TITUS
Udzv.iadg.
Part No. 10
Previous part

Date: M01_07   Link to lektpar
Line of ed.: 13  თთუესა იანვარსა ზ წმიდისა აბოჲსი

Line of ed.: 14  დასადებელნი


Line of ed.: 15       უფალო ღაღატყავსა \ ჴ̃ჲ დ

Line of ed.: 16       ეჰა დიდებული, საკუირველი წმიდისა და ახოანისა ქრისტეჲსისა
Line of ed.: 17    აბოჲსი, რამეთუ რომელი-იგი ისმაიტელ იყო რჩულითა, შური
Line of ed.: 18    აიღო წმიდისა მოციქულისა პავლე(ჲ)სი, რაჲთა ზე აქუნდეს
Line of ed.: 19    სახელი მისი ყოველთა კიდეთა სოფლისათა. მოვედით, მორწმუნენო,
Line of ed.: 20    ვადიდებდეთ საჴსენებელსა მისსა და უგალობდეთ ... რომელმან
Line of ed.: 21    ღირსად გუირგუინის ყო იგი.

Line of ed.: 22       რაჟამს წარადგინეს იგი წინაშე მძლავრისა მის აგარეანისა,
Line of ed.: 23    აიძულებდა მას და ეტყოდა, რაჲთამცა უარ-ყო ქრისტეჲ, ხოლო მან
Line of ed.: 24    აიარა ძეჲ მამისა თანა და არა უარ-ყო სამებაჲ წმიდაჲ. მოვედით,
Line of ed.: 25    მორწმუნენო, ვადიდებდეთ [საჴსენებელსა მისსა და უგალობდეთ,
Line of ed.: 26    რომელმან ღირსად გუირგუინის ყო იგი].

Line of ed.: 27       \ (მა)შინ განრისხნა გულისწყრომითა მძლავრი იგი და ფერი
Line of ed.: 28    პირისა მისისაჲ ექცეოდა ზედა წმიდისა მოწამისა ქრისტეჲსისა
Line of ed.: 29    აბოჲსა, ხოლო იგი უფროჲს ღაღადებდა და იტყოდა: დაღაცათუ
Line of ed.: 30    ცეცხლითა და ტანჯვითა აღმასრულოთ მე, არა უარ-ვყო სამებაჲ
Line of ed.: 31    წმიდაჲ. მოვედით, მორწმუნენო, [ვადიდებდეთ საჴსენებელსა მისსა
Line of ed.: 32    და უგალობდეთ, რომელმან ღირსად გუირგუინის ყო იგი].

Page of ed.: 58  
Line of ed.: 1       მაშინ აიჭურვოდეს ურჩულონი იგი წყობად ზედა წმიდისა
Line of ed.: 2    მოწამისა ქრისტეჲსისა აბოჲსა, ხოლო მან სიხარულით მოუდრიკა
Line of ed.: 3    მახუილსა ქედი თუისი, რამეთუ სუროდა მისლვად უფლისა თუისისა
Line of ed.: 4    და ისწრაფდა შესლვად სასუფეველსა მისსა. მოვედით, [მორწმუნენო,
Line of ed.: 5    ვადიდებდეთ საჴსენებელსა მისსა და უგალობდეთ, რომელმან
Line of ed.: 6    ღირსად გუირგუინის ყო იგი].


Line of ed.: 7       აკურთხევდითსა

Line of ed.: 8       (ყოველ)ნი საქმენი ღმრთისანი და (ყოველ).

Line of ed.: 9       რაჟამს შეკრბეს მოხუცებულნი ისმაიტელთანი \ წინაშე ურაკპარაკთა
Line of ed.: 10    მათთა და განიზრახვიდეს იგინი წმიდისა მოწამისა ქრისტეჲსისა
Line of ed.: 11    აბოჲსთუის. მღდელნი აკურთხევდით, რომელმან განაძრიელა
Line of ed.: 12    იგი, ერნი უფროჲსად ამაღლებდით მას უკუნისამდე.

Line of ed.: 13       მაშინ უბრძანა მძლავრმან მან მოწოდებაჲ წმიდისა აბოჲსი
Line of ed.: 14    და ეტყოდა მას: უკუეთუ ესე ესრეჲთ არს, აბო, რასა-ესე შეგწამებენ
Line of ed.: 15    შენ? მღდელნი აკურთხევდით, რომელმან ძრიელებაჲ მიჰმადლა,
Line of ed.: 16    ერნი [უფროჲსად ამაღლებდით მას უკუნისამდე].

