TITUS
Biblia Iberica: Psalterium et Odae
Part No. 120
Previous part

Chapter: 120 
Verse: 1  Link to mcat Link to sept Link to armat   აღვისილენ თუალნი ჩემნი მთათა, ვინაჲ მოხჳდე შეწევნად ჩემდა?

Verse: 2  Link to mcat Link to sept Link to armat   შეწევნა ჩემდა სახელითა უფლისაჲთა, რომელმან ქმნა ცანი და ქუეყანაჲ.

Verse: 3  Link to mcat Link to sept Link to armat   ნუ მისცემ შეძრვად ფერჴთა შენთა, ნუცა ჰრულინ მცველსა შენსა.

Verse: 4  Link to mcat Link to sept Link to armat   აჰა არა ჰრულინ, არცა დაიძინის მცველმან ისრაელისამან.

Verse: 5  Link to mcat Link to sept Link to armat   უფალმან გიცვას შენ, უფალი მფარველ შენდა არს და ჴელითა მარჯუენითა მისითა.

Verse: 6  Link to mcat Link to sept Link to armat   მზემან დღისა შენ არა გავნოს და არცა მთოვარემან ღამე.

Verse: 7  Link to mcat Link to sept Link to armat   უფალმან გიცვას შენ ყოვლისაგან ბოროტისა, დაიცვას სული შენი უფალმან.

Verse: 8  Link to mcat Link to sept Link to armat   უფალმან იცვეს შესლვაჲ შენი და გამოსლვაჲ შენი ამიერითგან უკუნისამდე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.