TITUS
Kartlis Cxovreba
Part No. 22
Previous part

Part: XXI  
King: 18 
Page of ed.: 55  
Line of ed.: 1  
მეთვრამეტე მეფე, ამაზასპ, ძე ფარსმანისი. არშაკუნიანი


Line of ed.: 2        ესე ამაზასპ იყო კაცი ძლიერი და დიდი გოლიათი, მსგავსი ფარსმან ქუელისა.
Line of ed.: 3     და ამისსა მეფობასა გარდამოვიდეს ოვსნი, სპანი დიდნი გზასა დვალეთისასა. ხოლო
Line of ed.: 4     ვერ იგრძნა ამაზასპ მეფემან გარდამოსლვა ოვსთა ვიდრე გარდამოვლამდე მთისა.
Line of ed.: 5     მოვი/დეს ოვსნი და დადგეს ლიახუსა ზედა რვა დღე განსუენებად, და არა სადა განვიდა
Line of ed.: 6     მარბიელი, რამეთუ ქალაქისა მცხეთისა შემუსრვად მოსრულ იყვნეს.

Line of ed.: 7        მაშინ ამაზასპ მოუწოდა ყოველთა ერის-თავთა ქართლისათა. და მოვიდეს / ერის-თავნი
Line of ed.: 8     აღმოსავალისანი: ერის-თავი კახეთისა, ერის-თავი ხუნანისა, ერის-თავი სამშჳლდისა. და
Line of ed.: 9     შემოკრბეს მჴედარნი სპასპეტისანი; და ვიდრე მოსლვადმდე დასავლეთისა
Line of ed.: 10     ერის-თავისა, მოვიდეს ოვსნი ჩრდილოთ კერძოთა ქალაქისათა, რომელ არს მუხნარი.

Line of ed.: 11        მაშინ ამაზასპ მეფემან განავსნა ციხენი და კარნი მცხეთისანი ლაშქრითა. და
Line of ed.: 12     იყო სიმრავლე ქუეითთა მცხეთელთა, რომელნი კართა და ზღუდეთა სცვიდეს; მათგან
Line of ed.: 13     კიდე რომელი გარე მეომრად განვიდოდეს, იყო ოცდაათი ათასი ქუეითი ყოვლად-ვე.
Line of ed.: 14     და მაშინ სხუა რომელი ჰყვა მჴედარი ათი ათასი, და განვიდა ამაზასპ და განაწესნა
Line of ed.: 15     ქუეითნი იგი არაგუსა იმიერ და ამიერ სიმაგრეთა შინა კართასა, ხოლო მჴედრითა
Line of ed.: 16     ლაშქრითა განვიდა ადგილსა, რომელსა ჰქჳან საფუ/რცლე. და იპყრა ზურგად ქალაქი
Line of ed.: 17     და ქუეითნი იგი, რომელ დაეყენნეს კართა შინა.

Line of ed.: 18        და იწყეს ბრძოლად ბუმბერაზთა. და განვიდა ამაზასპ მშჳლდითა, და იწყო სროლად
Line of ed.: 19     გულითა ფიცხელითა და მკლავითა ძლიერითა; ეზომ შორით ისროდა, რომელ
Page of ed.: 56   Line of ed.: 1     დამართებითა მდგომთა ოვსთაგან არა / შეიტყუებოდა და არ-ცა ინახვებოდა სიშორითა,
Line of ed.: 2     თუ ყოვლად აქუს მშჳლდი. და მან ჰკრის ისარი, რომელსა ვერ დაუდგის სიმაგრემან
Line of ed.: 3     საჭურველისამან. და მას დღესა შინა ამაზასპ თავის-თავითა მოკლა ბუმბერაზი თხუთმეტი
Line of ed.: 4     რჩეული და ცხენი მრავალი. და სხუათა-ცა ბუმბერაზთა ამაზასპისათა მოკლნეს
Line of ed.: 5     ბუმბერაზნი მრავალნი ოვსთანი; და დასდვეს დიდი ვნება ოვსთა ზედა.

Line of ed.: 6        მას დღესა შინა შემოვიდა ამაზასპ ქალაქად მჴედრითა სპითა, ხოლო ქუეითნი
Line of ed.: 7     იგი დგეს მუნ-ვე ადგილსა ზედა კართა შინა. და ღამესა მას მოემატნეს მჴედარნი,
Line of ed.: 8     რომელნი ვერ მოეტანნეს თანა ერის-თავთა მათ სისწრაფითა.

