Page of ms. J: A16r სიტყუაჲ უფლისაჲ რომელი იყო სოფონიაჲსა მიმართ ქუსიანისა ძისა გოდოლიაჲსა, ამარიანისა, ეზეკიანისა, დღეთა იოსიაჲსთა ძისა ამონისა მეფისა იუდაჲსა.
მოკლებით მოაკლდინ პირისაგან ქუეყანისა, იტყჳს უფალი. Page of ms. J: A16v
მოაკლდინ კაცი და პირუტყჳ, მოაკლდედ მფრი/ნველნი ცისანი და თევზნი ზღჳსანი, და მოუძლურდენ უღმრთონი. და აღვიხუნა უშჯულონი პირისაგან ქუეყანისა, იტყჳს უფალი.
და განვირთხა ჴელი ჩემი იუდასა ზედა, და ყოველთა ზედა მკჳდრთა იჱრუსალემისათა. და აღვიღო ამის ადგილისაგან სახელები ბაალისი და სახელები მღდელთაჲ,
და რომელნი თაყუანის-სცემენ ერდოებსა ზედა ერთა ცისათა, და რომელნი ფუცვენ უფლისა, და რომელნი ფუცვენ მეფესა მათსა.
და რომელნი განდგომილ არიან უფლისაგან, და რომელნი არა ეძიებენ უფალსა; და რუმელნი არა თავს-იდებენ უფლისაჲსა.
გეშინადეს პირისაგან უფლისა ღმრთისა, რამეთუ ახლოს არს დღჱ უფლისაჲ. განჰმზადა უფალმან მსხუერპლი თჳსი, განწმიდნა ჩინებულნი მისნი.
და იყოს დღესა მას მსხუერპლისა უფლისასა, შური ვიძიო მთავართა ზედა და სახლსა ზედა მეფისასა, და ყოველთა ზედა რომელთა ჰმოსიეს სამოსელი სხჳსაჲ.
და შური ვიძიო ყოველთა ზედა განცხადებულად წინაშე ბჭეთა მას დღესა შინა, რომელნი აღავსებენ სახლსა ღმრთისა მათისასა უღმრთოებითა და ზაკუვითა.
და იყოს მას დღესა შინა, იტყჳს უფალი, ჴმაჲ ღაღადებისაჲ ბჭეთაგან განგუმერილთასა, და ყივილებაჲ მეორისაგან და შემუსრვაჲ დიდი ბორცუთაგან.
გოდებდით, რომელნი დამკჳდრებულ ხართ დაჭრილთასა, რამეთუ ემსგავსა ყოველი ერი ქანაანსა, მოისრნეს ყოველნი აღმაღლებულნი ვეცხლითა.
და იყოს მას დღესა შინა გამოვიხილო იჱრუსალემი სანთლითა, და შური ვიძიო კაცთაჲ მათ, რომელთა შეურაცხ-უყოფიან საცონი მათნი, რომელნი Page of ms. J: A17r იტყჳან გულთა შიდა/ მათთა. არცა კეთილი ქმნეს უფალმან არცა ბოროტი.
და იყოს ძალი მათი აღსაჭრელ, და სახლნი მათნი განსარყუნელ, და აშჱნებდენ სახლებსა და არა დაიმკჳდრონ მათ შინა, და დაასხმიდენ ვენაჴსა და არა სუან ღჳნოჲ მათი;
რამეთუ ახლოს არს დღჱ უფლისაჲ, მახლობელ და მწრაფლ ფრიად, ჴმაჲ დღისა მის უფლისაჲ მწარე და ფიცხელ; დაწესებულ არს ძლიერი.
დღჱ რისხვისაჲ დღჱ იგი; დღჱ ჭირისაჲ და ურვისაჲ, დღჱ უბადრუკებისაჲ და განრყუნისაჲ, დღჱ წყუდიადისაჲ და ბნელისაჲ; დღჱ ღრუბლისაჲ და ნისლისაჲ,
დღჱ ნესტჳსაჲ და ღაღადებისაჲ ქალაქთა ზედა ძლიერთა, და საკიდურთა ზედა მაღალთა;
და ვაჭირო კაცთა და ვიდოდიან ვითარცა ბრმანი, რამეთუ უფალსა შესცოდეს, და დასთხიოს სისხლი მათი ვითარცა მიწაჲ, და დასთხიოს სისხლი მათი ქუეყანასა, და ჴორცნი მათნი ვითარცა სკორჱ.
და ვეცხლმან მათმან და ოქრომან მათმან ვერ უძლოს განრინებად მათა დღესა რისხვისა უფლისასა. და ცეცხლითა შურისა მისისაჲთა შეიჭამოს დოველი ქუეყანაჲ; რამეთუ აღსასრული და წრაფაჲ ყოს ყოველთა ზედა მკჳდრთა ქუეყანისათა . ,
