TITUS
Biblia Mcxetica
Part No. 675
Previous part

Chapter: 148 
ალელუაჲ ანგეასი და ზაქარიასი


Verse: 1  Link to psa Link to sept   აქებდით უფალსა ცათაგან, აქებდით მას მაღალთა შინა.

Verse: 2  Link to psa Link to sept   აქებდით მას ყოველნი ანგელოზნი მისნი, აქებდით მას ყოველნი ძალნი მისნი;

Verse: 3  Link to psa Link to sept   აქებდით მას მზე და მთოვარე, აქებდით მას ყოველნი ვარსკულავნი და ნათელნი;

Verse: 4  Link to psa Link to sept   აქებდით მას ცანი ცათანი და წყალნი ზესკნელს ცათანი,

Verse: 5  Link to psa Link to sept   აქებდით სახელსა უფლისასა, რამეთუ მან თქუა, და იქმნეს, თავადმან ბრძანა, და დაებადნეს

Verse: 6  Link to psa Link to sept   და დაადგინნა იგინი უკუნისამდე და უკუნითი უკუნისამდე; ბრძანებაჲ დადვა, რომელი არა წარჴდეს.

Verse: 7  Link to psa Link to sept   აქებდით უფალსა ქუეყანით ვეშაპნი და ყოველნი უფსკრულნი;

Verse: 8  Link to psa Link to sept   ცეცხლი, სეტყუაჲ, თოვლი, მყინვარი, სული ნიავქარისა, რომელნი ჰყოფენ სიტყუასა მისსა;

Verse: 9  Link to psa Link to sept   მთანი და ყოველნი ბორცუნი, ხენი ნაყოფიერნი და ყოველნი ნაძუნი;

Verse: 10  Link to psa Link to sept   მჴეცნი და ყოველნი პირუტყუნი, ქუეწარმავალნი და მფრინველნი ფრთოვანნი;

Verse: 11  Link to psa Link to sept   მეფენი ქუეყანისანი და ყოველნი ერნი, მთავარნი და ყოველნი მსაჯულნი ქუეყანისანი;

Verse: 12  Link to psa Link to sept   ჭაბუკნი და ქალწულნი, მოხუცებულნი ყრმათა თანა; იქებდით სახელსა უფლისასა,

Verse: 13  Link to psa Link to sept   რამეთუ ამაღლდა სახელი მისი მხოლოსა;

Verse: 14  Link to psa Link to sept   და აღსარებაჲ მისი ზეცასა და ქუეყანასა. და აღიმაღლოს რქაჲ ერისა თჳსისა გალობად ყოველთა წმიდათა მისთა, ძეთა ისრაჱლისათა, ერი, რომელ მახლობელ არს მისა.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.