა წმიდისა თანა თაყუანისცემულსა და ქუეყანასა
Line of ed.: 2    ზედა ღმერთსა ჴორცთშესხმულსა მორწმუნენი \ უგალობდეთ,
Line of ed.: 3    რომელმან აცხოვნნა სულნი ჩუენნი.


Line of ed.: 4       სხუანი

Line of ed.: 5       ამის მეუფისაჲ წინაწარმეტყუელთა ქადაგეს შობაჲ ქალწულისაგან,
Line of ed.: 6    რომელმან უდაბნოსა მანანაჲ მოსცა ერსა თუისსა. ესევე
Line of ed.: 7    სძითა, ვითარცა ჩჩუილი, დედისაგან იზარდებოდა, ხოლო სუიმეონ
Line of ed.: 8    ტაძარსა შინა მკლავთა ზედა მიგიქუა, რომელი ქერობინთა ზედა
Line of ed.: 9    მარადის მჯდ[ო]მარე ხარ. შეგუიწყალენ დაბადებულნი შენნი,
Line of ed.: 10    ქრისტე, ძეო ღმრთისაო.

Line of ed.: 11       აღესრულნეს წინაწარმეტყუელთა ჴმანი შენთუის, მაცხოვარ
Line of ed.: 12    რამეთუ ღმერთმან და სიტყუამან, მამისა მიერ მოსრულმან, მიწისაგანისანი
Line of ed.: 13    ჴორცნი შეიმოსნა, რომელმან შემოსნა ცანი ვარსკულავითა.
Line of ed.: 14    შენვე მკლავთა ზედა სუიმეონისთა დასჯედი, რომელი მაღალთა
Line of ed.: 15    შინა მ[ამი]სა თანა მჯდომარე ხარ, შეგუიწყალ[ენ]ჩუენ.

Line of ed.: 16       \ ვითარ მიხედა მართალმან წმიდასა ქალწულსა, მირბიოდა
Line of ed.: 17    მისსა და იტყოდა: გზა მეცით მე, რაჲთა ვიხილო, რომელსა-იგი
Line of ed.: 18    წინაჲთვე ვხედევდ, რაჲთა წარვიდე და ჯოჯოხეთისა მყოფთა უქადაგო,
Line of ed.: 19    ვითარმედ განჴორციელდა ღმერთი.

Line of ed.: 20       დაჰჯედ საყდართა ზედა, მსაჯულო სიმართლისაო, რომელი პირველ
Line of ed.: 21    საუკუნეთა მამისა თანა იყავ და დღეს მკლავთა ზედა სჳმეონისთა დაჰჯედი.
Line of ed.: 22    რომელსა მაღალთა შინა ანგელოზნი გაქებენ, შეგჳწყალენ ჩუენ.


Line of ed.: 23       ღაღატყავსა

Line of ed.: 24       რამეთუ სიღრმემან უფსკრულთა.

Line of ed.: 25       სათნო-იყავ მკლავთა ზედა დაჯდომაჲ შენისა წინაწარმეტყუელისა
Line of ed.: 26    სუიმეონისთა, უფალო, ვითარცა ჩჩუილ იქმენ, რაჲთა აცხოვნნე
Line of ed.: 27    შენნი მორწმუნენი, მხოლოო მოწყალეო.

Line of ed.: 28       მიგიქუა მკლავთა ზედა შენ, ქრისტე, მოხუცებულმან სუიმეონ
Line of ed.: 29    და სიხარულით \ ღაღადებდა: აწ განმიტევე მე, უფალო, რამეთუ
Line of ed.: 30    გიხილე ყოველთა მაცხოვარი.

Page of ed.: 91  
Line of ed.: 1       ღაღად-ვყავ სულთქუმით დაუდუმებე.

Line of ed.: 2       სიღრმესა ცოდვათა ჩემთასა შთავრდომილ ვარ და ვღაღადებ: უფალო,
Line of ed.: 3    უფალო, შემეწიე მე.

Line of ed.: 4       რომელმან ქალწული შემდგომად შობისა ქალწულადვე დაიცევ და ჯუარითა
Line of ed.: 5    ჩუენ განგუათავისუფლენ, უფალო.


Line of ed.: 6       სხუანი

Line of ed.: 7       ჭირსა ჩემსა ვღაღატ-ყავ შენდამი: ვითარცა იონა, უფსკრულად
Line of ed.: 8    დათქმული, ღელვათა აღმომიყვანე და მაცხოვნე მე, [მხოლოო,
Line of ed.: 9    ჩჩუილად გამოჩი]ნებულო უფალო.

Line of ed.: 10       \ რომელმან დაჰბადნა ცანი სიტყუითა, სიტყუითა მამისაჲთა
Line of ed.: 11    ღმრთისა დედად იწოდე, ქალწულო, რაჲთა შენ გამო ჩუენ გუიქადაგოს
Line of ed.: 12    სუიმეონ ჩჩუილად გამოჩინებული ღმერთი.