Line of ed.: 17       მიუგო წმიდამან მოწამემან უფლისამან აბო და რქუა მას:
Line of ed.: 18    მშობელნი ჩემნი თუ ისმაიტელ არიან, ხოლო მე მსახური ვარ ჭეშმარიტისა
Line of ed.: 19    ძისა ღმრთისაჲ. მღდელნი აკურთხევდით, რომელმან განაძრიელა
Line of ed.: 20    იგი, ერნი [უფროჲსად ამაღლებდით მას უკუნისამდე].

Line of ed.: 21       მაშინ განრისხნა მძლავრი იგი და ფერი პირისა მისისაჲ ექცეოდა
Line of ed.: 22    ზედა წმიდისა და ახოანისა ქრისტეჲსისა აბოჲსა. [მღდელნი
Line of ed.: 23    აკურთხევდით, რომელმან განაძრიელა იგი, ერნი უფროჲსად
Line of ed.: 24    ამაღლებდით მას უკუნისამდე].


Line of ed.: 25       ადიდებდითსა ჴ̃ჲ დ გ̃ი

Line of ed.: 26       დღეს ღაღადებდა აბოჲ შორის სიმრავლესა წარმართთასა:
Line of ed.: 27    ვითარ მიმეღოს მე ცხორებაჲ კაცობრივი და ვითარ წარმეკუეთოს
Line of ed.: 28    თავი აბოს? \ ვითარ მომმართოს მახუილმან, ვითარცა ნაყოფმან კეთილმან?
Line of ed.: 29    ვითარ აღმევსოს მე გული სისხლითა, ვითარცა მანანაჲთა?
Line of ed.: 30    მიჴსენ მე, უფალო, აგარეანთაგან. ხოლო სიმრავლეჲ აგარეანთაჲ
Line of ed.: 31    ღაღადებს და ეტყუის აბოს: მოიქეც რჩულისა ჩუენსაებრ და
Line of ed.: 32    იყო შენ ყოველთა უჟესთაეს.

Line of ed.: 33       ხოლო აბოჲ ღაღადებდა და ეტყოდა: არა მიჴმს მე თქუენგან
Line of ed.: 34    ქრთამი -- ოქროჲ, არცა ანთრაკი, არცა ვეძიებ ცხორებასა ამის საწუთროჲსასა,
Line of ed.: 35    არამედ რაჲთა ვიხილო სული წმიდაჲ მარჯულ მამისა
Line of ed.: 36    მჯდომარეჲ, რომლისა სიტყუანი მისნი ტკბილ არიან უფროჲს
Line of ed.: 37    თაფლისა მის გოლეულისა, არამედ ვითარ გნებავს, წარმართნო,
Line of ed.: 38    აღმასრულეთ, რამეთუ არავინ არს მიმღებელ სულისა წმიდისა.

Line of ed.: 39       მაშინ მოწყუიდეს აბოჲ მახუილითა და გუამი მისი დაწუეს
Line of ed.: 40    ცეცხლითა და წარიყვა\ნეს იგი ანგელოზთა ღმრთისათა წინაშე
Line of ed.: 41    უფლისა. იხილა და რქუა მას: გიხაროდენ, აბო, რომელ არა შეგაწუხა
Page of ed.: 59   Line of ed.: 1    მახუილმან, არცა სატანჯველთა, არცა სიმრავლემან აგარეანთამან.
Line of ed.: 2    ამისთუისცა ღირს იქმენ შესლვად სასუფეველსა ცათასა და
Line of ed.: 3    ცხორებასა წარუალსა.


Line of ed.: 4       აქებდითსა ჴ̃ჲ ა გ̃ი

Line of ed.: 5       ტანჯვასა დაუთმო ისმაიტელთასა წმიდამან აბო, მჴნდა და
Line of ed.: 6    ეშმაკნი განასხნა, და მსხუერპლად შეწირნა ჴორცნი თუისნი და
Line of ed.: 7    ქრისტესა ქადაგებდა. ვითარცა მნათობმან და მოღუაწემან ყოვლისა
Line of ed.: 8    სოფლისამან იღუაწა და სიკუდილი შეურაცხ-ყო, და ზრუნვაჲ
Line of ed.: 9    ამის სოფლისაჲ დაუტევა, და შენ მხოლოსა სათნო-გეყო, და აწ
Line of ed.: 10    მეოხ არს სულთა ჩუენთათუის დიდსა წყალობასა.

