TITUS
Kartlis Cxovreba
Part No. 13
Previous part

Part: XII  
King: 9 
Line of ed.: 8  
მეცხრე მეფე, მეორე არშაკ. ძე მირვანისი. ნებროთიანი


Line of ed.: 9        ხოლო ესე არშაკ მეფე იყო დედით არშაკუნიანი და მამით ნებროთიანი და
Line of ed.: 10     ფარნავაზიანი. ამან არშაკ განაშუენა ნელქარ, ქალაქი კახეთისა, რომელ არს ნეკრესი,
Line of ed.: 11     და ჰმატა სიმაგრესა უფლის-ციხისასა. და იყო ესე ძლიერი ძალითა, დიდი და გოლიათი.

Line of ed.: 12        ხოლო ესე ადერკი, ძე ქართამისი, ასულის წული ბარტომ მეფისა, რომელი
Line of ed.: 13     ვაჴსენეთ ზემოთ, აღზარდეს სომხითს. და იყო კაცი ასაკით შუენიერი, ტანით დიდი
Line of ed.: 14     და გოლიათი, მრავალ-გზის გამოცდილ იყო ბრძოლასა სომეხთა და ასურთასა, და მას
Line of ed.: 15     მოეკლა მრავალი ბუმბერაზი, და სახელოვან ქმნილ იყო იგი.

Line of ed.: 16        ამან ადერკი მოითხოვნა სპანი სომეხთა მეფისაგან, და მოსცნა მას, და წარმოემართა
Line of ed.: 17     არშაკს ქართველთა მეფესა ზედა, დედის ძმასა თჳსსა. ხოლო არშაკ შემოკრიბნა
Line of ed.: 18     ყოველნი ერის-თავნი ქართლისანი, მოირთო ძალი სპარსეთით და მიეგება წინა.

Page of ed.: 34  
Line of ed.: 1        და შეკრბეს ორნი-ვე სპანი თრიალეთს და დაიბანაკეს მახლობელად ერთმან-ერთისა.
Line of ed.: 2     სთხოვა ბრძოლა თავის-თავ არშაკ ა/დერკის, ხოლო ადერკი სიხარულით აღიჭურა
Line of ed.: 3     საჭურველითა შუენიერითა, და აღჯდა ტაიჭსა და რქუა სპათა თჳსთა: "განმიმაგრეთ
Line of ed.: 4     ზურგით-კერძო ჩემი, და ნუ შესძრწუნდებით". და განვიდა ეგრეთ-ვე არშაკ,
Line of ed.: 5     შეიჭურა და განვიდა განწყობილთა შორის.

Line of ed.: 6        აღიზახნეს ორთა-ვე ჴმითა სასტიკითა, და მიეტევნეს ურთიერთას. და იწყეს ორთა-ვე
Line of ed.: 7     გურემად ოროლითა, და ვერა ჰკუეთდეს საჭურველსა ერთმან-ერთისასა. და ბრძოლისა
Line of ed.: 8     სიგრძესა შინა განუტყდა ოროლები, აღმოიღეს ჩუგლუგები და იწყეს ბრძოლად
Line of ed.: 9     ჩუგლუგებითა. ოდეს უსეთქნიან ჩუგლუგი იგი საჭურველსა ზედა მათსა, ჰგუანდის ჴმა
Line of ed.: 10     იგი ჴმასა მას უროს მჭედლისასა, რომელი ეცემის გურდემლსა; და ჴმა ზახილისა
Line of ed.: 11     მათისა მსგავს იყო ქუხილისა.

Line of ed.: 12        მაშინ ვერ სძლეს ურთიერთას, დაშურეს და უკუ-დგეს იმიერ და ამიერ. შეღამდა
Line of ed.: 13     დღე იგი და განისუენეს ორთა-ვე, და დილეულ კუალად გამოვიდეს და აღიღეს მშჳლდები,
Line of ed.: 14     და იწყეს რბევად და სრვ/ად ერთმან-ერთისა. ჰკრა ადერკი ისარი მკერდსა არშაკისსა
Line of ed.: 15     და ვერ-ღა-რა უფარა სიმაგრემან საჭურველისამან; განვარდა ზურგით, და ჩამოვარდა
Line of ed.: 16     არშაკ ცხენისაგან.

Line of ed.: 17        შემოიქცა ადერკი მსწრაფლ, და მივიდა სპათა თანა სომხითისათა, და რქუა მათ:
Line of ed.: 18     "გაფუცებ ღმერთთა თქუენთა, ნუ განმარტებთ მახჳლთა თქუენთა ქართველთა ზედა,
Line of ed.: 19     რამეთუ მამულნი არიან ჩემნი. და აწ მე ვარ მეფე მათი, ძალითა და შეწევნითა
Line of ed.: 20     თქუენითა". ისმინეს სომეხთა ვედრება მისი და დაადგრეს ადგილსა ზედა.

Line of ed.: 21        შემოიქცა და მოვიდა ადერკი მახლობელად ქართველთა სპათასა. და ჴმა უყო
Line of ed.: 22     ჴმითა მაღლითა: "მე ვარ შვილი მეფეთა თქუენთა, და სუესა ჩემსა მოუცემია მეფობა
Page of ed.: 35   Line of ed.: 1     ჩემდა. აწ მიიღეთ ჩემგან კეთილი და სიხარული. აჰა ესე-რა აღარა მოუშვნე სპანი
Line of ed.: 2     სომეხნი თქუენ ზედა".

Line of ed.: 3        მაშინ მიუგეს ქართველთა: "შენ / გამოსჩნდი უმჯობესი ყოველთა შორის ნათესავთა
Line of ed.: 4     ფარნავაზისთა. რათგან მოკუდა მეფე ესე ჩუენი, აწ შენ ხარ მეფე ჩუენი; და ვმადლობთ
Line of ed.: 5     სუესა ჩუენსა, რამეთუ მოგუეცა საზღვარად მეფისა ამის ჩუენისა შვი/ლი-ვე მეფეთა
Line of ed.: 6     ჩუენთა, გოლიათი და სახელოვანი".

Line of ed.: 7        და გარდაჴდეს ყოველნი ქართველნი, დაცჳვეს პირსა ზედა თჳსსა და თაყუანის-სცეს
Line of ed.: 8     ადერკის. და მშჳდობით შეკრბეს ერთად სომეხნი და ქართველნი და სპარსნი რანისანი,
Line of ed.: 9     და მოიღეს ქართველთა გჳრგჳნი არშაკისი, და დაადგეს ადერკის და წარმოიყვანეს.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.