Line of ed.: 13       შეამკვე სასძლოჲ შენი, სიონ, რამეთუ დღეს შემოვალს მეუფეჲ
Line of ed.: 14    დიდებისაჲ, რომელსა მიიქუამს წინაწარმეტყუელი სუიმეონ,
Line of ed.: 15    რომელი აცხოვნებს სულთა ჩუენთა, ჩჩუილად გამოჩინებული
Line of ed.: 16    ღმერთი.

Line of ed.: 17       ღაღად-ვყავ შენდამი დათქმულმან ცოდვათა, მაცხოვარ, ვითარცა იონა,
Line of ed.: 18    რომელი გევედრებოდა შიშითა: \ აღმომიყვანე მე და [მაცხოვნე], მხოლოო,
Line of ed.: 19    ჩჩჳლად გამოჩინებულო უფალო.

Line of ed.: 20       ყოველნი მორწმუნენი ქებასა ვიკადრებთ, შევსწირავთ შენდამი, მაცხოვარ,
Line of ed.: 21    რომელი მოხუედ დღეს ტაძრად სჳმეონისა და ჯერ-იჩინე მკლავთა მისთა
Line of ed.: 22    ზედა ჯდომაჲ, ვითარცა კაცთ.


Line of ed.: 23       კურთხეულარსა

Line of ed.: 24       რომელი მთასა [ზედა მოსეს თანა ჰზრახევდი].

Line of ed.: 25       იშევ ქალწულისაგან, ვითარცა ჯერ-იჩინე, უფალო, და მკლავთა
Line of ed.: 26    ზედა სუიმეონ ტაძარსა შინა მიგიქუა და გალო[ბით შენ გიღაღადებდა:
Line of ed.: 27    კურთხეულ ხარ შენ, უფალო, ღმერთო მამათა ჩუენთაო].

Line of ed.: 28       აღსრულებაჲ რჩულისაჲ ჯერ-იჩინე, კაცთმოყუარე, ტაძრად
Line of ed.: 29    მიიყვანე მოხუცებულისა სუიმეონისა და გა[ლობით შენ გიღაღადებდა:
Line of ed.: 30    კურთხეულ ხარ შენ, უფალო, ღმერთო მამათა ჩუენთაო].

Line of ed.: 31       მეოხებითა მოხუცებულისა სუიმეონისითა, უფროჲსად ქველისმოქმედ,
Line of ed.: 32    მოტევებაჲ ცოდვათაჲ მოგუმადლე მონათა შენთა, რომელნი
Line of ed.: 33    სარწმუნოებით ყოვლითა გულითა გიღაღადებთ შენ: კ[ურთხეულ
Line of ed.: 34    ხარ შენ, უფალო, ღმერთო მამათა ჩუენთაო].

Page of ed.: 92  
Line of ed.: 1       სხუანი

Line of ed.: 2       დიდ არს ძალი ღმრთეებისა შენისაჲ, უფალო, რომელი თანამოსაყდრეჲ
Line of ed.: 3    ხარ მამისაჲ, თავი თუისი დაიმდაბლე და ქალწულისაგან
Line of ed.: 4    ჴორციელად გამოსჩნდი. ხოლო ტაძარსა შინა მოხუცებულმან
Line of ed.: 5    მიგიქუა. სოფელსა განეცხადე \ მაცხოვარი სულთა ჩუენთაჲ, რომელსა
Line of ed.: 6    თაყუანის-გცემენ ანგელოზთმთავარნი. ჩუენცა ერთობით
Line of ed.: 7    ვღაღადებთ და ვიტყუით: ღმერთო მა(მათა ჩუენთაო).

Line of ed.: 8       ანგელოზთა მეუფეჲ სუიმეონ მკლავთა ზედა მიგიქუა, სიხარულით
Line of ed.: 9    ღაღატ-ყო: რომელი ქერობინთა ზედა იდიდები სიტყუაჲ
Line of ed.: 10    ღმრთისაჲ, ქალწულისაგან ჩჩუილად გამოსჩნდი, რაჲთა აცხოვნო ნათესავი
Line of ed.: 11    კაცთაჲ. რომელსა თაყუანის-გცემენ [ანგელოზთმთავარნი,
Line of ed.: 12    ჩუენცა ერთობით ვღაღადებთ და ვიტყუით: ღმერთო მამათა
Line of ed.: 13    ჩუენთაო].