Line of ed.: 11       სუროდა მისლვად უფლისა თუისისა სანატრელსა მოწამესა
Line of ed.: 12    ქრისტეჲსსა აბოს. დგა წინაშე მძლავრისა მის, \ ჰხედვიდა მახუილსა
Line of ed.: 13    აღმართებულსა. არა შეშინდა შინებისაგან მათისა, არამედ განიძუარცა
Line of ed.: 14    სამოსელი, მოუდრიკა მახუილსა თავი თუისი და დასთხინა
Line of ed.: 15    სისხლნი თუისნი, და აწ მეოხ არს სულთა ჩუენთათუის დიდსა
Line of ed.: 16    წყალობასა.

Line of ed.: 17       შეიმოსა სამოსელი ღირსთა მამათაჲ საყუარელმან ქრისტეჲსმან
Line of ed.: 18    აბო. ურმითა მიაქუნდა, ვითარცა ეტლითა, ადგილსა მას შესაწირავსა.
Line of ed.: 19    ვითარცა მსხუერპლი კეთილი და საკუმეველი სუნნელი
Line of ed.: 20    და ნელსაცხებელი პატიოსანი ცეცხლისაგან შეიწირა და საფლავი
Line of ed.: 21    მისი წყალთა ზედა, და აწ მეოხ [არს სულთა ჩუენთათუის დიდსა
Line of ed.: 22    წყალობასა].

Line of ed.: 23       დღესასწაულსა მას შუენიერსა, ნათლის-ღებასა მაცხოვრისასა,
Line of ed.: 24    მეორედ შობასა დიდისა მოწამისა აბოჲსსა იხარებდეს მდინარენი
Line of ed.: 25    და მნათობდეს ღელვანი, რამეთუ სათნო-იყო ქრისტემან მის თანა
Line of ed.: 26    წყალთა შინა. მაშინ განიკურნებოდეს უძრულებანი კაცთანი და სიხარულით
Line of ed.: 27    აივსნეს მორწმუნენი, და აწ მეოხ [არს სულთა ჩუენთათუის
Line of ed.: 28    დიდსა წყალობასა].


Line of ed.: 29       \ ოხითაჲ

Line of ed.: 30       რომელი გალობაჲ ანუ ვითა.


Line of ed.: 31       ფსალმუნი, ალელუაჲ, სახარებაჲ -- ყოველი წმიდათაჲ ამსახურო.


Line of ed.: 32       ჴელთაბანისაჲ ჴ̃ჲ ბ

Line of ed.: 33       მოვედით, მორწმუნენო ქრისტეჲსნო, ვჰყოფდეთ ჴსენებასა
Line of ed.: 34    წმიდის(ა) აბოჲსსა, რომელმან შეურაცხ-ყო განწყობილებაჲ იგი
Line of ed.: 35    აგარეანთაჲ და შეურაცხ-ყო ცეცხლი და მახუილი სახელისათუის
Line of ed.: 36    ქრისტეჲსისა, მოიგო გუირგუინი დიდებისაჲ წმიდათა მისთა თანა.

Page of ed.: 60  
Line of ed.: 1       მწუხრი ზატიკისანი.


Line of ed.: 2       უფალო ღაღატყავსა ჴ̃ჲ ბ

Line of ed.: 3       სიხარუ.
Line of ed.: 4       შიშმან შეიპყ.
Line of ed.: 5       მსგავსად ტ.


Line of ed.: 6       აკურთხევდითსა.

Line of ed.: 7       ყოველნი საქმენი შენნი გაქებენ დაუცხრომელა[დ დამბადებელსა
Line of ed.: 8    ღმერთსა].

Line of ed.: 9       რომელი ხარ ბუნებაჲ თანაარსი მამისაჲ და გარდამოჰჴედ
Line of ed.: 10    იორდანესა, \ ნათელ-იღე იოანეჲსგან, გაკურთხევთ, გი[გალობთ].

Line of ed.: 11       \ რომელი მამისა თანა და ძისა თანა იდიდები სული წმიდაჲ
Line of ed.: 12    და გარდამოჴედ იორდანესა მდინარესა, განსცხადენ სამებაჲ წმიდაჲ,
Line of ed.: 13    გაკურთხევთ, [გიგალობთ და].


Line of ed.: 14       ადიდებდითსა

Line of ed.: 15       გამოუკულეველმან ღმერთმან, რომელმან ჩუენთუის სა[თნო-იყო
Line of ed.: 16    დამკჳდრებად საშოსა შენსა, შენ გადიდებთ].

Line of ed.: 17       საუკუნეთა შემოქმედი ღმერთი, რომელი მამისა თანა განაგებდა,
Line of ed.: 18    დღეს მოვიდა იორდანედ ნათლის-ღებად იოანეჲსგან. გულისხმა-ვყოთ
Line of ed.: 19    სამებისა ერთარსებაჲ შ.

