TITUS
Biblia Mcxetica
Part No. 860
Chapter: 5
Verse: 1
განიძარცუე
,
იერუსალიმ
,
სამოსელი
გლოვისა
და
ძჳრის-ხილვისა
შენისა
და
შეიმოსე
შვენიერება
ღმრთისამიერისა
დიდებისაჲ
საუკუნოდ
.
Verse: 2
მოისხ
ჩოტკეცი
ღმრთისამიერისა
სიმართლისა
და
ზედდადევ
მიტრაჲ
თავსა
ზედა
შენსა
დიდებისა
საუკუნოსაჲ
,
Verse: 3
რამეთუ
ღმერთმან
უჩუენოს
ცისქუეშესა
ყოველსა
ბრწყინვალება
შენი
,
Verse: 4
რამეთუ
გეწოდოს
სახელი
შენი
ღმრთისა
მიერ
უკუნისადმე
,
მშჳდობა
სიმართლისა
და
დიდებაჲ
ღმთისმსახურებისა
.
Verse: 5
აღდეგ
,
იერუსალჱმ
,
და
დადეგ
მაღალსა
ზედა
,
და
მიიხილე
აღმოსავალთამი
,
და
იხილენ
შეკრებულნი
შვილნი
შენნი
მზისა
დასავალთაჲთგან
ვიდრე
აღმოსავალთამდე
სიტყჳთა
წმიდისაჲთა
მოხარულნი
ჴსენებითა
ღმრთისათა
.
Verse: 6
რამეთუ
განვიდეს
შენგან
მკჳრცხლნი
წარქცეულნი
მტერთაგან
,
ხოლო
შემოიყვანნეს
იგინი
ღმერთმან
შენდამო
და
ამაღლებულნი
დიდებითა
,
ვითარცა
საყდარი
მეფობისაჲ
.
Verse: 7
რამეთუ
უბრძანა
ღმერთმან
დამდაბლებად
ყოველსა
მთასა
მაღალსა
და
ბორცუთა
სამარადისოთა
,
და
ჴევთა
აღვსებად
მოსავაკებლად
ქუეყანისა
,
რაჲთა
ვიდოდის
ისრაჱლი
უცთომელად
დიდებითა
ღმრთისათა
.
Verse: 8
ხოლო
დააგრილეს
მაღნართაცა
და
ყოველმან
ხემან
სულნელისამან
ისრაჱლსა
ბრძანებითა
ღმრთისაჲთა
,
Verse: 9
რამეთუ
უძღოდის
ღმერთი
ისრაჱლსა
მხიარულებითა
ნათლისა
დიდებისა
მისისათა
მოწყალებისა
თანა
და
სიმართლისა
მისმიერისა
.
This text is part of the
TITUS
edition of
Biblia Mcxetica
.
Copyright
TITUS Project
, Frankfurt a/M, 22.3.2021. No parts of this document may be republished in any form without prior permission by the copyright holder.