Line of ed.: 14       სხუანი

Line of ed.: 15       უხილავი სიტყუაჲ ღმრთისაჲ, მიუწდომელი და გარე-შეუწერელი, დამბადებელი
Line of ed.: 16    ცათაჲ და შემოქმედი ანგელოზთაჲ, ჴორცშესხმულ იქმნა წმიდისაგან
Line of ed.: 17    ქალწულისა და დღეს ტაძრად მოიყვანა მოხუცებულისა სჳმეონისა,
Line of ed.: 18    რომელსა დაუცხრომელად აქებენ მორწმუნენი და ერთობით ღაღადებენ და
Line of ed.: 19    იტყჳან: კურთხეულ ხარ შენ, უფალო, ღმერთო მამათა ჩუენთაო.

Line of ed.: 20       დღეს ძჱ მეუფისაჲ მარიამსა შემოიყვან წიაღითა თჳსითა, მშობელსა
Line of ed.: 21    და სძალსა, დედასა ნათლისასა და მეოხსა ჩუენ ყოველთასა, \ რომელსა ნათლითა
Line of ed.: 22    შემოსილი ერი წინა მიეგებოდა და ერთობით სიხარულით ღაღადებდეს
Line of ed.: 23    და [იტყოდეს: კურთხეულ ხარ შენ, უფალო, ღმერთო მამათა ჩუენთაო].

Line of ed.: 24       ნეტრეული სჳმეონ წინა მიეგებოდა, მკლავთა თჳსთა მოიქუა მაცხოვარი
Line of ed.: 25    ყოველთაჲ. ერსა უქადაგა: ესე არს უფალი სიკუდილისა და ცხორებისაჲ
Line of ed.: 26    ყოველთაჲ. რომელნი მოელოდეს გამოჴსნასა ისრაელისასა, იხილეს ნათელი,
Line of ed.: 27    გამოჩინებული წარმართთა ზედა, და იტყოდეს: კურთხეულ ხარ შენ, [უფალო,
Line of ed.: 28    ღმერთო მამათა ჩუენთაო].


Line of ed.: 29       \ აკურთხევდითსა

Line of ed.: 30       რჩულისა მომცემელმან ქრისტემან ინება რჩულისა ქუეშე ყოფაჲ,
Line of ed.: 31    და იჴსნა ნათესავი კაცთაჲ. ყოველ[ნი საქმენი უფლისანი უფალსა
Line of ed.: 32    უგალობდით და უფროჲსად ამაღლებდით].

Line of ed.: 33       მეუფეჲ ქრისტე, რომელი მიიქუა მოხუცებულმან სუიმეონ
Line of ed.: 34    მკლავთა ზედა, დღეს ქადაგა ღმერთი. ყოველ[ნი საქმენი უფლისანი
Line of ed.: 35    უფალსა უგალობდით და უფროჲსად ამაღლებდით].

Line of ed.: 36       პირველ საუკუნეთა ღმერთი, რომელი განკაცნა ყოველთათუის
Line of ed.: 37    ცხორებისა, მკლავნი აკურთხნა მოხუცებულისა სუიმეონისნი. ყოველ[ნი
Line of ed.: 38    საქმენი უფლისანი უფალსა უგალობდით და ამაღლებდით].

Page of ed.: 93  
Line of ed.: 1       სხუანი

Line of ed.: 2       შობილსა ქალწულისაგან და დაჯდომილსა მკლავთა \ ზედა მოხუცებულისა
Line of ed.: 3    სუიმეონისთა ვაკურთხევდეთ და უფ[როჲსად ავამაღლებდეთ
Line of ed.: 4    მეუფესა საუკუნეთასა უკუნისამდე].

Line of ed.: 5       უწყებულსა სულისა წმიდისასა განუმტკიცებიან მკლავნი მოხუცებულსა
Line of ed.: 6    სუიმეონს და მიიქუამს დაუსაბამოსა ღმერთსა ყოველთასა.
Line of ed.: 7    ვაკურთხევდეთ და უფროჲსად ავამაღლებდეთ მეუფესა საუკუნეთასა
Line of ed.: 8    უკუნისამდე.

Line of ed.: 9       თანაარსსა მამისასა, პირველ საუკუნეთა სიტყუასა ღმრთისასა და აღსასრულსა
Line of ed.: 10    ჟამთასა ქალწულისაგან შობილსა უთესლოდ, ვაკურთხევდეთ და
Line of ed.: 11    უფროჲსად ავამაღლებდეთ მას უკუნისამდე.


Line of ed.: 12       სხუანი

Line of ed.: 13       შენ, რომლისაგან ძწიან ძალნი ცათანი, დღეს სუიმეონ მკლავთა
Line of ed.: 14    ზედა მიგიქუა და სიხარულით იტყოდა, რამეთუ: იხილეს ყოველთა
Line of ed.: 15    კიდეთა მაცხოარებაჲ ღმრთისა ჩუენისაჲ. უგალობდეთ [და უფროჲსად
Line of ed.: 16    ავამაღლებდეთ მეუფესა საუკუნეთასა უკუნისამდე].