Line of ed.: 20       საუკუნეთა შემოქმედი ღმერთი, რომელი საშოსა დაიტიე და სიხარული
Line of ed.: 21    სოფელსა უშევ, შენ გადიდებთ, ღმრთისმშობელო ქალწულო.

Line of ed.: 22       ყოველთა შემოქმედი ღმერთი, რომელი მამისა თანა განაგებდა, ტაძარ
Line of ed.: 23    ექმენ მას ქალწულებითა, შენ გადიდებთ, ღმრთისა მშო[ბელო].

Line of ed.: 24       რომელი ჩუენთჳს განჰკაცენ და ნათელ-იღე იორდანესა იოანჱსგან,
Line of ed.: 25    გულისხმა-ყავ სამებისა ერთარსებაჲ. შენ გაკურთხევთ, მხოლოდშობილსა
Line of ed.: 26    ღმერთსა.


Line of ed.: 27       აქებდითსა

Line of ed.: 28       ვაქებდეთ ღმერთსა, მამასა მოწყალესა, რომელმან კაცთმოყუარებისათუის
Page of ed.: 61   Line of ed.: 1    მოავლინა ძეჲ თუისი ზეცით ქუეყანად, მჴსნელი და
Line of ed.: 2    მაცხოვარი ნათესავისა კაცთაჲსაჲ.

Line of ed.: 3       \ იოანე დგა იორდანესა ზედა, ნათელს-სცემდა ერსა და ეტყოდა:
Line of ed.: 4    განმზადენით გზანი უფლისანი. აჰა მოვალს მეუფეჲ ცათაჲ
Line of ed.: 5    და ქუეყანისაჲ.

Line of ed.: 6       \ შეურდა იოანე, აყენებდა მას და ეტყოდა: რომლისაგან ძწიან
Line of ed.: 7    ძალნი ცათანი, შენ ჩემდა მოხუალა ნათლის-ღებად? მე მიჴმს
Line of ed.: 8    შენ მიერ ნათლის-ღებაჲ.

Line of ed.: 9       განაკრძალებდა უფალი იოანეს და ეტყოდა: აცადე, ესრე ჯერარს
Line of ed.: 10    აღსრულებად ყოველი სიმართლეჲ. ნუ გეშინინ, მოყავ ჴელი
Line of ed.: 11    შენი.

Line of ed.: 12       მიყო ჴელი მისი თავსა ზედა მაცხოვრისასა. მეყსეულად განეხუნეს
Line of ed.: 13    ცანი, გარდამოჴდა სული წმიდაჲ, ვითარცა ტრედი, თავსა
Line of ed.: 14    ზედა უხრწნელსა უფლისასა.

Line of ed.: 15       ჴმაჲ იყო ზეცით მამისა მიერ და თქუა: ეგე არს ძჱ ჩემი საყუარელი,
Line of ed.: 16    რომელი საუკუნითგან სათნო-ვიყავ. [მაგისი ისმინეთ და სცხოვნდეთ
Line of ed.: 17    უკუნისამდე].

Line of ed.: 18       ნათლის-ღებასა უფლისასა იხილა იოანე, ძწოდა (ში)შით და უჩუენებდა
Line of ed.: 19    ერსა: აჰა მოვალს მეუფჱ ცათაჲ, რომლისათუისცა ვიტყოდე.

Line of ed.: 20       შეძრწუნდეს უდაბნონი იორდანისანი, ოდეს შემოქმედი ყოველთაჲ ნათლის-ღებად
Line of ed.: 21    მოვიდოდა მ(ონისა) თჳსისა იოანჱსგან.

Line of ed.: 22       შეძრწუნდა იორდანჱ ნათლის-ღებად შთასლვასა უფლისასა, უკუნიქცა
Line of ed.: 23    კუალსა და იტყოდა: ვინაჲ ღირს ვარ განბანად დამბადებელისა? განმწმიდე
Line of ed.: 24    და ღირს მყავ მე, უფალო.

Line of ed.: 25       \ სული წმიდაჲ, ვითარცა ტრედი, იხილა გარდამომავალი ზეცით იოანე,
Line of ed.: 26    წამა ჭეშმარიტი და თქუა: ესე არს ძჱ ღმრთისაჲ, რომელმან აიხუნეს
Line of ed.: 27    ცოდვანი სოფლისანი.


Line of ed.: 28       ფსალმუნი

Line of ed.: 29       მოვედით უფლისა (ps. 33, 6 Link to psa).


Line of ed.: 30       დასადებელი

Line of ed.: 31       ვაკურთხოთ (ps. 33, 2 Link to psa).



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.