TITUS
Biblia Iberica: Psalterium et Odae
Part No. 136
Previous part

Chapter: 136 
Verse: 1  Link to mcat Link to sept Link to armat   მდინარეთა ზედა ბაბჳლონისათა მუნ დავსხედით და ვტიროდეთ, რაჟამს მოვიჴსენეთ ჩუენ სიონი.

Verse: 2  Link to mcat Link to sept Link to armat   ძეწნთა ზედა შორის მისსა დავჰკიდეთ საგალობელი ჩუენი;

Verse: 3  Link to mcat Link to sept Link to armat   რამეთუ მუნ მკითხვიდეს ჩუენ წარმტყუენველნი ჩუენნი სიტყუათა გალობისათა და წარმყვანებელნი ჩუენნი მეტყოდეს ჩუენ: გუაქებდით ჩუენ გალობითა მით სიონისაჲთა!

Verse: 4  Link to mcat Link to sept Link to armat   ვითარ-მე გაქებდეთ შენ გალობითა უფლისაჲთა ქუეყანასა ამას უცხოსა?

Verse: 5  Link to mcat Link to sept Link to armat   უკუეთუ დაგივიწყო შენ, იერუსალემ, დამივიწყენ მეცა მარჯუენემან შენმან!

Verse: 6  Link to mcat Link to sept Link to armat   აღექუნ ენაჲ ჩემი სასასა ჩემსა, არა თუ მოგიჴსენო შენ და არა თუ პირველებრვე განგებულ გყო შენ, იერუსალემ, ვითარცა სახჱ დასაბამსა მას სიხარულისა შენისასა!

Verse: 7  Link to mcat Link to sept Link to armat   მოიჴსენენ, უფალო, ძენი ედომისნი და დღჱ იგი იერუსალემისაჲ. რომელნი იტყოდეს, დაარღჳეთ, დაარღჳეთ მისაფუძველადმდე!

Verse: 8  Link to mcat Link to sept Link to armat   ასულო ბაბჳლონისაო, უბადრუკო, ნეტარ არს, რომელმან მიგაგოს მისაგებელი შენი, რომელ შენ მომაგე ჩუენ!

Verse: 9  Link to mcat Link to sept Link to armat   ნეტარ არს, რომელმან შეიპყრნეს ყრმანი შენნი და შეჰხეთქნეს კლდესა!


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.