Line of ed.: 17       შენ, რომელი მამისა თანა განაგებდი, დღეს სუიმეონ მკლავთა
Line of ed.: 18    ზედა მიგიქუა, ღაღადებით იტყოდა: აჩუენა უფალმან მაცხოარებაჲ
Line of ed.: 19    თუისი. მოვედით, ერნო, თაყვანის-ვსცეთ და უგალობდეთ
Line of ed.: 20    [და უფროჲსად ავამაღლებდეთ მეუფესა საუკუნეთასა
Line of ed.: 21    უკუნისამდე].


Line of ed.: 22       ადიდებდითსა

Line of ed.: 23       შენ, ღრუბელი ნათლისაჲ, ქერობინთა საყდართა უმეტეჲსად გამოსჩნდი,
Line of ed.: 24    მკლავთა ზედა იტუირთე ღმერთი. გალო[ბით გადიდებთ].

Line of ed.: 25       \ შემკობილმან სასძლომან სიონისამან მეუფეჲ დიდებისაჲ შეგიწყნარა
Line of ed.: 26    და მოხუცებულმან სუიმეონ ქადაგა ღმერთი. გა[ლობით
Line of ed.: 27    გადიდებთ].

Line of ed.: 28       \ მეუფეჲ ქრისტეჲ შეგიწყნარა მოხუცებულმან სუიმეონ და
Line of ed.: 29    ღაღატ-ყო: აწ განმიტევე მონაჲ შენი, უფალო, მსგავსად სიტყუისა
Line of ed.: 30    შენისა მშუიდობით, რამეთუ იხილეს თუალთა ჩემთა მაცხოარებაჲ
Line of ed.: 31    შენი. გალობით გა[დიდებთ].

Page of ed.: 94  
Line of ed.: 1       სხუანი

Line of ed.: 2       საყდართა ქერობინთა მიემსგავსნეს მკლავნი მოხუცებულისა
Line of ed.: 3    სუიმეონისნი მიქუმითა მაცხოვრისაჲთა, რომლისა მიმართ მადლობით
Line of ed.: 4    ღაღადებდა: აწ განვთავისუფლდი, რამეთუ გიხილე მაცხოვარი
Line of ed.: 5    და უფალი.

Line of ed.: 6       რომლისაგან ძწიან ძალნი ცათანი, დღეს სუიმეონ მიგიქუა,
Line of ed.: 7    გმადლობდა ღმერთსა და იტყოდა: აწ, უფალო, განმიტევე მონაჲ
Line of ed.: 8    შენი, [რამეთუ გიხილე მაცხოვარი უფალი].

Line of ed.: 9       სარწმუნოებით მოწოდებული ერი წინა მიგეგებვოდა ტაძარსა
Line of ed.: 10    უფლისასა ჩჩუილად გამოჩინებულსა ღმერთსა და იტყოდეს: შეგუიწყალენ
Line of ed.: 11    ჩუენ, რომელი მოხუედ ჴსნად სოფლისა.

Line of ed.: 12       \ გმადლობთ შენ, ქალწულო უბიწოო, რამეთუ პირველ საუკუნეთა
Line of ed.: 13    ღმერთი ჴორცითა შენგან გამოგუიბრწყინდა, სუიმეონ მკლავთა
Line of ed.: 14    ზედა მიიქუა და იტყოდა: აწ განმიტევე მე, რამეთუ გიხილე ყოველთა
Line of ed.: 15    მაცხოვარი.


Line of ed.: 16       სხუანი

Line of ed.: 17       მეუფჱ დიდებისაჲ, წინა საუკუნეთა მამისა თანა ღმერთი, ქალწულისაგან
Line of ed.: 18    უბიწოჲსა ჴორციელად შობილი, რომელმან სათნო-იყო დაჯდომაჲ
Line of ed.: 19    მკლავთა ზედა მოხუცებულისა სჳმეონისთა, ამას უგალობდეთ და ვიტყოდით:
Line of ed.: 20    ღმერთი უფალი და გამოგჳჩნდა ჩუენ.

Line of ed.: 21       ძჱ, პირველ საუკუნეთა მამისა თანა ღმერთი, ქალწულმან მარიამ წიაღითა
Line of ed.: 22    იტჳრთა, და რჩულისა მომ\ცემელმან რჩულისა ქუეშე დამორჩილებაჲ
Line of ed.: 23    ინება. ამას უგალობდეთ [და ვიტყოდით: ღმერთი უფალი და გამოგჳჩნდა
Line of ed.: 24    ჩუენ].


Line of ed.: 25       სხუანი

Line of ed.: 26       ჭეშმარიტად უფალი გამოჩნდა, დიდი არს ქალწულისაგან შობაჲ, მიქუმაჲ
Line of ed.: 27    შობილისაჲ მის მკლავთა ზედა მოხუცებულისა სჳმეონისთა. რომელსა
Line of ed.: 28    აქებენ დასნი ანგელოზთანი, ჩუენცა მათ თანა დაუცხრომელად მორწმუნენი
Line of ed.: 29    ვადიდებთ.

