ღაღადებდით ღმრთისა ყოველი ქუეყანაჲ,
ჰმონებდით უფალსა სიხარულით, შევიდოდეთ მის წინაშე მხიარულებით.
უწყოდეთ, რამეთუ იგი თავადი არს უფალი ღმერთი ჩუენი; მან შემქმნა ჩუენ, და არა ჩუენ თჳთ ვიყვენით, ჩუენ ვართ ერნი მისნი და ცხოვარნი სამწყსოჲსა მისისანი
შევიდოდეთ ბჭეთა მისთა აღსარებითა და ეზოთა მისთა გალობითა; აუარებდით მას და აქებდით სახელსა წმიდასა მისსა,
რამეთუ ტკბილ არს უფალი, რამეთუ უკუნისამდე არს წყალობაჲ მისი, და თესლითი თესლამდე არს ჭეშმარიტებაჲ მისი.