Line of ed.: 9        და ვითარ განთენდა, კუალად განვიდა მუნ-ვე ამაზასპ და აღ/იხუნა ოროლნი. და
Line of ed.: 10     გამოვიდა ოვსთაგან კაცი ერთი, რომელსა ერქუა სახელი ხუანსუა; იგი გამორჩეულ
Line of ed.: 11     იყო სპათა შორის ოვსთასა. აღიზახნეს ორთა-ვე და მიეტევნეს ურთიერთას; და პირველსა-ვე
Line of ed.: 12     მისლვასა სცნა ოროლნი ამაზასპ, და განავლო ზურგით, და მოკლა იგი. და
Line of ed.: 13     აღმოიჴადა ჴრმალი, და მიეტევა სხუათა-ცა ბუმბერაზთა, / და მოკლნა ორნი სხუანი-ცა,
Line of ed.: 14     შემოიქცა და შემოვიდა ქალაქად მჴედრებით-ურთ. ხოლო ქუეითნი დგეს მუნ-ვე კართა
Line of ed.: 15     შინა, და მას ღამესა კუალად მოემატნეს მჴედარნი.

Line of ed.: 16        ხოლო განიზრახეს დასხმა ოვსთა; და განვიდა და დაესხა ოვსთა, განთიადისა
Line of ed.: 17     ჟამსა, მჴედრითა და ქუეითითა ყოვლითა, სძლია და აოტა ბანაკი მათი, და მოკლა
Line of ed.: 18     მეფე ოვსთა და მოსრა ყოველი სიმრავლე მათი.

Page of ed.: 57  
Line of ed.: 1        და წელსა მეორესა მოირთო ძალი სომხითით, და შეკრიბნა სპანი თჳსნი ყოველნი, და
Line of ed.: 2     გარდავიდა ოვსეთს. და ვერ-ვინ წინა-აღუდგა და მოტყუენა ოვსეთი, და
Line of ed.: 3     მოვიდა შინა გამარჯუებული.

Line of ed.: 4        და შემდგომად ამისსა შეექმნა სილაღე, და იწყო მესისხლეობად, და მოს/წყჳდნა
Line of ed.: 5     მრავალნი წარჩინებულნი. და ამისთჳს მოიძულეს იგი ერმან ქართლისამან. და მტერ
Line of ed.: 6     ექმნა იგი სომეხთა, და შეიყუარნა სპარსნი.

Line of ed.: 7        მაშინ განდგეს ერის-თავნი დასავლეთისანი ხუთნი: ორნი ერის-თავნი ეგრისისანი,
Line of ed.: 8     ერთი ოძრჴისა, ერთი კლარჯეთისა და ერთი წუნდისა. ეზრახნეს ესე სომეხთა მეფესა,
Line of ed.: 9     და ითხოვეს ძე მისი მეფედ, რამეთუ დის-წული იყო ამაზასპისი. მაშინ სომეხთა მეფე
Line of ed.: 10     ძალითა მრავლითა წარმოემართა ქართლად, და მოირთო ძალი საბერძნეთით-ცა. და
Line of ed.: 11     ეზრახნეს ოვსთა-ცა, ხოლო ო/ვსნი სიხარულითა წარმოვიდეს, რამეთუ მესისხლე იყო
Line of ed.: 12     ამაზასპ მათი. და გარდამოვლეს გზა თაკუერისა, და მოვიდეს ერის-თავთა თანა ეგრისათა.

Line of ed.: 13        მაშინ ამაზასპ მოუწოდა სპარსთა, და მოვიდეს სპარსნი ძლიერნი. და შეკრიბნა
Line of ed.: 14     ქართველნი-ცა, რომელნი დარჩომოდეს. მაშინ ოვსთა და მეგრთა გარდამოვლეს მთა
Line of ed.: 15     მცირე, და შეკრბეს იგინი და ერის-თავნი ქართლისანი განდგომილნი, და მოვიდეს
Line of ed.: 16     ესე ყოველნი წინაშე სომეხთა მეფისა.

Line of ed.: 17        ხოლო წარმოემართა ამაზასპ, და მოეგება იგი / გუთის-ჴევს და არა-ვინ იპოვა
Line of ed.: 18     ეგე-ოდენთა მათ სპათა შინა ბერძენთა, სომეხთა, ოვსთა, მეგრთა და ქართველთა მარტოდ-მბრძოლი
Line of ed.: 19     ამაზასპისი, არამედ ეწყვნეს ურთიერთას სპანი იგი. და იქმნა ბრძოლა
Line of ed.: 20     მათ შორის: იძლია ამაზასპ, და ივლტოდა სპა მისი. და მოკლეს ამაზასპ, და მოსრეს
Line of ed.: 21     სპა მისი, და დაიპყრეს ქართლი. და დაუტევა სომეხთა მეფემან ძე თჳსი ქართლისა
Line of ed.: 22     მეფედ, რომელსა სახელი ერქუა რევ, დის-წული ამაზასპისი.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.