Line of ed.: 30       განდიდნა სულითა მოხუცებული სჳმეონ, რაჟამს გიხილა შენ წიაღთა
Line of ed.: 31    მარიამისთა. სიმრავლესა მას ერისასა ეტყოდა: გზა მეცით მე! და მირბიოდა
Line of ed.: 32    შემთხუევად მისა. ამან მოიქუა ღმერთი მკლავთა თჳსთა ზედა, ღაღადებდა
Line of ed.: 33    და იტყოდა: აწ განუტევე მონაჲ შენი მსგავსად სიტყჳსა შენისა მშჳდობით,
Line of ed.: 34    რამეთუ იხილეს თუალთა ჩემთა მაცხოარებაჲ შენი. რომელსა აქებენ
Line of ed.: 35    [დასნი ანგელოზთანი, ჩუენცა მათ თანა დაუცხრომელად მორწმუნენი
Line of ed.: 36    ვადიდებთ].

Line of ed.: 37       იხილეს ყოველთა დაბადებულთა დამბადებელი ღმერთი წიაღ.


Line of ed.: 38       აქებდითსა ჴ̃ჲ დ გ̃ი

Line of ed.: 39       ყოლად წმიდაო ქალწულო, უსძლოო დედაო, ღმრთისმშობელო,
Line of ed.: 40    გამოუცდელო ქორწილისაო, შენ გაქებთ, შენ გაკურთხევთ, შენგან
Page of ed.: 95   Line of ed.: 1    შობილსა ქრისტესა თაყვანის-ვსცემთ და ვიტყუით: შ[ეგჳწყალენ
Line of ed.: 2    ჩუენ, ღმერთო ჩუენო].

Line of ed.: 3       საყდრად ქერობინად იწოდა წმიდაჲ ქალწული მარიამ, ეტუირთა
Line of ed.: 4    სიტყუაჲ ღმრთისაჲ ჴორციელად, რომელმან
Line of ed.: 5    [განანათლა]სოფელი.

Line of ed.: 6       მოწყალეჲ და კაცთმოყუარეჲ მოჰყვანდა წიაღითა, რომელი
Line of ed.: 7    მიიქუა სუიმეონ ტაძარსა \ შინა უფლისასა მკლავთა თუისთა ზედა,
Line of ed.: 8    \ აკურთხევდა ღმერთსა და იტყოდა: რომელი მოხუედ ჴსნად სოფლისა,
Line of ed.: 9    შეგუიწყალენ, უ[ფალო ჩუენო].

Line of ed.: 10       \ განმათავისუფლებელი ცოდვილთაჲ და სიქადული მღდელთმოძღურისაჲ,
Line of ed.: 11    რომელი მიიქუა სუიმეონ თუისთა ზედა, იჯმნიდა
Line of ed.: 12    თუისისა უფლისაგან და იტყოდა: იხილეს თუალთა ჩემთა მაცხოარებაჲ
Line of ed.: 13    შენი, განმათავისუფლენ ჩუენ, ქრისტე, ღმერთო ჩუენო.


Line of ed.: 14       სხუანი

Line of ed.: 15       მაღალთა შინა ანგელოზთა მიერ ქებული ღმერთი ჩჩუილად გამოსჩნდი
Line of ed.: 16    ქალწულისაგან ცხორებისათუის ჩუენისა, შენდა დიდებასა
Line of ed.: 17    შევსწირავთ.

Line of ed.: 18       ქალწულისაგან იშევ და რჩულისმდებელ იქმენ, რაჲთა რჩულისა
Line of ed.: 19    ქუეშე მყოფნი გამოგუიჴსნე. მკლავნი წმიდა ჰყვენ \ მოხუცებულისა
Line of ed.: 20    სუიმეონისნი. შენ[და დიდებასა შევსწირავთ].

Line of ed.: 21       პირველ საუკუნეთა მამისაგან იყავ ძეჲ, აღსასრულსა ჟამთასა
Line of ed.: 22    იშევ დედისაგან, სუიმეონ მოხუცებულმან მკლავთა ზედა მიქუმული
Line of ed.: 23    გქადაგა: უფალი არს ესე ცხორებისაჲ. შენ[და დიდებასა
Line of ed.: 24    შევსწირავთ].


Line of ed.: 25       სხუანი

Line of ed.: 26       შენ, რომლისათუის მთავრობათა ზეცისათა დაუკუირდა, რამეთუ
Line of ed.: 27    გხედვიდეს მკლავთა ზედა მოხუცებულისა სუიმეონისთა
Line of ed.: 28    ჩჩუილად გამოჩინებულსა ღმერთსა. იხარებენ ცანი და მხიარულ
Line of ed.: 29    არს ქუეყანაჲ, ზღუაჲ და ყოველი, რაჲ არს მას შინა, განმათავისუფლებელო
Line of ed.: 30    სულთა ჩუენთაო მაცხოვარ. ქებაჲ შენდა და დიდებაჲ
Line of ed.: 31    მოსლვასა შენსა, ქრისტე, ღმერთო ჩუენო, შენ გშუენის გალობაჲ
Line of ed.: 32    მა(ღალთა შინა).

Line of ed.: 33       ამისთუისცა წინაწარმეტყუელნი პირველვე ქადაგებდეს
Line of ed.: 34    \ (წმი)დისაგან ქალწულისა ჩჩუილად გამოჩინებულსა ღმერთსა,
Page of ed.: 96   Line of ed.: 1    ხოლო წესნი უჴორცოთა ანგელოზთანი განკუირვებით ღაღადებდეს
Line of ed.: 2    და იტყოდეს: ვითარ განუშორებელი მამისაგან მკლავთა ზედა
Line of ed.: 3    მოხუცებულისა სუიმეონისთა გამოჩნდა? ამისთუის მორწმუნენი
Line of ed.: 4    დაუცხრომელად შენ გაქებთ, ყოლად ძრიელო მაცხოვარ, ქებაჲ შენდა,
Line of ed.: 5    ქრისტე [ღმერთო ჩუენო, შენ გშუენის გალობაჲ მაღალთა
Line of ed.: 6    შინა].

Line of ed.: 7       წმიდაჲ სუიმეონ ქალწულსა მას ეტყოდა: ესე არს მრავალთა
Line of ed.: 8    დაცემაჲ და აღდგენაჲ, რომელსა ერი ნათლისაჲ გარე-მოადგს.
Line of ed.: 9    გიხაროდენ, ყოლად წმიდაო ქალწულო, კურთხეულო დედათა შორის,
Line of ed.: 10    ტაძარო სულისა წმიდისაო, რამეთუ შენგან გამოგუიბრწყინდა
Line of ed.: 11    მზეჲ იგი სიმართლისაჲ და მოეფინა ნათელი მისი ყოველსა ზედა
Line of ed.: 12    ქუეყანასა. გიხაროდენ, დამტევნელო დაუტევნელისაო, რამეთუ
Line of ed.: 13    შენ მიერ განუქარვე ყუედრებაჲ იგი \ დედათაჲ და შენგან გამოგუიჩნდა
Line of ed.: 14    ჴორცთშესხმულად ყოველთა ღმერთი, რომელმან სიმდაბლით
Line of ed.: 15    ჯერ-იჩინა დაჯდომაჲ მკლავთა ჩემთა ზედა, რომელსაცა
Line of ed.: 16    ვერ იტუირთვიდეს ოთხატედნი ქერობინნი. აწ განვთავისუფლდი
Line of ed.: 17    საწუთროჲსა ამის ცხორებისაგან, რამეთუ გიხილე, რომელსა
Line of ed.: 18    მოგელოდე. აწ წარვიდე და უქადაგო მყოფთა ჯოჯოხეთისათა განჴორციელებაჲ
Line of ed.: 19    შენი, ქრისტე, ღმერთო ჩუენო, ყოლად [ძრიელო
Line of ed.: 20    მაცხოვარ, ქებაჲ შენდა, ქრისტე, ღმერთო ჩუენო, შენ გშუენის გალობაჲ
Line of ed.: 21    მაღალთა შინა].

Line of ed.: 22       რომელი ქერობინთა ზედა მამისა თანა-მოსაყდრჱ დღეს ქუეყანასა ზედა
Line of ed.: 23    მკლავთა ზედა მოხუცებულისა სჳმეონისთა დასჯედი, ქებაჲ შენდა და
Line of ed.: 24    დიდებაჲ მოსლვასა შენსა, ქრისტე, ღმერთო ჩუენო, ყოლად ძლიერო მაცხოვარ,
Line of ed.: 25    ქებაჲ შენდა, შენ გშუენის გალობაჲ მაღ(ალთა შინა).

Line of ed.: 26       რომელმან პირველშექმნული იგი ცთომისაგან დაცემული აღადგინე
Line of ed.: 27    და ჩუენ განგუათავისუფლენ საუკუნოჲსაგან ბნელისა, ქებაჲ შენდა [და დიდებაჲ
Line of ed.: 28    მოსლვასა შენსა, ქრისტე, ღმერთო ჩუენო, ყოლად ძლიერო მაცხოვარ,
Line of ed.: 29    ქებაჲ შენდა, შენ გშუენის გალობაჲ მაღალთა შინა].

Line of ed.: 30       რომელმან საყდრად გამოაჩინენ მკლავნი მოხუცებულისა სჳმეონისნი
Line of ed.: 31    და წარავლინე ქადაგებად, მყოფთა ჯოჯოხეთისათა \ უქადაგა განჴორციელებაჲ
Line of ed.: 32    შენი, ქრისტე ღმერთო, ყოლად [ძლიერო მაცხოვარ, ქებაჲ შენდა, შენ
Line of ed.: 33    გშუენის გალობაჲ მაღალთა შინა].


Line of ed.: 34       სხუანი

Line of ed.: 35       დღეს იხარებენ ანგელოზნი ცათა შინა და კაცნი ანგელოზთა
Line of ed.: 36    თანა ქებასა შენდა შესწირვენ, რამეთუ მოხუცებულმან სუიმეონ
Page of ed.: 97   Line of ed.: 1    მკლავთა ზედა მიგიქუა შემოქმედი ცათაჲ და ქუეყანისაჲ.

Line of ed.: 2       მოწყალეჲ და კაცთმოყუარეჲ გიხილეს წიაღთა ქალწულისათა,
Line of ed.: 3    მოყვანებული ტაძრად, ვითარცა ჩჩუილი მიქუმად სუიმეონისა, შემოქმედი
Line of ed.: 4    ცათაჲ და ქუეყანისაჲ.


Line of ed.: 5       ლიტანიისანი


Line of ed.: 6       ჴ̃ჲ ა გ̃ი

Line of ed.: 7       ნათლითა შე[მოსილნო ერნო ქრისტჱსნო, მოვედით, სიხარულით
Line of ed.: 8    მივეგებვოდით ღმრთისმშობელსა მარიამს, რამეთუ მოვალს და მო\ჰყავს
Line of ed.: 9    წიაღითა ევმანუელ, რაჲთა აღასრულოს რჩული, აღადგინოს ადამ და
Line of ed.: 10    დაჰჴსნნეს სალმობანი ევაჲსნი. ამას უგალობდეთ და ვთქუათ: უფალო, დიდებაჲ
Line of ed.: 11    შენდა].


Line of ed.: 12       \ სხუაჲ ჴ̃ჲ ა გ̃ი

Line of ed.: 13       კურთხეულ არს მომავალი სახელითა უფლისაჲთა. ღმერთი
Line of ed.: 14    უფალი ჴორცითა გამოჩნდა, იესუ ქრისტე. აწ მოვედით და მივეგებვოდით
Line of ed.: 15    მას, რამეთუ ესე არს ღმერთი მოწყალეჲ, უფალი კაცთმოყუარეჲ
Line of ed.: 16    და მაცხოვარი, რომელი მოვალს სახელითა უფლისაჲთა
Line of ed.: 17    და მოსლვად არს, რომლისა ვერ ღირს ვართ ხილვად მისა, რამეთუ
Line of ed.: 18    მან აჴოცოს სოფლისაგან ყოველი სიმრავლეჲ ცოდვათაჲ მისითა
Line of ed.: 19    კაცთმოყუარებითა. ალელუა, ალელუა.

Line of ed.: 20       \ სჳმეონ წინაწარმეტყუელო და მართალო, შენ წინაჲთვე გეუწყა სულისაგან
Line of ed.: 21    წმიდისა არა ხილვად სიკუდილი, ვიდრემდე იხილო ცხებული უფლისაჲ.
Line of ed.: 22    და მიიქუ იგი მკლავთა თჳსთა ზედა, ღაღატ-ჰყავ და სთქუ: აწ განმიტევე
Line of ed.: 23    მონაჲ შენი, უფალო, მსგავსად სიტყჳსა შენისა მშჳდობით. ამას ვევედრნეთ,
Line of ed.: 24    რაჲთა მშჳდობით და სიხარულით აცხოვნნეს სულნი ჩუენნი.


Line of ed.: 25       სხუაჲ ჴ̃ჲ დ

Line of ed.: 26       დღეს გამოუთქმელი და უხილავი, უხილავთა შემოქმედისა
Line of ed.: 27    ძისა ღმრთისაჲ საყდარი ზეცისა წესთაგან იხილვებოდა, რამეთუ
Line of ed.: 28    რომელი-იგი იყო და არს თანა-განმგებელი მამისაჲ და სულისა
Line of ed.: 29    წმიდისაჲ, ურცხუინელად \ ღმრთეებამან სათნო-იყო კაცებაჲ და
Line of ed.: 30    მიიხუნა ჴორცნი კაცობრივნი ჩუენისა ცხორებისათუის, რომლისათუისცა
Line of ed.: 31    სამყარონი ცათანი ძწიან. ესე თუით სუიმეონ მკლავთა
Line of ed.: 32    ზედა მიიქუა და წინაწარმეტყუელებით ამას იტყოდა: აწ განუტევე
Line of ed.: 33    მონაჲ შენი, უფალო, მსგავსად სიტყუისა შენისა მშუიდობით, რამეთუ
Line of ed.: 34    იხილეს თუალთა ჩემთა მაცხოარებაჲ შენი.


Line of ed.: 35       სხუაჲ ბ გ̃ი

Line of ed.: 36       შემოქმედი ცათაჲ და ქუეყანის(აჲ).


Line of ed.: 37       სხუაჲ გ გ̃ი

Line of ed.: 38       შეამკვე სასძლოჲ შენი, სიონ, და შეიწყნარე სიძეჲ შენი ქრისტე;
Page of ed.: 98   Line of ed.: 1    მოიკითხე მარიამ ზეცი(სა) ბჭეთა თანა, რამეთუ ესე საყდრად
Line of ed.: 2    ქერობინად გამოჩნდა. ამას ეტუირთა მეუფეჲ დიდებისაჲ
Line of ed.: 3    ქრისტეჲ. ღრუბელი ნათლისაჲ ხარი შენ, ქალწულო. მას მოჰყვანდა
Line of ed.: 4    ძჱ, უწინარეჲს მთიებისა შობილი, რომელი მიიქუა სუიმეონ
Line of ed.: 5    მკლავთა თუისთა ზედა, უღაღადებდა ყოველსა ერსა: უფალი არს
Line of ed.: 6    ესე სიკუდილისაჲ და ცხოვრებისაჲ და მაცხოვარი სულთა ჩუენთაჲ.


Line of ed.: 7       ოხითაჲ ჴ̃ჲ დ გ̃ი

Line of ed.: 8       სუიმეონ მიემსგავსა შობისა შენისა სახუეველთა \ გარე-შესხმითა
Line of ed.: 9    შენდა ჴელთაჲთა, რომელსა გიპყრიან ჴელითა დაბადებულნი,
Line of ed.: 10    რამეთუ ყოველთათუის სიმდიდრეჲ შენი სიგლახაკედ გარდასცვალე,
Line of ed.: 11    უქცეველო უფალო, დიდებაჲ შენდა.


Line of ed.: 12       ფსალმუნი ჴ̃ჲ დ

Line of ed.: 13       იხილეს [ყოველთა კიდეთა ვიდრე ღმრთისა ჩემისაჲ] (ps. 97, 3 Link to psa).


Line of ed.: 14       დასადებელი

Line of ed.: 15       აჩუენა [უფალმან მაცხოვარებაჲ] (ps. 97, 2 Link to psa).


Line of ed.: 16       ალელუაჲ ჴ̃ჲ დ გ̃ი

Line of ed.: 17       ისმინე, [ასულო, და იხილე] (ps. 44, 11 Link to psa).


Line of ed.: 18       \ ჴელთაბანისაჲ

Line of ed.: 19       სუიმეონ, წინაწარმეტყუელო და მართალო, შენ.


Line of ed.: 20       ჴ̃ჲ დ

Line of ed.: 21       დღეს გამო\უთქმელი და დიდებული და საკჳრველი მორწმუნეთა შორის
Line of ed.: 22    გამოჩნდა დღესასწაული. ესე ტაძარსა შინა რჩული აღესრულების და
Line of ed.: 23    წესი პირველისა მსახურებისაჲ მის სამღდელოჲსაჲ დაჰჴსნდების. ქერობინთა
Line of ed.: 24    წილ მაქებელად სჳმეონ და ეტლთა წილ-ქალწული, ხოლო ჩჩჳლისა მის
Line of ed.: 25    წილ და შობილისა ყრმისა-იქმნეს მკლავნი საყდარ გარე-შესხმითა. რომელმან
Line of ed.: 26    სიტყჳთა ცანი გარდაართხენ წინაწარმეტყუელთა ჴმანი აღასრულენ,
Line of ed.: 27    დღეს ქრისტე სოფელსა ნათლად გამოუბრწყინდა და კაცთა ნათესავი
Line of ed.: 28    აცხოვნა და ღმრთეებით ჩუენ შეგჳწყალნა.

Page of ed.: 99  
Line of ed.: 1       სიწმიდისაჲ ჴ̃ჲ ბ

Line of ed.: 2       დღეს იხარებენ ყოველნი, რომელნი სარწმუნოებით მოელოდეს
Line of ed.: 3    გამოჴსნასა ისრაელისასა, რამეთუ ყოველთა მაცხოვარი მკლავთა
Line of ed.: 4    ზედა მიგიქუა წმიდამან სუიმეონ, უქადაგა წარმართთა ნათელი
Line of ed.: 5    ჭეშმარიტი, რომლისა მიმართ ვღაღადებთ ანგელოზთა გალობასა და
Line of ed.: 6    ვიტყუით: წმიდა ხარ, წმიდა ხარ, წმიდა ხარ შენ ქერობინთა ზედა,
Line of ed.: 7    უფალო, დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.